影片
更多
2017-06-05
5605 瀏覽
前幾年一年總有兩~三次來這裏晚飯, 貪其夠鑊氣又好味, 還非常抵食, 近兩年已經冇黎食, 一來餸菜已經唔平, 二來無服務可言, 想加菜, 叫極都冇人應, 再者, 坐得唔舒服, 咁嘅服務同環境仲要加收5%服務費, 比得唔順氣, 索性唔嚟食, 至於今晚為何再來吃？ 因為一班山友飯聚揀左呢度囉, 我這個宅女衹要有人約.....管它吃什麼！去哪裡吃！ 最緊要可以同山友們開開心心、熱熱鬧鬧地吃一餐。大排檔式的圓枱圓凳, 枱拍得密密麻麻的, 我哋十四人坐一張圓枱, 也是坐得密密麻麻的, 仲要攬住個手袋食飯。海底椰雞腳燉螺頭 ($90)足料燉湯, 雞腳燉到骨也化了, 足見夠晒火喉, 湯頭味道也清潤, 不過呢.....飲前一定要撇走燉湯上哪一層油, 頗油膩吓。脆皮炸大腸新志記有兩隻炸大腸, 一款帶肥膏的, 另一款就系我地呢款瘦版, 不帶肥膏, 脆口但乾實, 冇咗食炸大腸嗰種肥美的邪惡, 食味也一般。生炒糯米飯呢度嘅招牌菜, 必叫, 糯米飯炒得乾身唔油膩,米飯粒粒圓潤煙靭, 加埋蛋絲、脆花生、蔥花及臘味粒, 非常香口, 味道亦適中, 唔死鹹。炸子雞 ($340)賣340一隻, 真系一啲都唔平, 喺酒樓
大排檔式的圓枱圓凳, 枱拍得密密麻麻的, 我哋十四人坐一張圓枱, 也是坐得密密麻麻的, 仲要攬住個手袋食飯。
海底椰雞腳燉螺頭 ($90)
足料燉湯, 雞腳燉到骨也化了, 足見夠晒火喉, 湯頭味道也清潤, 不過呢.....飲前一定要撇走燉湯上哪一層油, 頗油膩吓。
脆皮炸大腸
新志記有兩隻炸大腸, 一款帶肥膏的, 另一款就系我地呢款瘦版, 不帶肥膏, 脆口但乾實, 冇咗食炸大腸嗰種肥美的邪惡, 食味也一般。
生炒糯米飯
呢度嘅招牌菜, 必叫, 糯米飯炒得乾身唔油膩,米飯粒粒圓潤煙靭, 加埋蛋絲、脆花生、蔥花及臘味粒, 非常香口, 味道亦適中, 唔死鹹。
炸子雞 ($340)
賣340一隻, 真系一啲都唔平, 喺酒樓食都唔使咁貴, 雞的確炸得乾身, 雞肉鹹香，也算嫩滑。
生炒骨
生炒骨炸得乾身且脆口, 醬汁酸甜度適中, 酸酸甜甜夠惹味。
椒鹽鮮魷
又係香口的邪惡之物, 乾身, 椒鹽鹹香惹味, 送酒一流。
十多人, 叫了最少十多個餸, 佢地啲餸貴咗, 但碟頭就細咗好多, 加極都係食唔飽, 再加上大排檔式美食,
炒碟菜都好鬼油膩, 大家情願去食甜品填肚好了。
張貼
