喜點.鮮鍋粥底火鍋點心專門店 (已結業)

又到四月尾，五月頭，決定同朋友係final之前打下邊勞，餐廳唔難搵，從長沙灣地鐵站出發，大約行5分鐘就到，黃色明亮的既門牌，比人一種精神愉快既感覺，店內既裝修同環境都算乾淨整齊，而枱櫈既擺位都幾寬鬆，好好坐。海鮮火鍋一定有海鮮啦，今次叫左個二人套餐，個海鮮盤係睇時令而上既，有四隻蝦、一堆蜆、一隻龍蝦、兩隻鮑魚同幾個貝類。全部海鮮都好新鮮，冇腥味，蜆煮落去有9成都係開既，平時都係食開炒蜆，而家煮蜆就索哂湯底啲汁，幾清甜。蝦肉唔會霉，係脆肉既，鮑魚唔太韌，幾好咬口，龍蝦肉同手掌咁大隻，切開左一半，配合湯底好鮮甜。成個海鮮盤既份量岩岩好兩個人share,最緊要係唔腥！點咗丸同餃有5款，每款2粒，一人一粒，仲要大大粒，浸左落個有海鮮既湯底，索哂啲海鮮湯味，幾好味，不過有咁多海鮮同有其他八款自選配料，其實都好飽。自選配料有：肥牛、荀、金菇、粟米、娃娃菜、花膠、蟹棒等，材料夠足本同新鮮，份量俾得唔多唔少，兩個人黎食都係食到8，9成野食。所以無點再加追過。飲品餐廳度有個雪櫃，野食係任飲，但選擇比較少，有豆漿、竹蔗茅根同啤酒，豆漿同竹蔗茅根味道比較淡，但清淡下湯底既濃郁，平衡下個味道都適合既。最後就係

今日去黃金電腦商場買完野餓餓地咪去揾間餐廳打邊爐，竟然俾我發現新大陸。首先，依間餐廳啲員工服務十分好。我地一入到餐廳，立即有員工帶到座位，拎啲醬料過黎俾我地揀。我地點左個set A，每人$258，裏面包括龍蝦，鮑魚，蟶子，蝦，多寶魚同一碟安格斯肥牛。啲海鮮見到就知十分新鮮，食落就知係高級貨，同平日喺西貢食到嗰啲有得fight。你睇下啲圖就知係正野。食完之後就可以點啲平時打邊爐嘅食材，例如肥牛，牛丸，烏冬嗰啲，總共可以揀八樣。食材都非常新鮮。食完之後，就可以叫侍應攞個粥底出黎，滾佢一陣，等佢吸哂之前海鮮啲鮮味就可以開餐。好耐冇食過啲咁正嘅粥喇！仲有免費任飲竹庶水同豆漿。最後埋單計埋醬油錢每人$280，以高級打邊爐黎講算合理。服務又好，之後一定會再黎幫襯！

咁快又到月尾出糧既時候，辛苦反工其實都係至在食，有時間梗係要約埋一班好友食餐好既。有朋友話未試過粥底火鍋，咁就一於試下依間粥底火鍋專門店。 佢有兩個餐既，A餐就貴小小，每位258蚊，但就包龍蝦、多寶魚、海蝦、鮑魚、貴妃蚌、蜆同埋頂級肥牛，再另加8款配料。B餐就平小小198，最大分別就係龍蝦變肉蟹。我地見其實都唔係差好多錢，一於就食龍蝦。 飲品方面，如果唔叫啤酒既話，竹蔗水同埋豆漿就任飲。 個食法係，一開始黎個鍋只有湯，等我地食完D 海鮮，之後食配料，最後食哂所有野，等D 湯吸收哂鮮味，再落稀米去煮成粥。 果然我地無揀錯，龍蝦真係正，淨係賣相已經覺得好鮮美，每隻都有羔，而且龍蝦係啖啖肉，唔係得個殻，龍蝦肉非常彈牙。 跟住就食其他既海鮮，海蝦蝦肉同樣係好彈牙，絕對唔係雪藏蝦既味道；鮑魚方面，廚房幫我地洗乾淨，去埋內臟，起埋個殻，我地就剩係放隻鮑魚落去就得，非常衛生；富貴蚌又係值得推介既，好大隻，啖啖肉，非常鮮味。多寶魚分量多。 食完海鮮就到配料了，依碟係頂級肥牛 至於鮮雞件好食，唔係雪藏雞黎，煮好左之後都仲好滑，而且好有雞味，屬必點之一。 跟住我地就仲叫左肥牛、魚皮餃、貢丸、響鈴等等。雖然