癡膠雞 (軒尼詩道)

營業中

休息中

晚餐唔知食咩好？今次嚟咗灣仔食米線！晚市仲可以跟爐上，好有一人邊爐feel~🍲胡椒豬肚雞米線（$60）趁天氣仲凍凍地，今次嗌咗胡椒豬肚湯底，仲獎勵自己+$10轉雞髀🍗🤭 湯底好濃，胡椒味都足，雞髀好滑，略嫌有啲碎骨，所以飲湯嗰陣時要小心！面頭仲有啲蟲草花，都幾有誠意👍🏻 而且店員會畀定個兜仔你，方便裝骨，好貼心💗✨貼士我平時都唔會跟爐，但今次心思思就揀咗（影相好似靚啲😝）不過，我建議食得慢嘅大家都係唔好揀「跟爐上」😂因為一嚟會好多煙，食米線唔太方便；二嚟，米線吸晒啲湯會漲得好快，同埋雞髀煮太耐會變嚡！

<招牌花膠雞米線🐔 $68>必食招牌花膠雞米線 湯底鮮甜得嚟唔會太濃 重點係雞肉都係好嫩 我揀左米粉 會吸晒湯底精華 不過我都係鍾意上海麵多啲🤤<胡椒豬肚雞米線🐽 $60>呢碗就會濃味啲 胡椒味啱啱好 唔會辣到搶味 反而帶出豬肚嘅鮮味 同雞肉嘅嫩滑🤤 豬肚完全無臊味 仲幾彈牙添😚<金磚豆腐🥢 $48>呢個真係必叫🤣外皮炸到金黃色 入面嘅豆腐嫩滑得好似會喺口裏溶化咁🥹真係會一啖接一啖<蟹肉忌廉薯餅🦀 $38>呢款小食就無豆腐咁有驚喜 係想像到嘅味道 有3大舊 份量都算幾多🤣

早幾日食完黐膠雞又念念不忘見到公司附近有另一間分店心血來潮又走去食😂😂😂今次都係叫咗兩款米線招牌花膠雞米線 $68雞肉滑 花膠夠晒爽口 湯底濃米線軟硬度適中胡椒豬肚雞米線 $60湯底嘅胡椒味好突出豬肚份量多，爽口又大件雞肉都係好滑 啖啖肉另外叫咗雲耳豬肚絲 $38 要咗小辣 唔好睇佢係小食豬肚絲嘅份量都好多雲耳夠晒爽口又健康辣度適中 好香口最後同朋友一人叫咗一杯檸檬薏米水 $18夠晒清熱袪濕 甜度適中 加埋檸檬好開胃放工時間餐廳已經坐滿人真係好多人都欣賞咁抵嘅價錢就可以食到一個小火鍋難怪吸引到外地遊客都嚟食

星期六上午11點零嚟到，成為第一枱客人。一行四人點左3個米線1個小食。我睇食評D相，明明米線鍋會跟爐上，但唔知由幾時開始，而家無再跟爐，改用呢D膠碗🤔招牌花膠雞米線$68我最先試呢個湯底，飲落好舒服，完全唔覺得鹹之餘，仲有雞味，成個湯飲哂都唔會覺得好大負擔。😏雞件份量幾多，而且好好彩比左雞髀位，肉質幾嫩；花膠有四小件，彈牙但無乜膠質，勝在唔腥。米線煮到啱啱好，無過淋。椰子雞米線$60第二款試椰子湯，幾濃椰子味、少少甜，飲落明顯比招牌鹹。胡椒豬肚雞米線$60由於食野之前我個人好凍，手腳冰冷，所以特登點胡椒湯暖一暖。三碗麵中呢碗最熱，胡椒聞落幾香，不過飲落唔夠辣，而且最鹹係佢，有少少失望。😐配料豬肚洗得乾淨、無異味，食落彈牙。金磚豆腐$42味道正常，上粉後炸，外脆內嫩滑，似百福/山水滑豆腐嘅味道。不過價錢略貴，成本唔高，但價錢幾乎等於主食，性價比唔高🙈。小店除現金外，仲支持電子付款方式。

今日去灣仔食花膠雞，呢間好似幾出名又多人介紹～～～所以今日就專程過嚟試吓🥰我地叫左兩個不同的雞米線，分別係胡椒豬肚雞，同埋花膠藥膳雞。比較之下，胡椒豬肚雞比較濃郁，湯飲落好順口，啲豬肚都好林又無腥臭味～ 花膠藥膳雞就清少少，會食到好大陣藥膳嘅味道，仲有啲醉雞感覺～我自己就鍾意胡椒豬肚雞，而朋友就鍾意食藥膳雞，所以視乎返大家鍾意濃定淡～ 呢度嘅雞湯米線，食落感覺好養身～ 🥰平時食飯都係多油多鹽～ 偶然都需要食啲養身啲既膳食～ 呢度都係一個唔錯既選擇😋佢地仲會幫你加個爐熱住個碗米線～ 啲湯keep住熱度，岩晒鍾意飲熱湯嘅我～～🥰

除咗有雞湯米線，仲有得打一人邊爐好過癮。有唔少放工放學嘅人嚟食晚飯，而且又有人留位，所以都應該係人氣米線舖！*招牌花膠雞米線 $68熱辣辣一鍋米線，可以選擇跟爐上。雞湯鮮甜，相當香雞味，味精味微乎其微，有種淡淡西湯忌廉湯嘅creamy感覺。花膠有三塊，夾埋有一隻手掌大細，唔算特別厚。米線份量其實唔少，口感偏硬，係我鍾意嘅口味。胡椒豬肚雞米線 $60雞湯以外有豬肚鹹香味，胡椒味偏淡，後勁先會有少少胡椒味。配料仲有蟲草花同雲耳。

行完美食展成個人都散晒，行經灣仔呢間食花膠雞平平地又幾有人氣就幫襯下，叫左半隻「癡膠雞$108」另加左蘿蔔、生菜、竹笙，當打邊爐咁食🤣 哇 上碟黎到真心唔講笑地勁吸引😨😨😍 半隻雞好足料，花膠仲有成10零舊👍🏻 個湯底無味精又夠濃味，本來想後加米線後來都食唔晒隻雞就無加，另外好欣賞佢搵個火爐一直燒著，keep著個雞湯熱度好緊要👍🏻👍🏻.另外叫左個「胡椒豬肚雞米線$60 」，呢個都抵食，又有爐跟，如果叫米線嘅話，雞就有雞髀成隻，份量都ok既，胡椒豬肚個湯底好正，胡椒味夠重辣辣地😜比較惹味。.小食就叫「金磚豆腐$32」同「蜜糖雞翼$32 」，越係冇期望就越係覺得驚喜😅😅🤣 真心正wor, 雞翼炸到脆卜卜加蜜糖甜甜地好夾，金磚豆腐又係炸到岩岩好，夠香口。.野飲+$10有桂花烏龍冷泡茶，就算加可樂都係$5，😉😉 補充一句，餐廳有個姐姐好好Service 😊 落單又介紹我地食咩，又會主動執野咁，好有❤️既小店。