普慶餐廳

之前睇過呢間餐廳評價唔錯，加上今日我媽生日，知道呢間餐廳好難book位，所以預先一個月到去book3個人自助午餐，由於臨近聖誕，所以價錢加到成人$426.8/位，長者同小童$305.8/位，以上價錢已全部計+1，由於現場太多嘢食，所以我都食唔晒。凍海鮮：生蠔爽口、小龍蝦同龍蝦鉗啖啖肉、有龍蝦味同彈牙、今日最驚喜嘅係有長腳蟹，不過可惜偏鹹，至於海蝦同青口完全冇味。刺身：北寄貝、八爪魚同鯛魚好食熟食扒類：燒牛肉同豬腩卷好食，最驚喜係自助午餐有火雞同楓糖火腿過火雞肉過熟，影響口感，楓葉火腿唔錯天婦羅：蝦一般，淡茂茂，金菇、茄子紫薯獅子狗好食甜品：聖誕蛋糕材料用朱古力同抹茶、藍莓芝士餅、60%朱古力蛋糕、布甸、奶凍、白慕絲桃、草莓撻唔錯，至於朱古力蛋糕、雲石蛋糕、蝴蝶酥同椰撻就冇食雪糕：檸檬青檸、楓糖合桃、焦糖、士多啤梨、曲奇、雲呢拿好食，因為太飽冇食到瑞士朱古力同薄荷朱古力味至於熱盤除左Fish and chips外，沙律，燒味、炒粉麵飯、點心、燒物、壽司同印度食品就冇食總結$426.8食一餐自助午餐，由於將近聖誕關係，有火雞又有楓糖火腿同長腳蟹食都唔錯，不過凍海鮮區如果有埋螺食就更好。