撈喜 (已結業)

之前睇介紹知道東大街開左間專賣花膠撈麵嘅專門店，花膠又大隻又厚肉，對於我地美女一族當然係超級吸引啦 今日因為朝早要去小西灣開會，LUNCH要自己一個人食完再返公司，趁呢個機會一於去呢間撈喜嘆返個花膠餐先係筲箕灣搭地鐵返公司。雖然東大街我之前已經去過，不過由於撈喜原來係近街尾位置，我都要搵左一陣先搵到，餐廳唔大間，只有大概6張四人枱。去到撈喜時只係11:30，餐廳剛剛開門，我係第一位客人，店員好主動咁同我介紹，午市除左有set lunch之外，仲有全日提供嘅撈喜豪華餐，呢個餐有花膠撈麵、燉湯、豬頸肉/雲耳同埋油菜，難得來到，當然要豪一豪佢啦。招牌花膠撈麵果然名不虛傳，花膠又厚又大件，蝦籽粗麵吸入花膠汁超惹味，不過份量真係太多，如果下次黎，可以同人share一碟都夠食。跟餐加入$10轉配嘅呢個胡椒豬肚燉花膠材料好豐富，花膠份量都唔少，不過胡椒味好重，對我黎講就辣左少少，豬肚、豬肉同雞肉都燉煮得好腍，全部材料我都食得好乾淨。小食我揀左泰式豬頸肉，豬頸肉好香脆，味道都唔錯，不過食完個花膠撈麵，飲完個燉花膠已經飽左9成，最後我只食左幾塊就連埋份油菜打包返去俾帶飯嘅同事加餸。 雖然我有呢份手信帶返

今日朝早攞左半日假body check，check完只係11點幾，趁呢個空檔時間，我做一做孝順仔約左媽媽到筲箕灣東大街呢間"撈喜"，嘆返餐佢之前睇雜誌介紹已經想食好耐嘅花膠麵。平時中午到東大街食飯可以話人頭擁擁，不過今日我地12點左右已經到"撈喜"，未到Lunch繁忙時間，所以客人仲未多，不過12點半之後就開始多人。餐廳裝修簡約，以木、白色為主，座位唔多，感覺幾舒適。呢度Lunch時間有Set Lunch提供，價錢由$40至$68，不過今日同媽媽一場黎到，當然要食豐富d啦，我地點左一客撈起豪華套餐，另外再點左一碟黑松露汁花膠撈麵同一客泰式豬頸肉。撈起豪華套餐($148)撈起豪華套餐包括招牌花膠撈麵、一盎燉湯、一客小食同埋一碟時蔬。燉湯同小食都可以係主餐牌度揀，燉湯除主餐牌外，只需補超過$58的差價可以揀每周推介嘅燉湯，媽媽揀左佢好鍾意飲而自己燉要花好多功夫嘅胡椒豬肚燉花膠。胡椒豬肚燉花膠(跟餐加$10)呢個補左$10嘅胡椒豬肚燉花膠非常足料，花膠份量多之餘，胡椒味都好重，而且加入好多鮮豬肉同雞去燉，滋潤之餘味道都非常好。香煎鹿兒島牛柳粒(跟餐)店員之前已經告知跟餐點的香煎鹿兒島牛柳粒份