鳴虎

營業中

休息中

前排同男朋友喺將軍澳睇完戲又好想食拉麵，所以就喺附近揀咗間評間唔錯嘅拉麵鋪嚟試😊我地都叫咗個拉麵set，想試吓呢度嘅季節限定係點🤣拉麵set會包埋飲品同兩個小食嘅，性價比好高呀😍我地分別叫咗蟹肉冷麵同埋黑胡椒拉麵😋蟹肉冷麵好正！！因為我係一個勁鐘意食冷麵嘅人，冷麵汁好惹味😆😍 而蟹肉都啖啖肉，撈埋冷麵食真係好開胃，仲要份量好多🤪黑胡椒拉麵入面有兩塊好大嘅豬軟骨，湯底好濃郁，送過嚟就聞到勁柏黑胡椒味😆😆😆豬軟骨食落唔會太肥，溏心蛋都好流芯，表現十分出色😎小食方面我哋就叫咗胡麻菠菜同芝士魚餅，個人幾鐘意個芝士魚餅🥰熱辣辣又融融地嘅芝士配麵真係好襯🤤套餐仲可以免費加麵一次，不過我地食完都夠啦所以就冇加到🤣性價比咁高有興趣記得去試吓呀💘地址：將軍澳貿業路8號新都城中心三期1樓161-162, 169, 171-172, 173&174號舖

同朋友係新都城行街， 行到咁上下，嚟呢間性價比高嘅拉麵店醫下肚先，有個$128嘅鳴虎拉麵套餐，有拉麵有飲品有小食，幾抵，鳴海老 - 蝦味噌豬骨湯拉麵，湯底味道鮮甜，拉麵灑上櫻花蝦粉，更添鮮味，叉燒厚身啖啖肉。套餐小食揀咗胡麻菠菜，睇落好似細細碟，但其實份量頗多，新鮮翠綠的菠菜，淋上胡麻醬，惹味又不會過咸，茉莉花茶，味道清香， 一大杯好抵飲，赤虎 - 特濃辛口拉麵， 湯底味道香辣，拉麵爽口彈牙，勁正嘅原隻溏心蛋， 蛋黃半生熟，蛋香味濃，口感軟滑。總結：餐廳座位寬敞舒適，餐桌和餐具均乾淨衛生，侍應招呼主動殷勤，拉麵湯底濃而不膩，拉麵套餐抵食，性價比高，可以做飯堂。