蜜庵本膳 (已結業)

之前黎過這間餐廳食pancake，其實果陣係想試下定食的，但因為當時時間太晏，未有機會試，所以今日特地再來這間餐廳，試試他們的定食。午市定食跟餐廳一樣好有日本家庭式的感覺，我跟友人也是點了自選三主菜定食，我們還追加了飲品和把甜品加錢轉芭菲。三文魚南蠻漬+蒲燒鰻魚+東子風味清酒煮青口($128)，三文魚雖然係凍食，但係已經煮熟，面頭有甜甜地既醬汁，幾特別。鰻魚唔會燒得太淋，鰻魚汁剛剛好，唔會太濃。青口有淡淡的清酒味。除了有這三個主菜，定食還有沙律、面豉湯、蒟蒻、白飯和甜品，甜品是咖啡味雪糕，咖啡味都幾濃，這個定食食完都已經好飽了!香煎胡麻豆腐蓉拌菠菜+風味照燒雞+豚角煮($128)，驟眼看上去以為豆腐蓉是沙律，食落去雖然好淡，但清清地，唔錯。照燒雞扒的雞皮煎得脆卜卜，雞肉嫩滑!豚角煮的豬肉整得好淋好入味，雖然有點肥，但入口即溶，再配有清甜的白蘿蔔能除去豬肉的油膩感!而我揀選了健康的十穀飯，食落好有口感!山楂梳打($38)，整杯酸酸甜甜，能夠減去食完定食飽飽地的感覺。檸檬鹽高球($58)，友人突然酒癮起，下午都要飲返杯，這杯檸檬聯高球外型特別，加入了雪到變冰的檸檬片，還有自行加入燒酌， 好

小肥放大假繼續食食食☺️😋🍴難得天氣總算好返啲啲之際😆🌤同隻豬返大陸遊玩之前🤪🐷當然要食返餐好既醫下肚補充下先啦🤤🍴🍜位於尖沙咀赫德道既蜜庵本膳喺尖沙咀站D2或N出口經K11行過黎亦算就腳😆呢度簡約和風設計既小餐店☺️🇯🇵周圍掛滿唔同日式風味既食材照片擺設😆除左有高枱之外亦有其他木枱可供選擇😆👨🏻‍🍳店員亦好熱心體貼地招待😆氣氛亦配搭高質素既日式定食料理😋🍴🇯🇵自選三主菜定食自選定食可自選冷盤燒烤物及鍋物😆款式既選擇以及定食另有附上麵豉沙律及雪糕😋亦盡顯豐富🤤配合我地同樣選擇既十穀飯🍚🌾夠哂健康之餘更增添口感😆😋而麵豉湯充斥住滿滿既蔥花同滑嫩銀芽亦絕不馬虎☺️冷盤胡麻五目沙律 vs 三文魚南蛮漬以五款唔同蔬菜搭配既健康沙律🥗淋上胡麻醬帶出麻香口感Creamy🤤而配合經醃製既三文魚南蠻漬😆食落酸酸甜甜夠哂開胃之餘亦鎖住魚油香🐟😋小肥亦更鍾情於後者🙇🏻‍♂️🤤燒炸物風味照燒雞 vs 蒲燒鰻魚照燒雞慢燒至燶脆既外皮😋配合肉質滑嫩既雞肉🐔造出微微外脆內軟既口感🤤慢燒過程淋上薄薄蜜糖亦帶出其清香之餘🍯☺️灑上芝麻更增添口感☺️而燒香嫩滑肥美既蒲燒鰻魚🤤🐟配合沾滿濃郁鰻魚汁更添鮮味🤩鍋物豚角煮 vs 黑松露飛

星期日奉母親大人之命陪堂家姐去睇嬰兒講座, 幫堂家姐攞野。講座13:30完左之後我地係附近搵地方LUNCH, 經過赫德道見到呢間新開嘅日式餐廳蜜庵本膳, 午市$128的自選三主菜定食菜色都幾吸引, 所以我地決定去呢度開餐。餐廳唔大間, 裝修走日式簡約風格, 配合充足嘅自然光, 環境寬敞舒適。店員服務非常貼心, 除左自動幫堂家姐換一張比較舒適安全的四腳椅之外, 更幫堂家姐午市套餐的甜品轉成孕婦都合適的口味, 認真抵讚。💖我地各自點了一客午市自選三主菜定食, 定食除左有三款主菜之外, 亦已包括餐湯, 沙律, 飯同甜品, 除此之外, 更可以半價加配飲品。檸檬塩高球 $58我點的呢杯檸檬塩高球賣相好吸引, 檸檬非常多, 加上鹽的梳打水味道好清新, 金宮燒酌酒味濃, 而且食客仲可按照自己喜好添加。 👍蜜檸薑 $38堂家姐揀左呢款完全冇咖啡因嘅飲品, 佢讚呢杯蜜檸薑香甜之餘薑味亦夠濃。👍自選三主菜定食 $128蔥花吞拿魚蓉配日本蛋黃 香燒沖繩豬手 白湯關東煮定食一盤過下枱, 感覺格外豐盛, 蔥花吞拿魚蓉份量都唔少, 加上蛋味特濃嘅日本蛋黃, 混白飯食, 鮮甜惹味。關東煮入面我最鍾意係蘿蔔, 非常入

最近見到有啲food blogger推呢到嘅班戟，不過我今次就唔係tea time去，所以就試吓佢哋嘅lunch set～自選三主菜定食 $128 都幾多選擇，我揀了十穀飯、冷盤：蔥花吞拿魚蓉配日本蛋黃、燒/炸物：山芋素揚、鍋物：大根牛尾煮，跟餐送餐湯、沙律同甜品。原本以為只可以喺日本安心食生蛋黃，但呢到主張用高級食材，所以好放心喺到食蛋黃撈吞拿魚蓉，蛋黃流出嚟、以至同吞拿魚蓉mix埋一齊，都係令人幸福嘅感覺🤤💕山芋素揚口感外微脆內爽口，唔會太熱氣，追求口感必叫！大根口尾煮嘅精華喺哂啲大根到，送飯食一流🥰作結嘅係咖啡京茶雪糕，店員話佢哋嘅雪糕都係無蛋、無奶嘅，食落口感比平時嘅雪糕滑溜，有咖啡嘅濃之餘，亦有培茶嘅香，出色啊～如果你鍾意睇我嘅食評，不妨關注我，支持吓我，謝謝你☺️💕

今日約左牙醫，睇完才回公司，睇完牙醫已經午飯時間，所以就順便在附近食埋午餐。透過玻璃見到蜜庵本膳店內明亮簡潔感覺很舒服，單人午餐都很豐富，一於試下。＊＊＊＊＊＊＊＊＊＊＊＊＊＊蜜庵本膳店內以淺木色作主調，讓人感覺很輕鬆舒服。座位有分普通餐桌和牆邊的高座，高座都有三腳和USB充電位，非常貼心。由於甫到時才12點，店內只有一兩枱客，但之後就開始多人，所以平日午飯時間最好要早點到。午餐為自選三主菜定食($128)，套餐包括飯、三款主菜、沙律、湯和甜品。飯可以選白飯或十穀飯，之後冷盤、燒/炸物和鍋物每樣都可以三選一，另外亦可以以優惠價追加主菜、飲料或加飯。定食我選了十穀飯、明太子玉子燒、柚子風味燒雞和牛肉薯仔鍋。十穀飯飯量不算多，不過食完整個定食都一定夠飽。十穀飯包含十款不同穀物，健康之餘，賣相比普通紅米飯討喜，而且加入穀物令白飯更有咬口，味道沒有想像中差。沙律醋下得足，所以雖然只有沙律菜和粟米，酸香十足也很開胃美味。蒟蒻浸在辣油內，彈牙得來但點微辣，幾特別。明太子玉子燒不會太甜，但玉子燒不夠滑，味道普通。柚子風味燒雞雞皮薄而微脆，調味適中，不過柚子味不太突出，小小一碟已經有五件雞，份量算多。