小肥牛火鍋活魚專門店 (已結業)

哩間小肥牛成日都好爆嫁...所以特登早o的打左電話book左間房先!唔洗等位又有12人房坐...唔錯!房間入面仲有電視添...雖然房間唔係好大,但反而一班人聚埋氣氛更加好呀!我地十幾個人,叫左兩個鍋...有麻辣同豬骨湯,豬骨湯底味道普通,但係麻辣就好正啦,夠香夠辣部刺身拼盤7;估唔到火鍋店o既刺身都咁新鮮同咁有水準喎~牛肉刺身9分;好特別呀!牛肉切得好薄而且好靚,食落就好滑...一o的都唔韌,仲好鮮味添呀!玉子豆腐4分;每次食玉子豆腐都會食到一種味,可能係我唔太鍾意果種味啦,所以都不太好玉子豆腐呀!特色鮮肉丸8分;肉好鮮味,好彈牙呀!牛筋丸&金菇5分;係火鍋必備嘅食物,不過無咩特別!手打花枝滑8.5分;花枝粒好彈牙,而且混合左一啲蟹籽咬落好爽口呀!肥牛片8分;雪花均勻,厚薄適中,口感好滑呀!水餃5分;味道一般,普普通通無咩特別!除此之外其實仲有好多野食不過圖片未能盡錄...我地十幾個人埋單,每人都係$180,不過就由8點半食到1點幾...咩都抵返晒啦!