The Nest Coffee Shop

營業中

休息中

朋友好想支持一下這間社企cafe，所以今日一返完教會就帶我來tea一tea，邊食邊傾。呢間cafe 環境都唔錯，簡約舒適，有對住街景的一張長單人吧枱和一張二人圓枱，座位唔多，但好好坐，感覺好悠閒寫意，好岩傾計。下午茶時段蛋糕加飲品$55起，好抵！亦可叫其他食品再以優惠價配飲品。蛋糕外，仲有包點、三文治、鹹批、墨西哥卷等。飲品亦有咖啡、茶、朱古力、果汁等。單叫咗嗰牛肉批，都幾巨型。批皮厚度適中，裏面有好多饀，全是酸咪咪的牛肉碎，好有份量。朋友點了奧利奧芝士蛋糕配大杯自家製檸檬鮮薑蜂蜜。奧利奧芝士蛋糕好香滑，混入香甜的Oreo 餅，餅底就鬆脆，整體幾好味。朋友話自家製檸檬鮮薑蜂蜜真材實料，入口熱辣辣，酸酸甜甜，仲有不少薑碎，微微辛辣，味道岩岩好。我就叫咗摩卡蛋糕配大杯抹茶燕麥奶。摩卡蛋糕共有六層，忌廉和蛋糕相間，蛋糕硬在，濃濃朱古力香，味道唔會太甜。抹茶燕麥奶暖笠笠，入口都幾香滑，有抹茶的甘香，都有燕麥奶的香甜，甜度適中，岩我口味。

成日行過尖沙咀都見呢間cafe，終於今次走入嚟試吓Carrot cake ($35)自家製蛋糕口感濕潤，平時食嗰啲carrot cake入面有好多cream，不過呢個只係頂層有，下面成件都係好實淨嘅蛋糕，而且有好多紅蘿蔔絲，非常鍾意！Toffee banoffee ($35)比想像中冇咁甜，低層嘅香蕉好香濃自家製檸檬鮮薑蜂蜜 (+$25)叫咗杯熱嘅試試，就咁飲好似冇乜特別，但原來只係我未搞勻咋！原來成個杯底都係薑粒，係超級超級多，非常有驚喜。最後加熱水再飲，辣得嚟好正！一路enjoy呢個下午茶，一路望住彌敦道人來人往，加上窗外嘅大榕樹景色，渡過咗個好relaxing嘅下晝

這間位於尖沙咀及佐敦交界的咖啡店，是由社企開立，專為特殊需要人士提供在職培訓，非常值得支持。店內有多款包點、三文治、法式咸批及自家製蛋糕等等。即叫即沖的飲品有咖啡、茶、比利時朱古力及不含咖啡因飲品，選擇豐富。下午茶時段有Afternoon Tea Set，蛋糕加咖啡$55起，性價比超高！西班牙火腿長法包 外脆內軟的法包空氣感十足，口感煙煙韌韌，一片片西班牙風乾火腿肉質較瘦帶有嚼勁，味道濃郁，更有一粒粒非常柔軟的布里芝士，奶油味濃厚溫和，加上清甜的蕃茄增添濕潤感。雞肉牛油果墨西哥卷 煙煙韌韌的墨西哥玉米卷充滿彈性，包裹著飽滿的肉餡，嫩滑多汁的雞肉、綿密的牛油果，還有芝士、蕃茄和羽衣甘藍非常清新。Oreo Cheese Cake堅硬挺身芝士蛋糕，濃郁的芝士綿密細滑，酥脆的餅底添加層次，同時減低膩感。Mocha朱古力咖啡用上優質的72%比利時黑朱古力，有著濃厚的可可豆香，與醇厚的咖啡及幼滑的鮮奶好配搭。自家製檸檬鮮薑蜂蜜清新的鮮薑味帶微辛，酸甜的檸檬和香甜的蜂蜜互相平衡，好滋潤。Detoxify排毒美膚茶立體三角茶包，茶底是芳香的南非博士茶，加上紅花花瓣、辣木、蜜樹茶，味道甘醇夾雜一絲薄荷氣