炯記餐室

營業中

休息中

之前試過係元洲商場入面搵野食，今次係地下出面街先睇到原來有呢間好似cafe一樣嘅冰室，環境好舒適光猛，食物都比較特別新派😎🔸銷魂腩叉撈麵（HK$59）好耐無見鵝油撈麵，呢到竟然有，仲要配住半肥瘦嘅叉燒，蜜汁都好入味👍🏻鵝油撈麵睇落雖然深色，但都唔會太鹹，建議可以2個人share黎食，如果唔係可能會太油膩啦😛🔸鹽焗手撕雞腸粉（HK$42）手撕雞有幾種口味，呢個鹽焗款肉質都嫩滑，驚喜嘅係腸粉好香滑，仲有好多醬汁，味道唔錯呢😁🔸腩叉牛角包（HK$36）係店外就比呢個牛角包相吸引左，叉燒配牛角包呢個組合好fushion😜牛角包放左一陣食都仲係入口酥脆，中間仲有少少蔬菜，配住叉燒一啖食口感更新鮮啦🥐🔸椒鹽雞軟骨（HK$45）小食方面炸物選擇唔多，呢個椒鹽雞軟骨熱辣辣脆卜卜，上面仲有少少辣粉，不過份量可以再多少少😂

炯記出名食手斯雞同撈麵，之前有朋友帶過我殷食覺得幾好食，所以今次特登帶媽媽黎試。炯記有幾間分店，不過唯獨長沙灣分店裝修係得別靚同野食亦多款啲。炯記其他分店裝修同一般茶記差唔多，不過長沙灣店就比較似一間cafe，感覺明亮簡潔，地方亦乾淨企理，所以我都特登黎哩間分店。另外，佢地除左飯麵，長沙灣店仲多左牛角包。玉桂奶茶 & 荔枝梳打(跟餐加$10) - 所有飯麵全日早餐都有包咖啡/茶，亦可以加$10轉特飲。玉桂奶茶好香玉桂味，茶味唔會太澀，都幾好飲。 荔枝梳打荔枝味香甜，夏天飲就最啱。鴛鴦手撕雞撈麵($58) - 鴛鴦手撕雞即係麻辣同鹽焗，手撕雞肉質好滑，鹽焗入味得黎唔會太鹹，麻辣辣度大約係小辣同中辣之間，建議食得辣先好點。撈麵用左粗麵，麵量多，炒得夠鬆，食倒油香之餘又唔會油淋淋，做得出色。跟餐仲有一小碟酸辣雲耳做開胃菜。醬皇冬菇豬手撈麵($58) - 豬手有兩大舊，炆得夠腍又入味，豬手皮厚厚充滿骨膠原，冬菇都有好多隻，同樣又腍又入味。腩叉牛角包($36) - 牛角包餡料可以揀手斯雞或者腩叉，因為已經叫左手撕雞撈麵，所以我地就揀左腩叉牛角包。牛角包比手掌仲大，口感非常鬆軟，上面夾左四大塊腩叉

呢間餐室主打太子鵝油撈麵🦢 同特色牛角包🥐 環境比一般茶記更加舒適同闊落，而且喺裝修方面亦都落咗唔少功夫🙈 卡其枱配白色凳俾人感覺好溫暖，唔講唔知以為去咗間高級cafe😛 🍱 炯記四寶撈麵 $70選擇困難症人士嘅必點菜式🤣 豬手同牛腩炆得好腍而且夠入味，牛肚爽腍，手撕雞好嫩好滑，肉味濃郁💕 涼拌木耳入口爽脆之餘味道都唔錯，撈麵散發著淡淡嘅鵝油香味，口感Q彈有咬口，整體偏油但鹹度適中，幾有驚喜，值得一試🫣 🥐 腩叉牛角包 $36 好特別嘅組合😋 牛角包散發着淡淡嘅牛油香味而且十分酥脆，叉燒超級肥美，好惹味呀😍 配埋芝麻醬同沙律菜簡直係絕配🤪 十分推介🥰🐔 鹽焗手撕雞腸粉 $38手撕雞味道鹹香，肉質滑溜，而腸粉就正常發揮，配手撕雞都幾match～ 🥦 芝士西蘭花 $30 西蘭花入口清甜，冇焗過火亦都冇出水😛 配鹹香嘅芝士口感豐富，更加惹味🔥🍄 醬皇冬菇扒生菜 $16 冬菇好淋而且夠入味，生菜新鮮爽脆，營養均衡，夠晒健康👍🏻🍹 水蜜桃梳打 $10 味道香甜可口，非常適合解膩😆

長沙灣物價低，所以陪大胃之母嚟呢頭買吓餸，先食個brunch見有間茶記裝到文青cafe咁，就入去試吓原來呢間出名鵝油撈粗，於是一人一碗試試佢加咗蝦籽比較有鹹香，唔會一餅嘢，易夾又幾惹味另一碗就配埋冬菇豬手，呢碗麵可以揀淋啲，大胃比較鍾意呢碗豬手雖然好似煎過吓，但好腍好軟熟冬菇都好入味，配麵都好過癮大胃之母好鍾意食手撕雞，趁早餐時段就嚟完嗌返份腸粉。手撕雞麻香好濃，腸粉估唔到咁綿，就算開始飽，都忍唔住食晒呢度嘅腩叉聽講出名，配埋牛角包嘅組合更有趣。腩叉唔會太肥，但又唔嚡。牛角包聽落係塌塌地，但又嘅鬆化，茶記嚟講都幾意外呢間嘅特飲有幾得意嘅口味，玉桂奶茶真係好鬼正喎，嗰種香味唔會太過紅豆加黑糖嘅咖啡，味道都唔錯，但下次會試吓嗌走甜，因為呢個組合太甜蜜喇

行街行到有啲攰想停低食啲野，經過呢間門面像甜品店既裝修，夠光猛；再睇埋餐牌好吸引決定入去食。小吃三皇盤（無骨鳳爪、雪耳、雞腎）飯前開胃，正清湯牛魔王撈麵牛腩，牛肚，好淋好足料，份量十足，撈麵係佢地招牌菜鵝油撈麵，每條麵都沾有鵝油香，好好味腩叉牛角包本身好鐘意食牛角包，但今次就第一次食夾左餡既牛角包，好特別，腩叉肥瘦均勻，好好食，令人可以食完再食既感覺番石榴四季春烏龍，估唔到水果同烏龍茶幾夾水蜜桃梳打解渴一流座位舒服，餐廳食物夠特別下次再來食其他野。

行完深水埗，返去長沙灣買野，經過見到元州商場地下好多新開嘅鋪頭呢間裝修好靚，諗住睇下餐牌岩唔岩食點知門口擺左好特別嘅牛角包，竟然係用手撕雞、叉燒做材料？好搞笑，第一次見，我又好鍾意食牛角包，試下新口味都唔錯，然後就吸引左入去🤣🤣好彩5點，仲有得食！入面裝修好簡單，乾淨，好舒服，似cafe嘅茶餐廳咁👍🏻既然都5點，索性食埋晚餐，食完6點走岩岩好，見到呢個二人餐$198，問男朋友想唔想試下，好似幾抵食，反正我地兩個咁大食都岩曬😆餐廳係自助掃QR code 下單，不過呢個餐係QR code到未有，所以要搵職員幫手落好快就嚟左老火湯，好清甜👍🏻手撕雞超好食👍🏻推薦！雞腎爽口👍🏻豬手比想像中好食得多，佢煮到好淋，好入味👍🏻推薦第一次食呢個偏麵，又幾特別喔食到開始有啲飽飽地，岩岩好嚟左碟生菜，爽口，又新鮮👍🏻👍🏻最後忍唔住叫埋牛角包，個皮好脆口，即時整👍🏻加埋腩叉食落口感好特別👍🏻好食😋超滿足，二人餐夠曬食👍🏻👍🏻我地平時咁大食都勁飽，仲淨少少餸，抵食👍🏻👍🏻

大間光猛o既中式餐室，地方闊落，見人推埋bb 車入o黎都仲得。餐廳以QR code 手機點餐的，佢細項比較多，跟飯定麵、跟乜o野餐飲、多唔多冰多奶，加配乜o野小食等等，自由度高，但也容易遺漏一個半個選項，不過慢慢地操作都唔難完成。我地o黎到o既時候o岩o岩搭正兩點，有下午茶餐牌，實在太好喇！一於試盡佢o既招牌菜，先來一客鴛鴦手撕雞撈麵($44 無加一)，一次過有晒鹽焗同麻辣兩隻口味。d 雞幾嫩滑，鹽焗雞帶有沙薑粉o既味道，濃味香口；麻辣o個d 則呈微紅色，辣度幾高，風味唔錯。佢下面o既麵標榜住係鵝油撈麵，聽落好似好矜貴咁~ 麵質都算爽口，食落惹味得o黎，一d 都唔油膩。跟呢個餐會附一小兜雲耳作為開胃前菜，也是幾辣的。第二個餐則點o左銷魂腩叉飯($40)，幾玩味o既名字。Menu 介紹佢係半肥瘦o既腩肉叉燒，實物見佢擁有一間間o既脂肪層，而最上方仲連帶一層皮，都幾特別。另一個朋友唔想食咁飽，想叫d 輕食，嗌o左個腩叉牛角包($39)，裡面都係夾上一樣o既叉燒，不過淋上胡麻醬，配上鬆脆o既牛角包，相信又係另一種滋味。每個餐都可以追加小食，寫o左瑞士雞翼(2 隻，$16) 同埋特濃龍蝦湯($