陳儀興尚潮樓 (英皇道)

營業中

休息中

食潮州打冷，點會唔諗起陳儀興⭐️老字號招牌，專做潮洲菜，今次食鰂魚涌既陳儀興尚潮樓，酒樓雅致裝潢，傳統潮州菜式任選，由魚飯、手工菜等都有🥹有料，飲返杯#功夫茶，安溪鐵觀音，回甘味濃，潮州特色👍🏻涼菜先上，#涼拌海蜇頭，由於係頭所以切片，口感一流😎調味特別，好惹味，愈食愈想食😆即刻黎個重點滷水🥇招牌鵝三寶，三寶分別係鵝肝、鵝肉、鵝腸，份量好多，鵝肝個樣好吸引，口感一流，加潮州辣椒油食超爽，超高質潮州鵝肝👍🏻 鵝肉好入味，啲滷水汁咸淡適中，幾香，鵝肉好入味，鵝腸好肥美，加潮州辣椒油加醋食風味十足，仲可以送潮州粥🤤胡椒鹹菜鮮豬肚湯，上枱好香胡椒味，燉湯咁樣，好清但都好濃味，鹹菜真係主打😮‍💨個咸味好有層次，好味，仲令個豬肚都好好味😋肚肉苦瓜煲，好大煲，真係用苦既苦瓜，但配左豆豉同調味之後完全唔苦仲好夾好有特色😯肚肉唔肥，都幾唔錯，送下啤酒都好正！🍺整體黎講高質、高檔、高享受😎好吸引既「三高」😽仲有好多唔同既潮菜同手工菜，鍾意食潮州野既一定要試下！🙌🏻🙌🏻

自少已經知道陳儀興潮州菜，如今開立多家分店，心中就會比較各店的分別。而這家在鰂魚涌和太古之間的分號，個人覺得是座位最舒適的陳儀興。今晚在這邊工作，順便跟東區工作的朋友到此癲拿。就座後，職員先呈上一盤潮州功夫茶和鹹菜，打開味蕾。 凍大眼雞       即是魚飯，是靠海吃海的潮州特色<飯非飯>。整條魚附海鹽巴帶鱗片清蒸再晾乾，保證原汁原味。 魚皮帶鱗片，可以把整塊魚皮掀起來，夾取淨魚肉再沾鹹香的普寧豆醬，魚的鮮味就出來了。 魚背位的肉較嫩，魚腩位反而較乾身。 鵝三寶  滷水鵝肝 鵝腸 鵝肉 皆我所愛也。鵝肝  當然肥美，連那肝小葉也看不清。說白了就是膽固醇，但自己偏愛這美食。鵝肝口感軟綿綿，中間位仍是糊糊的 ，入口甘香。無牙阿婆都食到。 啡色鵝腸脆口，但又容易咀嚼。鵝腸中的油脂為單調的腸壁帶來油潤感。鵝肉已褪骨 ，可以大口大口享用。鵝肉有了鵝皮，可以嚐到肉香和油香。鵝肉跟白醋又是一絕，可以去除油膩感。 全賴滷水口味較淡，不死鹼鹹，可以突顯食材的原味。 註:曾遇過某餐館的滷水系列只得死鹹，㓤脷，食完要飲很多水。  太鹹就蓋過食材原味，喧賓奪主。果然，陰陽萬物之埋，皆惡極盛。 

家庭聚會試吓潮州菜係一個唔錯既選擇👍🏻 份量豐富而且口味正宗一定啱晒一家大細😛 潮式口味用咗唔同海鮮食得出食材既鮮味🌊感覺好滿足😊⭐️ 潮州凍馬友 🐟潮州菜一定要試佢嘅凍魚😋 馬友肉質鮮嫩又保留住鮮味🤪 特別要加上豆醬🧂 調味帶鹹鮮提升鮮味⭐️ 頭抽煎英鯧 🐠用頭抽煎過的䱽魚夠曬火侯🔥 頭抽入味好惹味😚送飯一流⭐️ 滷水鵝片 🪿滷水味食得出真材實料鵝肉入晒味🩷 特別在比起外面鵝肉唔會太肥太多脂肪但同時肉質都唔會柴🍗⭐️ 汕頭煎蠔烙 🦪用了豐富每一啖都食到非常飽滿嘅蠔仔🤤 不誇張蠔肉真係口中爆出嚟💙 香脆得黎唔會油🍳⭐️ 方魚炒芥蘭 🥬看似簡單嘅炒菜控制得唔會太老好講求技巧💚 加上方魚令到芥蘭更有層次☺️⭐️ 厚菇芥菜煲 🍄芥菜獨特嘅香氣配上冬菇清清地 🍲中和返一貫其他鹹鮮的口味 👍🏻⭐️ 胡椒鹹菜鮮豬肚湯 🐷豬肚用料新鮮🥓 胡椒同鹹菜嘅比例恰到好處🌶️ 辣度點到即止⭐️ 護國菜 🥦翠綠嘅蕃薯葉燉煮出充滿鮮味既湯羹☘️好有潮州菜既特色🪭⭐️ 清心丸綠豆爽 🍡⭐️ 薑薯綠豆爽 🍠綠豆爽啱晒炎熱嘅夏日食好消暑🌤️ 甜度唔會太高 清心丸嘅口感QQ的唔會太韌🤍 薑薯嘅口味甘中帶微辣🫚喺外面好少食到

星期二從鄉下回到香港，晚上不想煮飯，於是到家對面的陳儀興尚潮樓吃晚飯。首先先上功夫茶，小小一杯，每人有兩杯，另外茶芥$15一位。滷水鵝片鵝片肉質不會韌，有很多片，蘸醋或辣椒醬吃都很好吃，下面還有嫩嫩的豆腐。潮州凍馬友第一次吃凍馬友，魚肉很新鮮又嫩滑，一點兒也不腥，但要注意會有魚骨。豆醬炒通菜份量很多，通菜新鮮又嫩，炒得很美味。胡椒鹹菜鮮豬肚湯豬肚完全不會苦，湯的胡椒味很出，是好喝的湯。潮州白粥白粥很綿之外還吃得到顆粒感，清清地，很下火。

以前想去陳儀興都要過海先食到，最近發現原來港島都開左間，仲要係鰂魚涌1001内，可以舒舒服服食到！ ❣️店内位置之間有間隔，有私密度❣️除左打冷之外，足料湯都係不錯選擇❣️飯前飯後都送上“功夫茶”，茶香味濃兼暖胃🐟凍大眼鷄 $368-都幾厚肉，魚肉白雪雪軟嫩幾彈口，鹹度恰到好處🌟鵝片$118-大大份每片都薄片，肉質嫩得來有嚼勁，配飯一流🥣胡椒鹹菜鮮豬肚湯 $78 -出乎意料地有水準，厚身豬肚整到好淋，配上香濃胡椒好惹味🥣鹹菜花蛤湯 $78 -入面都幾多花蛤，胡椒香中帶有鮮甜味道🥬方魚炒芥蘭 $118- 估唔到份量都幾多，芥蘭爽口清甜下次再約朋友來打冷！

作為一個潮州仔女 我又去試我既鄉下菜式今次去咗位於鰂魚涌嘅餐廳 餐廳嘅佈置都好古色古香 牆上邊貼咗唔同嘅畫同埋墨寶枱同枱之間係用屏風隔開 半透明嘅屏風 若隱若現 有時都好好奇 究竟隔籬枱嘅食客係點啲咩嘢食嘅呢一上枱店員首先放上潮州功夫茶 苦苦地咁 飲落口有回甘加埋潮式鹹菜 個鹹酸菜好好食 食唔停口由於都幾肚餓所以我哋點咗幾個菜式鵝片 （例）$188鵝片嘅份量都好多係 切成薄薄一片 滷水滷得好入味 帶出鵝嘅香味仲有啲嫩滑嘅炸豆腐墊底頭抽鷹䱽魚片 $488六大舊魚 唔可以叫佢做魚片應該要稱呼為魚塊 因為佢係好厚身啖啖肉好大塊頭抽個味道好香 魚皮香脆 而魚肉係好彈牙 有肉汁好好食潮州魚丸肉碎煮汕頭白 $208再叫咗個清清地嘅菜食下啲潮州魚丸好彈牙 肉碎都好入味喎潮州白就鮮甜叫咗兩個湯潤一潤20年老菜甫燉鮮豬肚湯 $78黑色嘅老菜甫煮出嚟嘅湯味道好清唔會過鹹豬肚都好嫩滑 洗得好乾淨胡椒鹹菜鮮豬肚湯 $78胡椒豬肚湯有濃濃嘅胡椒味配埋豬肚就係最佳嘅配搭咁多款菜配返個潮州粥或者絲苗白飯就最啱啦食曬啲嘢之後店員再上多一盤潮州功夫茶俾我哋清下個口加埋我哋自己挑選嘅菊花茶 $15位又係好圓滿嘅一餐☺️

🇭🇰陳儀興尚潮樓·呢間我上次同屋企人食完覺得好鍾意 所以我哋又再嚟食啦🤣🤣今次嗌既唔同嘢食都好好食 所以我哋應該好快又會再黎 因為佢真係坐得好舒服 好適合一家人傾偈🥰·鵝片$188 l 頭抽鷹倉魚片$488我哋上次嗌咗滷水拼盤 今次就決定嗌鵝片 我自己覺得佢個鵝片好味過滷水拼盤 因為佢鵝片更入味 而且佢個鵝片肥瘦比例勁好 係好嫩好啖啖肉得黎唔會太肥膩 我自己覺得好好食🦢之後個頭抽鷹倉魚片我都覺得勁正 佢個調味好惹味 而且佢係勁厚切 外皮炸到勁脆 係真係外脆內軟 出面好香 中間嘅魚肉仲係勁嫩 正🐟·二十年老菜甫燉鮮豬肚$78 l 胡椒鹹菜先豬肚湯$78 l 潮州魚丸肉碎煮汕頭白$208之後我哋仲嗌咗兩款湯 我自己就覺得佢個菜甫燉豬肺湯好飲過佢個胡椒豬肚湯 因為佢呢個感覺上係滋補得黎唔會俾個胡椒搶曬個味 飲落勁舒服🥰🥰最後菜方面 我哋今次就嗌咗呢個汕頭白 佢呢一個個上湯同上次一樣 都係超好飲 而且魚丸都好味 不過就冇上次嗰個厚菇芥菜煲咁驚艷🤣🤣·#rbyeat#rby港式 #rby中菜#rby鰂魚涌 #rby將軍澳 #rby新蒲崗 #rby太子·📍鰂魚涌英皇道1001號7樓1號舖📍將軍澳至

正正係公司附近就有一間係食潮州菜，裡面環境寬敞舒適，古色古香，好岩帶埋屋企人黎坐得舒舒服服咁～-🎈鐵觀音起菜前先飲一飲功夫茶🫖茶味濃郁！-🎈胡椒鹹菜鮮豬肚湯 $78/人正常發揮！唔算話好重胡椒味好辣咁，每碗湯都有一至兩舊既鮮豬肚👍🏻-🎈凍馬友魚 $398極力推薦超好食的🥳本身馬友既魚肉已經好嫩滑，再加上好多魚油，油脂感好重！同埋店舖好貼心咁大致都起哂啲骨，所以食落啖啖肉之餘，沾上豆瓣醬口感極為豐富！-🎈滷水拼盤 $298拼盤裡面有豬大腸、生腸、大墨魚🦑、五花肉、元蹄同豆腐～估唔到係有咁大碟🤭整體都好入味，個人最喜歡生腸同大墨魚，好爽口！-🎈潮州魚蛋肉碎煮汕頭白 $208成日都聽人講潮州美食之一魚蛋，而呢度既魚蛋亦好爽口彈牙，真係食得出有魚味！再配合埋津白，湯底勁濃郁勁惹味！-🔸陳儀興尚潮樓📍鰂魚涌英皇道1001號7樓1號舖

以一杯「功夫茶」開始，並以一杯「功夫茶」作結，一頓正宗滋味的功夫潮州菜就由這一小杯茶逐一呈獻。這家位於鰂魚涌的陳儀興尚潮樓，其本舖在新蒲崗已開業六十年，此分店更是其首家在港島區開的分店。餐廳以正宗的潮州菜為宗旨，傳承著傳統的潮汕口味，精心做出各款潮汕經典。鵝三寶（$298）陳年的潮州滷水充滿醇厚馥郁的香氣，這個鵝三寶分別是，鵝件、鵝腸和鵝肝。鵝件皮香肉滑、鵝腸爽脆、至於鵝肝就軟滑甘香，齒頰留香。 潮州魚丸肉碎煮汕頭白（$208）這款湯菜是潮州白魚丸肉碎煮汕頭津白，魚丸和津白浸在高湯內，津白吸收了湯的鮮甜，魚丸爽彈，整個菜式看似簡單，味道卻很突出。普寧豆醬煮海魚（$368）這個是普寧豆醬煮大黃花，魚肉十分嫩滑細緻，配合惹味的普寧豆醬令魚肉增添不同層次的味道。二十年老菜甫燉鮮豬肚（$78）用上了二十年的老菜甫燉鮮豬肚，湯水的味道是醇香樸實，滋潤生津。胡椒鹹菜鮮豬肚湯（$78）同樣是豬肚湯，加入了胡椒鹹菜卻帶出完全不同的味道，鮮香鹹辣的味道為味蕾增添多重的層次。潮州白粥（$15）功夫茶（@ $15）Menu

要係香港食到潮州手工菜，真係買少見少，對我黎講，有D野物以罕為貴，如果果樣愈難搵得到好食，我就愈想去尋覓佢，即使山長水遠，攀山涉水，我都誓要征服佢，不過知道係鰂魚涌開左新店，作為港島人，實在太方便，太幸福了。👇🏻📌招 牌 推 介 - ▪️ 潮 州 凍 馬 友 - ▫️ 黎呢到第一件事必嗌「潮州凍馬友」，肉質比烏頭更加嫩滑，而且無乜細骨，方便一啖過，而魚鮮味細膩，魚油入口甘香無比，配搭普寧豆醬，更加將魚肉鮮甜味帶出，好食。▪️ 招 牌 鵝 三 寶 -▫️ 作為潮流滷鵝專家，呢個「招牌鵝三寶」又係必嗌，鵝肉完全無多餘血水，鵝香味豐富，滷水汁鹹甜適中岩岩好；而鵝腸爽脆，帶少少脂肪，濃香惹味；鵝肝轉糯，完全無筋，配搭白醋或辣椒醬一樣咁正。▪️ 豆 醬 炒 通 菜 -▫️ 再黎就係「豆醬炒通菜」，通菜炒得夠鑊氣，豆醬比蝦醬香得黎唔會太鹹，配搭潮州白粥幾夾。📌湯 類 - ▪️ 胡 椒 鹹 菜 鮮 豬 肚 湯 - ▪️ 鹹 菜 花 蛤 湯 - ▫️ 嗌左兩款湯試試，我果個「胡椒鹹菜鮮豬肚湯」新鮮豬肚入口煙韌有咬口，鹹酸菜爽口得黎鹹香十足，胡椒香味突出，好好飲；「鹹菜花蛤湯」花蛤肥美，食落夠哂爽甜，整體相當高質！