泰妹餐廳 (已結業)

同屋企人去咗黃埔Aeon 行街， 晚飯時間去咗隻船對面嘅時尚坊， 好似新開咗一間泰國餐廳。 新年之後都冇食泰國嘢一於入去試吓。餐牌都好大張。。 簡單裝修都有泰式嘅風情， 平日夜晚似乎幾多街坊嚟捧場。我们点了《泰式二人套餐》$338加咗個 《泰式海南雞飯》$62泰式海鮮粉絲沙律強烈嘅酸和辣， 帶出各款凍海鮮的鮮味! 海鮮包括魷魚，蝦 ，青口。 粉絲幼細，爽口， 夾雜著各款海鮮鮮味同泰式香料，辣汁， 非常惹味刺激！ 好啱鍾意泰式辣沙律嘅朋友。炸蝦餅香茅雞翼炸蝦餅比較遜色，腍身同粉多。 香茅雞翼不過不失，熱辣辣， 外皮香脆。冬陰海鮮湯（細）用咗傳統嘅 中通熱鍋， keep住熱辣辣嘅冬蔭公湯， 非常滋味。 酸度和辣度調教得唔錯， 香料材料十足， 越飲越上癮！泰式燒羊架羊架先用好似 香茅定南乳嘅味道醃製， 肉質唔算太乾，燒出嚟嘅味道頗為特別， 仲掩蓋了羊羶味， 配上泰式辣汁 非常惹味！泰式檸茶果然離開了港式凍檸茶嘅味道， 加入青檸， 泰味獨特， 有錫蘭茶葉香味。海南雞飯$62雞件數量唔少， 皮爽肉滑， 雞味濃。 附設嘅海南雞醬汁稍為一般。 薑黃飯就只有黃色， 味道和一般白飯無異。脆炸雲呢拿雪糕多

近排在何文田工作，收工和男朋友近近地去黃埔逛街，主要都是連鎖食店，見這間泰國菜有二人套餐就進去。香葉肉碎生菜包夠香辣，味道送飯吃很好，有肉汁又有少少肥脂，香口之選。冬蔭海鮮湯的蕃茄味道很重，而且愈煲愈耐就很咸，其實應該少一點的火就不會過咸，而湯渣很豐富，蝦又大隻又有鮮味。魚餅和蝦餅都不算太油，味道亦幾濃，魚餅味道突出啲。泰妹無骨海南雞半隻夠三個人分享，雞肉鮮嫩，是值得一試，不過油飯要另外點的。脆炸雲呢拿雪糕多士外皮夠香脆，中間的雲呢拿雪糕又冰凍，外熱內凍，幾特別。二人餐份量是足夠，不過建議加白飯和蔬菜。