Chotto Maki (利源西街) (已結業)

無意間俾我發現依家創意卷物店,雖然身處喺中環,但係並唔係位於最熱鬧嘅鬧市之中,而係隱藏於小巷之中。呢度有唔同款式嘅驚喜創意卷物,屬於比較fusion嘅路線,而且即叫即整,叫咗四款唔同口味嘅卷物。Spicy Me Up係四款卷物之中最重口味嘅一款,由鰻魚,碎帆立貝,日式泡菜青瓜,乾海草,蘋果啫喱,自家製調味粉,辣蛋黃醬組合而成。微辣嘅蛋黃醬汁同蘋果啫喱絕對係依個卷物嘅靈魂C-Dragon Roll有炸鰻魚,番薯天婦羅,蟹籽,蛋黃醬同鰻魚醬。鰻魚新鮮炸起,番薯天婦羅亦帶有甜味,整體好夾再配埋脆卜卜嘅蟹籽,味道更上一層樓,係幾款卷物之中最合我口味。Black Magma Roll有碎帆立貝,蔥吞拿魚蓉,天婦羅脆同黑芝麻醬。黑芝麻醬嘅味道都幾突出,天婦羅脆亦為卷物增加左口感。如果冇一款卷物啱自己心水,仲可以自創卷物,想食咩口味自己決定,選擇自己鍾意嘅配料,製成一個適合自己口味嘅卷物。我選擇咗天婦羅配蝦蘆筍,玉子,飛魚子,青瓜絲同番薯天婦羅,再配搭黑松露醬牛油果醬。

中午去食午餐順便買外賣。餐廳環境整齊清潔，座位設計為高枱高椅。主打食品為大碼太卷。每份有四大件，饀多飯少。自由配搭太卷每份78元，九款肉類當中可選一款，八款疏菜當中可選兩款，六款其他食材當中可選兩款，七款脆脆當中可選一款，八款醬料當中可選兩款，組合千變萬化。每份太卷的造型好吸引，材料、脆脆和醬料都擺放得很美觀。壽司飯粒軟硬適中，鰻魚惹味，玉子甜甜地，飛魚子爽脆，炸蕃薯是即叫即炸，熱辣辣，外脆內甜，蘆荀幼嫩翠綠，碎帶子鮮甜，蘋果啫喱醬料好特別。總結：饀料豐富的好味壽司

今日去開港島區行山，於是乎就揀咗呢間食卷物嘅Chotto Maki。之前一路都好想食呢間，因為有朋友介紹話呢間嘅卷物十分出色，除咗餐廳預設嘅大小卷物之外，仲可以自己因應個人喜好去整屬於自己口味嘅卷物，當中除咗可以揀醬汁之外，仲可以自選肉類、蔬菜、脆脆等，好適合一啲腌尖嘅朋友。一場黎到，冇理由唔自己整返個卷物食，我同女朋友首先就揀咗個鰻魚，蘆筍、牛油果、松露蛋黃醬加黑芝麻醬。佢嘅醬汁很出色，濃郁嘅黑松露十分惹味。成個配搭連埋櫻花蝦嘅脆口，口感同味道都一流。另外再叫咗帶子吞拿魚細卷物，配合黑芝麻醬，整體出嚟有意外嘅驚喜。仲有佢嘅牛油果三文魚軟芝士細卷物，熟度剛好嘅牛油果，配合軟綿綿嘅軟芝士，再加上三文魚嘅鮮味，將所有食物嘅味道推上一個更高嘅層次。今次食得好滿意，下次行山都會嚟呢間度食完再出發咁一定有一個美好嘅開始。