胡爐 (已結業)

胡爐係好耐之前已經成日聽朋友讚既高質火鍋，好想試既餐廳🥰好彩前排重開，咁啱疫情爆發前去咗🙈🙈一出𨋢成個環境都非常中式古典風，仲一直播住輕柔嘅中式音樂～職員同我地量體溫後就帶左我地入房🤩私隱度幾高，有電視，後面仲有大玻璃窗可以望下街～濃湯佛跳牆雞翅鍋 $398朋友介紹必食☺️呢個價錢唔平但其實都幾抵，因為真。高質！基本上2個人淨係食個鍋都夠飽🙈因為真係好足料！有魚翅、鮮鮑魚、花膠（起碼6、7塊）、海參、螺片、金華火腿、雞件（都有半隻份量）、津白，好似食極都仲有咁🤣個湯一滾，同老公先飲左2碗，完全唔想加野落去煮，真係好好味☺️紐西蘭直送馬刀貝 $128個湯咁好味，梗係叫埋海鮮～2人食份量唔少，新鮮、多肉、冇沙！胡爐牛拼盤（小） $388因為牛既選擇太花多眼亂，最後決定要拼盤🤣有牛舌芯（爽、肉味濃）、安格斯手切肥牛（鬆軟口感）、極上手切牛頸脊（牛肉味濃）、牛胸爽（夠爽脆既脂肪）、霜降牛粒（彈牙），一次過滿足晒幾個願望🥰酸梅柑桔蜜 $78好鍾意！一大札！酸酸地唔太甜，打邊爐岩晒！我飲左大半枝🤣🤣希望今次疫情快啲完，遲啲又可以去encore啦！

胡爐尖沙咀厚福街8號H8 16樓本身有朋友黎呢間餐廳試過話好正，尤其係呢到既湯底一定要黎試下，終於今晚約到腳黎幫襯啦，餐廳位於尖沙咀既厚福街，呢到好方便又近地鐵站，good我地一早打黎book左位，所以上到黎已經即刻可以入座啦，餐廳地方唔算太大，但係呢到既裝修同佈置都好有格調，感覺好舒服餐具好有中國宮廷既風格坐定定之後首先當然係揀好個鍋底先啦，呢到好多款鍋底可以選擇，跟住揀埋火鍋配料再混好醬料，就等開餐啦餐廳職員推介我地可以試下呢個湯底，真係無介紹錯，好豐富真材實料，湯底入面包括有哈蜜瓜，花膠，海蔘，鮑魚，螺片，素翅，金華火腿，加上仲有好多津白未試過有一間餐廳既邊爐鍋底係咁足料架，未開始淥火鍋配料之前，大家一定要飲返碗湯先， 好鮮甜好濃郁龍蝦非常新鮮，黎到既時候仲識郁架，好鮮 嫩🦞一個拼盤就可以食到牛既唔同部位(牛舌芯，安格斯手切肥牛，極上手切牛頸脊，牛胸爽，霜降牛粒)我自己最鐘意既就係霜降牛粒一口一粒，口感豐富好有牛味大大隻桶蠔，食落好肥美岩晒用黎打邊爐Meun仲有好多其他配料，下次可以再黎試下，聽講呢到既<招牌椰青雞鍋>都好出色，一定會再黎試下

天氣開始涼，特別容易變得肚餓！是晚下班完與朋友齊齊烚下烚下。裝潢新派得來亦保留一點中國的氣息，感覺不錯！鮮椰青雞鍋 - 有雞及椰肉，店員先倒上一瓶新鮮椰青汁，然後用火槍一燒，火光焰焰很壯觀～椰肉爽脆有嚼勁，湯底清甜，雞肉吸收椰青汁精華，除了肉質嫩滑有咬感外，還不膩滯！日本黑豚肉 - 薄薄一片食落爽口，肉質鬆軟及多肉汁。胡爐牛拼盤(小) - 豐富十足的肉陣！牛肉粒一口一粒，食落肉味濃郁，質感彈牙肥膏不多！肥牛紋理均勻帶油花，肉味濃郁，質感柔軟有嚼勁。牛舌厚切，肉質不嚡肉味甚濃，質感軟稔爽口！老友鬼鬼 - 釀入墨魚膠一起炸，質感脆而爽口不油膩！蔬菜拼盤(小) - 有菜心及油麥菜！菜葉翠綠新鮮～菜心及油麥菜食落清甜爽口～而且叫拼盤比單點蔬菜更化算！