老夫子餐館 (已結業)

今天一家四口嘗試到老夫子主题餐廳食午飯，雖然等了三十分鐘，但整體覺得值回票價。入餐廳後便點了四個set lunch,價錢由58-88不等但包飲品。若想轉特飲，只需另加18元便可任選多款，個人認為十分超值。本人推介红酒豬扒，十分入味，豬扒煎得有咬口，而且有兩大塊，超飽滿。而特飲十分大杯又很特別，相機食先的朋友十分鐘意。唯一美中不足是這裏的侍應態度麻嘛。整體而言，環境不滿，食物有水準，特飲款式勁多，值得一試。

想試好耐，不過傳聞要好耐之前book，又要等好耐先有檯..... 滂沱大雨嘅星期五晚上，捉咗隻貓貓陪我嚟等位，行樓梯上去嘅時候已經見到由好多用老夫子封面砌成嘅玻璃，上到等位位置又可以同老夫子&大蕃薯嘅公仔影相，可愛到爆！晚上8點幾，要等50張檯，平時要等位我一定發脾氣唔食，但偏偏當有老夫子、大番薯及貓貓喺身邊，就等幾多張檯都願意㗎喎。可能好多人聽到要等咁多檯都放棄啦，所以店員叫號碼都叫得好快，唔洗半個鐘已經有位世外桃源 （＄78）嚟得呢啲玩懷舊嘅餐廳，當然要食返個焗豬扒飯啦！份量幾大，我同貓貓兩個人食都夠；豬扒肥瘦適中、肉質軟腍，上面鋪滿溶咗嘅芝士，好好味😋；番茄微酸，唔似外面有好多只有茄膏味道；炒飯粒粒分明，非常正！金枝玉葉 （＄40）可能隻碟好大隻，所以顯得2件芝士焗薯皮特別細；料就充足嘅，有好多煙肉及芝士，不過真係細咗啲呢；仲有可能遲咗啲食，凍咗啲喎！膽小如鼠 （＄48）即係涼粉，上面有啲棉花糖，再倒啲芬達橙汁入去；貓貓話嗌呢個係俾我睇㗎喎，外型的確滿分，氹女仔一流😂；不過棉花糖就真係溶得好快，要影相就快手喇；加咗棉花糖及涼粉嘅芬達究竟係咩味呢？係一樣味㗎😂！都係嗰句啦，睇咋嘛，