School Food (已結業)

School food真係幾時都咁好食，成日同男朋友諗唔到食咩就會去左呢度食，佢既飯卷隻隻都好有水準，平時我都唔鐘意食飯，不過食佢既飯卷我又ok，岩岩放完工兩個諗唔到食咩又去左喇。唔知點解梗係覺得食飯卷又有味，但都會健康d，可能均衡飲食掛。今次叫左校園花卷，之前食開魷魚卷、午餐肉卷，見佢有新野就試下，佢入面既牛肉同芝士真係好好味，牛肉炒得好香，入口又唔乾，外面層蛋又夠滑，我覺得好似食蛋包飯咁。之後仲叫左個脆味樂園，話就話想健康點，不過見隔離枱個碟幾靚，所以都係叫左。好好食呀又炸得好香，估唔到呢間韓國野整呢啲都幾有水準。

約朋友出街食飯，私人地揀位於旺角東火車站上蓋嘅Moko，行入School Food時職員remind 90分鐘交枱，都不是第一次來，所以明白的，始終晚市人地起碼一張枱做幾轉嘛。水冷麵（HKD72)當食冷盤的水冷麵以一個很深的圓型碼銹鋼碗裝著，好像冰鎮一樣，除了水，還有碎冰確保吃到最尾一口都是冷的。麵質很爽，切片醃白蘿蔔，青瓜各一點，味道微酸，好開胃。辣皇炸豬扒炒年糕（HKD70)見到鮮紅的顏色，就知是typical韓式料理辣醬炒年糕，年糕口感香Q，辣度可以接受，不是吃一口即刻要飲水降溫那種。亮點竟然是蓋面的芝士，拉絲芝士令到年糕更香更好味，豬扒一咬便可，只是裹上一層薄薄的炸皮，有齊脆脆的口感，tender的肉質，過癮的韓式辣+好玩好味拉絲芝士。脆味樂園(HKD108)好豐富的拼盆！滿滿的現炸薯條，豬仔骨輕輕一咬全離骨，醬汁超入味，盤中間百搭芝士醬(Sorry本人實在太鐘意食芝士)係點咩都咁正，Li個拼盤我覺得有4個人一齊食已經可以必叫。火山疏孚蛋 （HKD68）首先：佢係呃Like的-成座火山咁，一切開爆出嘅LAVA係會令你嘩嘩聲的，芝士+茄汁+蛋層次感非常豐富，好soft，切開會標煙

睇完戲後 選擇食school food....之前都係唔同既地方食過。今次黎左旺角分店，好空曠。但係啲兩人位之間好近，完全清楚聽到對方講啲咩... 今次叫左四樣野。紳士先生，食過好多次，水準keep住，唔算辣，用蛋包住，好味！ 之後叫左個脆味樂園，有雞翼、薯條等等...不過不失，無咩特別 。今次試左新野五胡四海繪飯！ 好驚喜！好好味！好快就清哂，唔算'漏'。下次再黎要再食呀！ 好味！最後唔少得就係西柚燒酌，不嬲都好鍾意飲梅酒，有甜味會易入口。呢個西柚一樣，甜甜地好易入口，濃度都幾高架，酒量淺既人要小心醉😎兩個人最後埋單 盛惠$329