佳記甜品

營業中

休息中

差唔多2年冇泥啦~ 今係好耐冇入元朗而每次入元朗都必食佳記 😋😋 (其實有冇人好似我咁 係叫佢B仔 而唔知佢真名叫佳記🤣🤣)今日同埋屋企人泥 可以order多d 試下唔同既野不竟之前成日2個人去 冇唔到太多野 🥺🥺今次唔同啦~芒果河粉河粉其實係椰子汁做既一條條 (扮河粉)好爽口 &咬口芒果甜 夏日炎炎 真係清涼嘅美食🥰b仔船好多生果+椰果+蘆薈食生果為主 好似冇咩技巧可言 麻麻地~榴槤pancake 2舊大大舊既pancake🤗包住cream同榴槤😳😳好邪惡呀~但又好好味🥄😙😙榴槤味超濃郁 冇慳料架雞翼尖 招牌之一😋 超重蒜味又帶點香辣 好好味腸粉 & 豬皮 腸粉混醬 好正😋👍🏻 豬皮好入味~

黎B仔唔一定是吃糖水或甜品既，我次次來就點一份腸粉，魚蛋，腸仔，豬皮，燒賣...由唔知價錢食到應該貴左一倍既價錢都要照食，一直保持水準，腸粉夠滑，油味夠香，唔會痴埋一舊舊。而人人都叫，又係不斷加價都要食既就是蒜茸辣味雞翼尖喇辣到出汁，唔飲野都要食哂食碟，夠哂過癮！唔理衛唔衛生，唔知佢點洗雞翼，每次路過都要食一食。區內既人係食回憶，區外人黎食新味道。個人感覺評分：食物味道 - 食物賣相 - 餐廳環境 - 店員服務 - 性價比 -

呢度好似全部侍應都係菲律賓姐姐下午時間黎到 想食小食好耐無食腸粉 排隊排左一陣 菲律賓姐姐用唔鹹唔淡廣東話問我要咩醬我要左甜醬 麻醬 豉油 變混醬腸粉算係 爽口彈牙唔會好粉食完有啲飽下次黎一定會試埋其他小食好似魚蛋 雞翼尖 B仔涼粉

好少入元朗，上次得兩丁友無法挑戰B仔涼粉，今次三人一致想食B仔涼粉😋除此之外，由於太肚餓既關係，仲order左魚蛋、腸粉同蘿蔔。落單時會問你魚蛋、腸粉辣唔辣，腸粉走咩醬👍🏻熱食先上，迷你魚蛋口感幾好，食到有陳皮味！腸粉好滑，麻醬好好食！相反蘿蔔比較硬，而且有渣😂KO完熱食後，到甜品時間😍B仔涼粉其實係巨型生果撈涼粉，足料之餘擺盤又靚，生果有西瓜、密瓜、哈密瓜、木瓜、菠蘿、大樹菠蘿、罐頭蜜桃、奇異果、香蕉、龍眼（如無遺漏😂) 仲有椰果、蘆薈等配料，除左香蕉太淋，其餘都好食！另附上一碗淡奶for食涼粉，因本人不好涼粉，所以對涼粉無意見😂最後每人食左好幾碗，終於都ko左90%👏🏻👏🏻👏🏻 埋單$115，每人約$40，好抵食！

早就知B仔涼粉街知巷聞，可惜的是，自數年前和一群教會朋友吃過後，一直都未有機會吃！多得未婚妻想入元朗一行，就這樣我便和她一齊去，到達元朗後的第一站，就是去大坑渠佳記吃B仔涼粉！材料豐富的B仔涼粉，上層好多款不同的水果，下層清爽的涼粉，感到非常開胃！而未婚妻不喜吃大樹菠蘿的，但裏面卻很多！只有由我一人吃這些特別水果了！總之，兩個人都是僅僅吃盡吧，因為材料很多！除了B仔涼粉外，我倆更點了腸粉及香辣雞翼尖。雞翼尖應該是這裡特製的，用上很重蒜香和辣椒的汁料煮成，食來充滿香辣味道，差點忘記了B仔涼粉這個主角！腸粉就與其他的水食點差不多，沒什麼驚喜。終於圓了我多年的心願了！接著又要去「元朗四圍食」了！

師傅同好友食家"乜都放入窿"食完泰菜後, 真係未算好飽, 於是決定轉戰食甜品; 而正正隔離就係佳記甜品, 即係人人成日都講去開元朗一定要食B仔涼粉, 而B仔涼粉正正係講緊佳記甜品! 未同好友食家"乜都放入窿"黎之前, 其實師傅已經喺早幾天試過呢度嘅小食一次, 而當日嘅小食真令師傅十分之驚喜, 當日有柯打到腸粉, 咖哩魚蛋, 豬皮同滷水雞中翼, 當中已腸粉最令師傅欣賞; 當師傅同好友食家"乜都放入窿"未係好飽之際, 當然要推介呢間食店嘅腸粉, 於是就柯打左十蚊腸粉!十蚊腸粉有幾多? 講真唔係好多, 咪係八條咁多囉; 師傅同好友食家"乜都放入窿"都十分鍾意食辣, 所以十蚊腸粉配上混醬; 當腸粉放埋枱上時, 份量真的不少, 而且係十分之香, 濃濃嘅豬油味令到腸粉格外吸引, 講真今時今日唔係好多地方肯用豬油架, 雖然唔健康, 但偶爾一次半次確實過癮, 加上腸粉十分之滑, 真係食到停唔到口呀, 腸粉絕對係必食推介! 咖哩魚蛋嘅魚蛋都幾細粒, 入口唔爽口唔彈牙, 魚蛋水準絕對唔掂, 可幸是咖啡汁夠香夠辣, 汁底十分惹味, 令到魚蛋不至咁差; 至於豬皮就一般啦, 半腍半爽, 唔見得幾特別, 一般啦;