陳儀興尚潮樓 (英皇道)

營業中

休息中

一向知道陳儀興的潮州菜有質素，一眼看中坊間少有的手工菜，可惜要兩日前預訂，沒有準備！幸好又見到有個富貴自選套餐，有鮑魚有翅食，還可以優惠價自選一款小食，相比散點省錢。鴿吞翅（足三両）．潮式炸雙棗  $638我選了這個組合，因為欣賞鴿吞翅這款手工菜，很少酒家願意做，就算肯做，取價亦進取。賣相吸引，鴿子張口，肚子脹卜卜，劏開看清楚，果然有足三兩份量的翅，軟滑味濃郁，高湯餵飽，好好味！鴿肉嫩滑，尤其鴿皮，同樣飽吸湯汁，入口即化；肉、翅及湯同吃，最是美味。潮式炸雙棗炸得酥香，外脆內嫩，咬開啖啖鮮肉，口感一流。鵝三寶 $298滷水鵝肉、鵝腸及鵝肝的組合，滷水清香，富茴香味，煮得入味，鵝肉連皮有脂肪，鬆軟味濃郁，鵝肝如預期中粉嫩；鵝腸爽口但就無咪鵝味；整體水準之上。家鄉炒潮州麵線 $128中規中矩，鑊氣爭少少，豆乾及肉乾有些過乾；不過配幼細的麵條味道唔錯，有些汁水，份量十足，飽肚好吃。福果甜芋泥 $45幼滑棉棉，甜度適中，沒有膩感，福果成功添口感。

潮州菜，都可以非常精緻。喺太古站沿英皇道行去1001號，全幢樓都係各式各樣唔同嘅嘢食，路線都係行精緻為主，例如係今晚食嘅…“陳儀興尚潮樓”入到去環境闊落，有落地玻璃，十足高檔中菜，座位之間空間充足，坐得舒服。一坐低會首先奉上功夫茶。功夫茶甘甘地，幾唔錯。跟住我哋叫咗唔同嘅特色潮州菜。魚露浸花甲 (凍食) $198呢度嘅特色菜之一。大大隻嘅花甲浸喺魚露之中，大隻，新鮮，爽口。加上魚露嘅味道，令佢嘅新鮮程度更上一層樓。鵝三寶 $298潮州菜當然唔可以缺少潮州滷味。呢個”鵝三寶”包咗鵝肉、鵝肝同鵝腸。當中鵝肝好滑身，鵝肉肥瘦兼備，鵝腸處理得宜，一塊塊攤開咗冇捲埋一舊。三寶都好有水準。炸普寧豆腐 $88炸普寧豆腐都係呢度嘅特色菜，豆腐炸到外脆内軟，熱辣辣。點埋醋，餸酒一流。梅汁鱔球 $298用上台灣海膳，鱔球爽彈，大隻，肥美，配上酸酸哋嘅梅汁，開胃又鮑肚。香芒蝦球 $268用上大量芒果醬包圍着嘅蝦球，奶油感又香又豐富。蝦球大隻爽口彈牙，食落相當滿足。呢度無論係特色菜(如魚露花甲)定傳統菜(如鵝三寶)都好有驚喜，無論份量同味道都令人滿足，加上高級舒適嘅環境，上好嘅服務(例如送功夫茶，同只需$10

同事介紹話呢間食潮州菜好正宗，今日終於抽到時間嚟試下，果然好正，每道菜嘅味道都夠哂到位。二十年老菜甫豬肚湯呢個年份嘅老菜甫，有藥用價值，非常陳年咸香，湯頭經過長時間熬煮，清甜得嚟有深度。豬肚爽嫩入味，菜甫的清香與湯的鮮味相互融合，係我近期飲過最好嘅湯👍👍梅汁鱔球梅汁鱔球使用新鮮嘅白鱔製作，搭配酸甜嘅梅汁，令鱔球嘅鮮味更加突出。梅汁嘅酸香平衡咗炸鱔魚嘅油膩感，每一口都爽彈juicy，最難得嘅係白鱔嘅骨都被廚師去得非常乾淨，就算平時唔太食魚嘅人亦都適合👍什菌爆炒海參柳什菌爆炒海參柳選用咗多種新鮮菌類，加入海參炒至香氣四溢。餐廳一般食海參都係食炆嘅比較多，炒嘅海參原來非常特別，香好多之餘仲保留咗海參軟腍又實在嘅口感😋碧綠川椒雞川椒的香氣同雞胸肉嘅鮮嫩形成絕妙嘅對比，讓每一口都充滿驚喜，雖然濃味，但係唔會太辣，但係花椒嘅香味好明顯🤤潮州炒魚麵魚麵成日聽，但今日第一次食，食落有啲魚蛋口感，爽得嚟又似麵，不過冇魚骨冇魚腥味，師傅炒得有獲氣，撈埋潮洲辣椒油一齊食仲正！😆見佢哋仲有包箱可以book, 啱哂一大家人節日family day活動，而且餐點夠多款式，後生同老一輩嘅人一齊食都冇問題。

之前食過太子間陳儀興，好有水準。今日試吓鰂魚涌呢間，原來入面裝修咁舒服，部分座位設有屏風，私密度高，嚟緊新年同屋企人食飯，都係一個唔錯嘅選擇。鵝肉嚟到潮式菜館，一定唔少得試吓鹵水檔嘅出品。例牌鵝肉肥瘦適中，皮香肉滑，鹵水汁好入味😋金沙涼瓜條｜尚潮醬燒骨平日晚市有$88小菜，有差唔多十款精美菜式，配白飯或粥。餸菜雖然係mini size，不過足夠兩個人食。涼瓜以咸蛋包住再炸，好酥脆。而醬燒骨嘅醬汁調配亦做得唔錯。

主打傳統潮州手工菜嘅🐲陳儀興尚潮樓，餐廳中式典雅嘅氛圍✨，加埋貼心嘅服務態度💁🏻‍♀️，無論家庭聚會定係商務宴客都好合適🥰！🐲潮州傳統手工菜 $2388/4位用🪿滷水鵝三寶陳儀興嘅招牌滷水！軟嫩甘香嘅鵝肉，爽脆鮮味嘅鵝腸，加埋綿滑肥美嘅鵝肝，真係想encore多幾碟！💚清燉荷包鱔荷葉包住鱔片、香菇、金華火腿、芹菜等材料，極考手工！鱔片肥嫩可口，連個湯都好好飲！🦐手工錦鯉蝦以蝦肉作主要材料，巧手雕砌成錦鯉嘅形態，連芡汁都模擬埋水流，真係又靚又好食！🐠香煎慶鯧魚片鯧魚之王煎香再加入芡汁，滋味十足！💰富貴石榴帶子蛋皮做到薄而透，好似錢包咁包住帶子、火腿、冬菇等材料，勁好意頭！🥬玉枕白菜嫩葉包住豬肉，好似用玉石做嘅枕頭咁，係國宴級數嘅傳統名菜！🧡糖醋伊麵兩面黃加少少陳醋同埋砂糖，令脆身嘅伊麵份外美味！🍮脆皮落湯錢香煎咗兩邊嘅落湯錢，做到面脆內煙靭嘅獨特口感，甜甜哋令人回味！🅿️揸車去嘅話，可以泊喺隔籬英皇道1063號停車場，有泊車優惠！

【太古•陳儀興尚潮樓】ππππππππππππππππππππππππππππππ酒家有88蚊精緻小菜揀 勁多選擇 岩曬家庭聚會情侶食飯鵝肝豆腐滷水雙拼（墨魚片拼元蹄）荔芋香酥鵝潮州白粥絲苗白飯鵝肝豆腐口感滑嫩，鵝肝的香氣與豆腐的細膩完美結合，讓人一試成主顧。滷水雙拼（墨魚片拼元蹄） 滷味入味，墨魚片彈牙，元蹄軟糯，配上特製醬汁，風味十足。荔芋香酥鵝 外皮香脆，內裡肉質鮮嫩，荔芋的香甜為鵝肉增添層次感，令人驚喜。潮州白粥 米粒分明，粥底清淡，搭配小菜，滋味清新，十分適合輕食。絲苗白飯米飯粒粒分明，口感Q彈，搭配各種菜餚皆宜，是餐桌上的完美搭檔餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 388✨✨✨✨✨✨✨✨✨✨✨✨✨陳儀興尚潮樓 (英皇道)英皇道1001號7樓1號舖

✨ 朋友帶我到鰂魚涌陳儀興食好嘢，酒家鄰近港鐵站幾方便，甫到達酒家，這裡裝修好靚、目測幾高級，座位寬敞非常闊落，係幾好坐嘅。***** ***** ***** ***** ***** 招牌滷水鵝肝鵝肝新鮮好，蘸上潮州醋汁，另有一番風味。潮州炒魚麵如面代表一條條的魚肉，好像粗麵的魚肉撈埋韭黃、芹菜一起炒香，好好餸飯。潮洲醬燒骨咬下去肥瘦均勻，外層燒至微微脆口，好味到停唔到手。總括來說，環境靚價錢合理，餐牌還有很多選擇，希望下次再訪。

潮洲菜色真是別有風味，久吾久都會想去食下。今次嚟到《陳儀興尚潮樓》鰂魚涌店，呢度裝潢古色古香，高雅別緻，播放著潮式輕音樂。啱哂情侶或一家大小來吃飯。✨️尚潮醬燒骨 $88秘製醬汁濃厚香醇，鹹中帶點香甜味，味道獨特。上面灑點芝麻增加脆感。✨️魚露浸花甲 $88肉質鮮味的半殼花甲，一個個工整地排在圓形碟上，並浸泡在鹹香嘅魚露中。食落非常入味，令人回味。另外，仲嗌左呢度其中一款招牌菜。✨️滷水鵝肝(半份) $138一聽到呢個名，你一定會問：「係咁好鹹？」。吾係死鹹，而且，夾埋鵝肝下嘅豆腐一齊食，中和了鹹味，味道啱啱好。✨️功夫茶 和 小食餐前和餐後都奉上功夫茶，其茶清香怡人，有解腻作用。今次嘅小食係醃甜酸菜，有微辣，非常開胃。

家人一直鍾意食潮州菜，知道陳儀興係太古附近都開左分店，就同屋企人過去食晚飯🥢餐廳採用傳統中式風格，乾淨企理，店員態度都好道切👍🏻而家仲推出左$88精緻小菜系列，真係好抵食，同屋企人或者拍拖就算人少少都食到多幾款野食上菜前店員先奉上功夫茶，茶香濃郁，入口清爽而不澀滷水鵝肝（半份）$138鵝肝滷得入味，入口嫩滑柔軟，滷水香味十足，墊底嘅豆腐吸滿滷汁，內裡滑嫩，與鵝肝一齊食感覺更加豐富汕頭煎蠔餅 $88蠔餅外層煎得金黃香脆，內裡保持濕潤，蠔肉量幾足，啖啖都有蠔肉，粉漿比例適中，唔會過厚，同時又冇乜油膩感，香口惹味荔芋香酥鵝 $88係一道非常考功夫嘅菜式，香酥鵝炸得鬆化綿密，芋蓉部分香氣濃郁，入口即溶，鵝肉軟腍，鵝香突出，兩者加埋咸中帶甜非常配合潮洲白粥 $15 絲苗白飯$15 潮州菜靈魂-潮州粥入口順滑有米香，配滷水一流👍🏻另外白飯都煲得軟硬適中，粒粒分明🍚

今日兩口子又想食潮州菜，梗係唔使諗去鰂魚涌陳儀興尚潮樓食啦。鍾意呢度環境舒適，嘢食又高質。坐低咗見到佢哋啱啱新出咗好多優惠。其中之一係依家星期六日午市嚟食飯，免茶芥同加一服務費。另外佢而家新出咗$88小菜，有成10款小菜可以揀。呢啲精緻小菜就啱晒我哋兩口子，每樣少少咁可以試多啲唔同嘅款式。鵝肝半份（$138）：一客有四件鵝肝同三件滷豆腐。呢個鵝肝係我每一次嚟都要點嘅。佢哋嘅鵝肝入口即溶滷水味又香。的確係我食咁多間潮州菜館入邊最好食嘅一間。汕頭煎蠔餅（$88）：估唔到$88有咁大件。蠔仔新鮮粒粒飽滿，而且份量多。唔係用千年油炸。炸漿鬆化。醬燒骨（$88）：其實即係欖角炒排骨。佢哋用新鮮嘅排骨嚟整呢碟小菜。佢哋將排骨切得大大嚿，所以令排骨保留到佢嘅肉汁。欖角惹味。潮州粥，白飯（各$15一碗）：加埋兩碗主食就飽晒喇！

我最鍾意食就係潮州嘢，我對潮州食物的質量要求非常高！一直知道陳儀興的潮州菜口碑極佳，真沒想到在公司附近竟然有這樣一間！午市的鵝片套餐更是經濟實惠！**鵝片雙拼** 鵝肉連皮和脂肪，肉質鬆軟，味道濃郁。我們選擇了新鮮的大墨魚，鮮味十足，口感彈牙。整體水準相當不錯！**凍馬友魚** 這道潮州特色菜怎能少？馬友魚肉質鮮嫩，魚味濃郁，調味恰到好處，完美保留了海鮮的鮮味！**厚菇芥菜煲** 我們點了一個清爽的小菜，湯煲裡有香菇和蔬菜，味道清新可口。

身為潮州人嘅我，對潮州嘢食嘅質素非常講究！一直都知道陳儀興嘅潮州嘢食相當高高水，真係估唔到公司附近咁近都有一間！去午市仲有鵝片套餐，非常之經濟實惠！鵝片雙拼鵝肉連皮同脂肪，肉質鬆軟，味道濃郁。我哋個雙拼選擇咗新鮮大墨魚，鮮味好重，口感彈牙。整體水準之上！凍馬友魚潮州特色菜，點可以少得凍魚，馬友魚肉質鮮嫩魚味好重，調味啱啱好，有保住得到個海鮮味！厚菇芥菜煲小菜點咗個清清地，有菇有菜嘅湯煲。最後仲要讚一讚個裝修，坐得非常之舒服，每張枱都揀得好遠好多空位！

滷水雙拼元蹄新鮮大墨魚一次過滿足兩個願望，元蹄啖啖骨膠原好彈牙水潤，墨魚咁岩有齊墨魚頭、觸鬚同墨魚身，食到唔同部位嘅爽彈幼嫩，滷水唔會太咸好香。富貴石榴蟹係好神秘嘅菜式，睇餐牌個賣相真係好吸引，好彩真身味道做到期望以上。 一切開就見到滿滿嘅蟹肉，外皮幼滑帶少少煙韌，口感豐富、鮮味爆棚，蟹肉蛋白醬汁清清地，感受到功夫菜嘅深度。油泡南澳島鮮魷突破左我對鮮魷嘅印象，好多時一係細隻比較軟身，一係大隻厚身爽口，呢個南澳島鮮魷集合左兩者之長，幼滑又彈牙，單係食材本身已經值回票價。

陳儀興出名就眾所週知，原來分店有咁多間呀！聽朋友講鰂魚涌呢間主打精緻版嘅潮洲菜，同屋企食，當然要食好啲，比老人家坐得舒服啲。打頭炮係青欖燉海螺湯，有少少甘甜嘅青欖，配上海螺嘅鮮味，味道一流又夠晒補！豆醬半煎煮野生海魚係小編最喜歡嘅，超滑魚肉，仲要有2條魚，使唔使咁抵食！係豆醬有少少咸，建議唔好點套多醬汁食就完美。仲有厚菇芥菜煲，多到食唔晒，超抵食之選～最後仲要有優質甜品，功夫菜嘅反沙芋，充滿童年回憶，真係非常完滿嘅一餐。餐牌如下：

潮洲菜完全不是想像中的老套的菜式，這家店呀，將潮洲菜弄得好精緻，小編精選了幾款必點菜式跟大家分享～一上菜就有小食和功夫茶，是醃甜酸菜，非常開胃，味道較甜～功夫茶是午麼呢？原來功夫茶並非一種茶菜或茶類的名字，而是一種泡茶的技法。而之所以叫功夫茶，是因為由選料、烘焙、收藏及泡茶的方式，整個過程都非常講究，頗費功夫。功夫茶較甘和清香～這款鵝片拼墨魚是潮洲菜中必點的，份量夠大，一餸兩味，好抵食！味道則與平日食到的鵝片差不多～金不換炒龍蝦，大份到好有驚喜！蝦肉非常彈牙爽口，金不換的香料味不會搶過龍蝦的鮮味，配合得非常好！還要是原隻龍蝦，好有誠意！