祥仔 (K11購物藝術館)

營業中

休息中

Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂🍴脆脆豬扒飯（$138）其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～🍴牛柳粒意粉 • 黑椒汁（$158）呢個係用咗美國安格斯牛柳粒，幾入味，個黑椒汁okay 未感受到太特別，整體上正常。🍴重量級全日套餐（$148）呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。🍴兩日兩夜羅宋湯

經過祥仔好多次，終於有機會試吓，坦白講，初初沒有任何期待。選擇咗兩個下午茶set, 包熱飲，分別係他們的招牌菜祥仔脆脆豬扒飯和沙嗲豚肉、滑蛋、多士、兩日兩夜羅宋湯。最深刻就係這個脆脆豬扒飯，因為第一次遇上「真人靚過上鏡」，應該係「真餸靚過餐牌」的狀況！豬扒炸得好脆，豬肉啱啱好，一啲都唔柴👍🏻聽說祥仔是用法國料理的烹調方法來製造茶餐廳菜式，真係有料到👏🏻👏🏻。個汁甜酸適中。食到我舔舔脷😋😋。呢個餐都非常抵食，包埋湯。個名「兩日兩夜」，以為會好濃郁，但食落比預期淡，其實味道都不錯的，只係有了些少期待。沙嗲比預期辣，因為本人不太食得辣，但最後都差不多食晒。滑蛋煮得好出色。當日唯一嘅瑕疵就係杯咖啡沒有拉花，只係得一團泡。欠缺些誠意…我杯檸檬水沒有什麼特別，不過不失。環境舒服，服務都幾好。我最喜歡枱面夠大。下次想試牛肉炒蛋福袋三文治😚😚。

今晚我去咗祥仔試下其知名的脆脆豬扒飯。上枱的是飯和脆脆豬扒分碟上，飯主要用蕃茄汁舖蓋，每啖飯都好好味，我很快已食完碟飯，跟住當然是去了解一下今次的主角脆脆豬扒了。在燈光影響下，這件豬扒閃爍有光，又有厚度，食一口，嘩! 外皮脆卜卜，炸粉很薄薄，再食下去感受其酥脆香口，至於肉質方面，我認為其軟軟不老不柴，而肉汁又多又鬆軟，應該是屬於上品的脆豬扒也。但要請各位留意，由於件豬扒有手掌咁大件，又厚大，我食完之後比較飽肚，因此，如果您們想盡享其美味有脆之效果，您們可以選擇二人分享一碟，咁就最好了。

一班朋友食飯， 難免要分枱。 祥仔職員好有心， 盡量放我地一齊坐。 💋👍🏻開始就order 一位份蝦多士， 每人一份， 做下頭盤都唔錯， 一件切兩至三件， 每件都有蝦。🦐酥皮海鮮湯 - 酥皮焗得岩岩好。 但我覺得配龍蝦會好飲d😄升級了的牛柳鐵板- 牛柳岩岩熟同滑， 但汁唔夠多同埋🙊以售價來睇， 勝價比就唔夠高豬扒飯， 個豬扒脆上好正， 鬆脆又有汁， 但飯就太少。 有待改善😀小食拼盤， 本人唔見意推介， 因為以份量來計， 比較少， 勝價比低。 人多就不建議order 😄

經常行過k11 見到門面幾靚都幾吸引，加上老闆上電視又好似功駕十足，再睇埋呢度咁多個高級用家好評，心諗一定無伏，點知。。。真係極失望🤐🤐🤐坐間係舒服嘅，幾好坐幾闊落。但嘢食。。。真係唔掂！🙄🙄🙄第一： 羅宋湯係足料嘅，但就完全無丁點辣味，感覺好唔滿足，硬係差咁啲嘢，講真，大家樂仲好飲。。。(3/5)第二： 豬扒飯竟然無炒底。。。個汁都正常，仲加左車厘茄。塊豬扒係大塊嘅，但一定講唔上好食，因為好鞋，一啲都唔juicy 。茶餐廳嚟講，時代冰室、四寶食堂塊豬扒都好食過佢多多聲....(2.5/5)第三：卡邦尼炒丁最好食嘅係塊烘左嘅芝士。。其餘嘅都非常麻麻。。汁唔夠，做唔到好creamy 嘅感覺。。。可能因為太多麵。。加左啲類似九層塔嘅香葉，不論不類。。(2/5)蝦多士算係咁，真係無乜油塊包又脆，但隻蝦就比較削。最後，價錢！簡直離譜，如果你同我講k11租貴係咁架啦，但貴租唔係你收得貴但食物質素低嘅藉口，好明顯你定位好有問題，咁嘅食物質素，一半價錢就唔會有人話你，但兩個人食啲咁嘅茶餐廳嘢都要五舊，除左伏，真係無其他comment...

經過左好多次K11都好想黎呢一間傳說中嘅’祥仔‘黎試吓我哋兩個人叫咗一個叫做脆脆豬扒飯 另一個叫左芝士煙肉長通粉 啲嘢飲我地冇乜興趣 所以就冇升級左套餐 脆脆豬扒飯 香脆嘅外皮加埋滑嫩嘅豬肉再配埋佢個飯嘅茄汁其實成個餐係好好味 不過因為個飯太多茄汁 食落去其實有啲鹹 所以我哋就叫侍應提供兩杯水俾我哋 點知呢個就係不滿嘅開端我哋叫咗水大概係10分鐘左右冇人理我地 我哋再叫返同一個侍應提供水俾我哋 都係冇人理過我哋嘅 咁跟住就聽到隔離枱嘅客人都要問侍應攞水嘅時候 個侍應係極速5分鐘內就可以比到一杯水比佢哋 令到我哋好不滿 咁都算！ 我哋叫買單嘅時候我哋舉手係完全冇一個侍應係理我哋 就算有侍應見到我哋舉手 都係推比另一個侍應 然後另一個侍應見到我哋話買單 之後呢佢就唔係第一時間去櫃檯嗰度幫你埋張單 佢係繼續做自己野之後黑住面咁走左去 扮聽唔到 後來再有另一個侍應幫我哋買單嘅 呢個服務態度真係令我刮目相看 野食幾好味都冇用 服務態度已經令人成肚氣！

祥仔，其實之前已經食過一次，一次係閒日lunch，在長沙灣，個次食完個脆脆豬扒飯同粟米星斑飯已經覺得好正，好想可以再來過，但可惜長沙灣店唔做晚市……今次TST K11開左，即刻同fd來食。早幾日已經book好枱，所以直入，但七點幾其實都唔係太多人，反而越坐得耐，就開始多人……坐左陣，由我到左到齊人，唔知係咪因為waitor唔想晒水，所以冇人比過水，到我地落完order開聲問，先攞3杯水過來……食物，我地叫左紅豆冰、脆脆豬、爵肉牛柳、芝士海鮮大燴、香草牛油翡翠螺、荷蘭寶貝鬆餅伴草莓個十勝紅豆冰幾特別，menu話D紅豆雪糕係餐廳自己整的，食落幾重紅豆味，好正。不過飲到落底，有些少膩……脆脆豬，一如上次咁，豬扒好脆，個汁好正，D fd食完都話好好食。跟著到爵肉牛柳，上枱後waiter先會幫你倒汁，但佢地都會好貼心叫你攞紙巾擋一擋先。個牛柳熱食唔錯，但焗薯一般。香草牛油翡翠螺，有個食開好野既朋友都話呢個唔錯至於個芝士海鮮大燴，我有D失望，我預期中會有好多芝士，但呢碟就麻麻了……最後個甜品一荷蘭寶貝鬆餅伴草莓，落單先知要等20mins，早知早D落單，想食的朋友要留意了。我本身對鬆餅既興趣不大，但

五個月前有去過長沙灣食過一次，當時好有驚喜，見報章有介紹祥仔進駐K11，便二話不說立刻就走去吃lunch試吓水準是否一樣小忌廉要推介，好飲總括來説，價錢尚可接受，服務好貼身，尤其女服務員，好nice👍👍👍👍