豚豚食堂

營業中

休息中

有時睇見d人食拉麵就眼火爆，好地地一碗拉麵，你走去慢慢卷慢慢食，咁樣邊有體驗咖？計我拉麵一黎就成注夾，獅子撲兔，君臨天下！一啖過咬得幾多得幾多，係可能你會覺得我無manner，但食野係對自己交代，對自己個胃交代！我食故我在！👇🏻📌自 選 二 人 套 餐 - $242▪️ 滑 蛋 豬 扒 丼 - ▫️ 二人餐可以揀兩個主食，三個小食，主食我就揀左「滑蛋豬扒丼」，豬扒份量都幾多，肉質腍滑唔會好老，加埋蛋夠滑溜，蛋香十足，撈飯一流呀。▪️ 白 豚 拉 麵 -▫️ 而我朋友揀左「白豚拉麵」，湯底濃得黎唔會太鹹，麵條好夠彈性，煙煙韌韌幾有咬口；本身豚肉都好夠味，筍亦好新鮮，整體有驚喜。▪️ 天 婦 羅 魷 魚 - ▫️ 小食方面先黎個「天婦羅魷魚」，食得出係即叫即炸，外層相當酥脆，魷魚肉爽彈，好食。▪️ 自 家 製 餃 子 - ▫️ 第二道「自家製餃子」呢個SET有6隻，上枱夠哂熱辣辣，皮薄得黎餡料又多，呢個一定要嗌！▪️ 燒 牛 舌 -▫️ 最後呢個小食「燒牛舌」賣相幾吸引，表面好光滑，食落油香十足，而且唔韌，好爽口，正！

經過呢間食堂好多次，今日就正式黎個食評。餐牌上嘅lunch set係最抵食。落單係用電話落單。如果午餐時間可以早啲到仲唔使排隊。白豚拉麵+吉列流心蛋豬肉餅：豬骨湯味唔算濃郁，但配菜充足。兩塊叉燒特別大，算係煮得比較熟冧。成碗面雖然冇靈魂流心蛋，但係勝在野菜充足蔬菜多到每一啖麵都會有。至於吉列留心蛋豬肉餅，其實入面係比較多麵粉。所以食落去感覺更加熱氣。豬肉餅整體非常厚實。加埋隻蛋喺入面更加飽肚。招牌牛油拉麵+自家製餃子：牛油其實放喺面上邊未完全溶化。但我都幾肯定湯入面都有少少牛油。因為湯入面有比較多嘅油鏡。呢間舖頭嘅叉燒都係一樣大塊。配菜來講招牌牛油拉麵係更加多。將個牛油撳落去拉麵度睇住佢慢慢溶化係有種治愈感。餃子同出面嘅拉麵店差唔多。都係有肉有菜配上佢嘅餃子醬汁。餃子煎得啱啱好。脆得來入面係軟淋淋嘅肉。呢間拉麵店嘅麵，全部都係一樣嘅軟硬度。整體食上去比較軟。lunch set唔貴，值得回頭再食。

今日晏晝經過北角匯，見到豚豚食堂內有個吉咗嘅卡位，於是我哋就決定入去食午餐啦，因為佢入面嘅卡位都幾好坐，夠哂闊，我哋睇完餐牌後，三個都決定食拉麵，叫咗兩個輕盈套餐白豚拉麵＋自家製餃子（3隻），另一個叫自選拉麵套餐赤豚拉麵＋串燒雞軟骨，大約等8至10分鐘就有得食啦，拉麵豬骨湯底，豚肉亦唔會太肥，都幾厚肉，成碗拉麵食完都唔覺油膩，自家製餃子皮薄餡多，好食，最主要餃子皮唔會煎得太硬，仲有雞軟骨加上檸汁，又軟又香唔會太鹹，算係抵食！整體環境及服務都唔錯。

前幾日父親剛好在北角上班，便約他到附近吃晚餐😋北角有一個新地標「北角匯」，商場很大，而且有很多餐廳👍🏻父親愛吃拉麵，便和他到一間日式餐廳用膳😋餐廳環境寬敞光亮；食物的質素不錯，價錢也不貴，性價比高👍🏻——————————自選2人套餐 $228🔹海老拉麵豬骨湯底香濃，加了乾蝦仔後，變得更濃更鮮味😋細細的一碗麵，配料有蝦肉、叉燒、蔥粒、木魚和筍片，確實唔錯👍🏻😋🔸吉列豬扒奄列咖哩飯甜甜的日式咖喱是我的最愛，而且汁的份量超多🤤吉列豬扒的炸粉不厚，肉質結實及有嚼勁😋而奄列的厚度稍薄，如果厚一點，會吃得更滋味👍🏻🔹燒雞翼2串及燒雞軟骨2串雞翼及雞軟骨同樣燒得恰到好處，金黃色的外皮非常吸睛，內裏肉質鮮嫩，落一點檸檬汁會減少油膩感👍🏻🔸自家製餃子（6隻）餃子皮薄，煎得不過火，餡料夠飽滿，吃得很滿足😋🔹炒魷魚鬚店家用了薑絲、燒汁炒魷魚鬚，味道惹味😋質感結實，爽口，如果作為下酒菜，一定非常適合😂