阿肥火鍋 (已結業)

希望你能愛我到地老到天荒希望你能陪我到海角到天涯九十年代長大的你應該耳熟能詳餐廳盡是八九十年代的擺設和裝飾先來一支懷舊玻璃樽可樂火鍋底就要胡椒豬肚雞鍋湯頭呈奶白色有香濃胡椒味牛肉是火鍋不能或缺的食材點了一盤極上手切本地靚牛肉鮮紅色澤一看便知道極新鮮沒有肥瘦相間但口感相當軟腍四隻貴妃蚌在魚虹新鮮撈起快速在滾湯中涮個三十秒海水的鮮味在口腔裡散發日本黑毛豬腩片豬肉味道特別濃鮮蝦雲吞韭菜鮮肉餃也是自家出品餡料飽滿是質素極高的餃子手打墨魚丸口感彈牙真材實料陳皮魚蛋是八九後的兒時回憶尤記得在小學小食部的快樂日子門鱔炸魚皮是誠意之作與坊間不同這麼豐富的食材怎能沒有稻庭烏冬 二個小時的相聚時光此刻無價

呢兩日入秋，代表可以打邊爐嘅日子黎啦!同朋友四圍行，發現呢間近尖東站既樓下火鍋店大約6時多到，店內人流不多裝修都仿似八十、九十年代，玩味十分我地兩個人兩個胃口大的吃得剛剛好胡椒豬肚雞湯湯底($128)湯底胡椒味重，伴以紅棗、杞子、豬肚和雞味道香口吸引，配料十分健康養身(好啱女仔補血xd)鮮滑嫩牛肉($88)份量稍少，但牛肉高質海中蝦($168)拿上手還是活生生的蝦大蝦味道鮮甜就是價錢稍貴風塵三俠(蝦滑、墨魚滑、鯪魚滑)($128)這是我最推薦的一道小菜個人最喜歡蝦滑，蝦滑打得剛好，不會太黏太過水汪汪而且配上蟹籽粒吃味道爽甜總結來說，阿肥火鍋食物味道不錯，唯價錢稍貴若是想吃得飽滿，看來還須破費一餐呢

去完科學館探究完，時間已六點，過對面馬路睇下有乜食先，醫下肚胡椒豬肚雞鍋幾香胡椒香味，有半隻雞俾我地食，服務員還很細心地幫我們剪開一小件的穀飼安格斯牛肩胛肉淥幾秒就食得牛肉嫩滑海鮮拼盤 $288有四款海鮮，蟹、番薯蜆、海中蝦、貴妃蚌，蟹有很飽滿的黃油、多肉，海蝦新鮮又爽口貴妃蚌爽口彈牙又大隻且鮮甜自家包的鳳城水餃，內有木耳、蝦.....材料芝心墨魚丸，有一粒粒彈牙的墨魚粒芝士爆多，還有很強的拉絲效果打邊爐必點的粟米，超級甜每粒很飽滿足料的馬蹄竹蔗水，打邊爐最佳拍檔還有前菜，花生、菜寶先開胃

一直也很喜歡懷舊既野，聽朋友講係尖沙咀都有間新開既懷舊火鍋店，趁今日放工就去試下啦！入到去的確係幾有親切感，不竟好多野係兒時都見過，當然有係呢個甘有特色既環境下影相打咭啦！呢度仲要播住d舊歌，舊得黎又不會太舊，主要係七十，八十同九十年代既潮流歌，個晚隔離枱仲不時跟住唱Tim...兩人前叫左甘多野食的確有點貪心，不過肉同菜類都好平均，還可以吧胡椒豬肚雞鍋 HK$128呢個鍋超級足料，有成半隻鮮雞加紅棗杞子紅蘿蔔等去淆製成，飲落超鮮甜，雞肉雖然煲過湯，但仍然好滑又肥美呀！以下配料值得試呀貴妃蚌 HK$68HK$68有四隻貴妃蚌簡直超值呀！平時自己去街市買超碼都要HK$10隻呀！而且又新鮮又夠大隻，食落鮮甜，必叫之選呀！豬天梯 HK$48同樣低食既仲有豬梯，一碟只賣HK$48,有成打以上，絕對比同樣有豬天梯叫既火鍋店較為經濟！豬天梯其實係豬既下巴，一隻豬只有一件，所以較為矜貴！食落好爽口，口感比較特別，我幾喜歡豬粉腸 HK$58呢度d粉腸唔會太肥膩，食落又唔會太靭，雖然有點邪惡感，但的確好好食呀！鐵棍淮山 HK$38很喜歡的火鍋配料之一，喜歡佢夠

之前系網上看到有間火鍋店好懷舊是80年代的風格，今晚終於有機會一試，懷舊餐廳越來越少難得香港仲有少部分懷舊餐廳，餐廳怖置橫溢，坐位又舒適。胡椒豬肚雞鍋，里面有半隻雞，雞肉嫩滑又有豬肚，胡椒味香濃，湯底又鮮甜美國桶蠔大大隻又冇雪藏味煮熟左依然大大隻😋白鱔片好新鮮肉質又脆又鮮甜。炸午餐肉炸到好香口，肉質又不會淋。安格斯牛肩胛肉油脂又不會太多色澤鮮紅，牛味濃烈。到最後當然要粉絲來索湯的精華，年糕煙韌又有咬口。貴妃蚌新鮮又鮮甜。手工紫菜嚮鈴幾特別，中間包住一片紙菜浸一浸湯即刻拎起好美味。

市面多左懷舊系列火鍋餐廳，我都係第一次去試-阿肥火鍋。 餐廳在地庫，裝修真係幾花心思，又魚檔、舊公屋隔牆。重點都係食。兩個人，叫唔多，因為湯底都有好多配料，我地叫左：胡椒豬肚雞鍋($128) 火鍋湯底有好多材料，有半隻雞切開兩大件，雞肉肉質好鮮好嫩，湯底滾出好多雞油，好香。 另外配有有豬肚，仲有好多胡椒 紅棗 杞子 蔥等配料，湯底就咁飲好鮮味，飲左好多啖😋！ 阿肥牛皇拼盤($338)太多選擇，但兩個人又唔知食咩好，好幾款牛都想試，就叫左拼盤可以咩款都試到。 共有五款牛：安格斯一口牛、手切牛、黑牛柏葉、牛骨髓&牛肚。牛骨髓夠脆口，黑牛柏葉&牛肚夠爽口，一口牛夠淋身，手切牛夠咬口。款款質素也不錯，上格枱身設又夠細心~

尖東地庫隱藏一間地道火鍋餐廳 - 阿肥火鍋♨️ 大大塊招牌，沿樓梯落已經有懷舊裝修，好似時光隧道帶你回到過去咁。室內裝修延續懷舊特室，舊式公屋格局、傳統海鮮檔⋯ 睇得出店主對舊香港的懷念。餐廳火鍋湯底有好多選擇，部分要預訂，我地選左 胡椒豬肚雞鍋($128) 火鍋湯底異常好足料，第一次見半隻雞就咁放響湯底煮，豬肚切大大塊，胡椒量都非常多，又有紅棗 杞子 等配料配搭，成個湯底好香好有味，湯底就咁飲好鮮味！ 平時湯底d肉我都唔會食，因為滾到熟哂，肉質好"鞋"。呢度，除左雞patpat，半隻雞我都清哂，肉嫩滑口，又多雞油滲出，好好味！豬肚都唔洗講，好好味，洗得夠乾淨，又冇腥味，加上濃濃胡椒湯底一齊吃，味道itchiban!兩個人唔食得多，我地只係叫多兩款：鮮鳳閣雙飛($98) 雙飛係白鱔片&脆鯇片，片片魚片大大片，味道鮮甜，入口爽口👍🏻韮菜鮮肉餃($30)，餃子都好大份，好足料，韮菜好鮮！

睇世界盃當然係約埋朋友邊食飯邊睇先過癮, 今晚黎到近尖東既阿肥火鍋店打邊爐, 餐廳設於地庫, 裝修擺設什有香港懷舊風氣, 有些擺設幾乎係我出世前既"文物"(只係書本上見過), 真是大開眼界。入座後, 待應送上花生做前菜 (HK$20/碟)火鍋醬料自行於醬料區混醬, 每位HK$18呢度有多款湯底選擇, 我地就揀左MENU上其中推介既【胡椒豬肚雞鍋】HK$128火鍋中已有半隻8成熟既雞, 色澤金黃, 上檯稍為再滾一下就食得!要記得雞肉不可滾太長時間, 否則肉質會失去嫩滑~ 豬肚很爽, 大約有十件左右,湯底胡椒味不突出, 沒有微辣的惹味, 但味道絕對清甜, 令我忍不住多飲幾碗才開始打邊爐。除左火鍋食材, 呢度有少量熟食小食選擇, 我地order左一款試試: 【椒鹽栗米】HK$48粟米切成一少件, 容易入口, 粟米甜甜的, 不會太乾, 曬上少許炸蒜, 香甜又惹味~打邊爐當然唔少得牛, 呢度有多款牛同牛既不同部位選擇, 最後揀了【穀飼安格斯牛肩押肉】HK$148牛肩押肉呈鮮紅色, 賣相已睇得出唔係雪藏貨, 牛脂雪花紋理平均, 熟後肉質依然嫩口, 牛味亦很出~【鮮鳳閣雙飛】HK$78脆鯇魚併鱔片,