魚願以嚐

營業中

休息中

今日同同事食呢間好多人等嘅餐廳，好彩我地book咗位，好快就有得入座。小店位於屋苑範圍入面，位置本身有啲難搵。店內座位比較迫，職員都忙於處理外賣，所以落單同攞野飲都有啲唔方便。係58蚊嘅蟹粥！雖然係咁平，但份量好大，仲有唔同配料，包括蟹、青口、櫻花蝦。蟹嘅味道一般，似係為點綴而唔係真係啖啖肉咁食。粥睇得出有用心調味，整體嚟講58蚊算係咁。午餐除咗有野飲，加10蚊仲有埋小食，而10蚊會全數作捐款，所以我地都有幫襯。餃子味道唔錯，炸得好脆口，入面嘅肉都好食。如果餐廳環境闊落啲，應該係一個唔錯嘅午餐地點。

一坐低店員已經遞上消毒用品比食客用（當時正苦未頒佈強制限聚令），好貼心嘅服務！呢度嘅出品屬於港式嘅日本野，份量好足。⤫ 麵豉湯⤫ 前菜湯同前菜一點完餐就上，好快手！⤫ 原條蒲燒鰻魚定食鰻魚稍顯皮位膠質有的重唔係咁容易分開，要自己咬開再食一啖飯，平時食飯中意用匙羹今次就無得懶啦，非常需要筷子嘅幫忙。味道都唔錯，中規中矩。⤫ 鐵板蒜香一口牛定食一口牛有驚喜，蒜味好夠，有啲似台灣夜市鐵板牛嘅感覺，再配埋蛋汁撈飯，推薦大家試吓呢個。⤫ 吉列鱈魚⤫ 脆軟骨菜肉棒餃子呢度啲小食都做得唔錯，脆得黎唔會太油，仲好抵食添。

鰂魚涌呢一間要行條巷仔先入到去嘅小店主打日本菜，抵食到冇一樣野要過$100，有啲定食、烏冬、咖喱飯揀，小食仲會全數捐贈比612人道基金，好黃！💛可以睇最後嘅餐牌📄·入到去就覺得超級黃， 原先貼滿左海賊王海報嘅店，而家比運動嘅漫畫、連儂牆所覆蓋。好似返到同路人既comfort zone咁🥰·叫咗兩個定食同一個餃子🥟·原條蒲燒鰻魚定食構圖好吸引，有份量適中嘅鰻魚一條仲有隻蛋同埋酸酸地既淹物。食落鰻魚滑嘟嘟，好開胃，極速見底🤤🤤🤤·日式海鮮蟹粥定食都幾大碗同足料，入面有半隻蟹、青口、帶子、等等嘅海鮮。配埋粟米粥同埋比較重嘅胡椒味，又係一個越食越想食嘅嘢😍推介！！·定食其實仲包左麵豉湯、飲品、前菜（即係中華沙律），性價比真係不得了咁高🤑🤑·脆軟骨菜肉棒餃子$10 3隻真係無慾無求，煎餃得來入面嘅水份都鎖住哂，會唔會太有良心啊🥳·整體來講，食物質素真係可以再戰！估唔到鰂魚涌都搵到咁高質又抵食嘅日本野！私心大推介呀😍😍-原條蒲燒鰻魚定食｜$82日式海鮮蟹粥定食｜$58脆軟骨菜肉棒餃子｜$10-魚願以嚐 (鰂魚涌)鰂魚涌英皇道933號御皇台地下11號舖