浙江軒

營業中

休息中

浙江軒係灣仔不嬲都好出名，但因為要Membership，所以一路都無去過。今次都係公司老細請食飯先有機會去 但係去到問，原來依家星期一至四晚飯係唔洗Membership都可以book，咁下次可以帶朋友屋企人黎試吓喇～前菜熏魚：係我食過最好食，熱嘅，脆皮，一啲都唔柴，甜甜地蔥油海蜇頭：好爽！不過都係鍾意陳醋味多啲臭豆腐：點解可以炸得咁脆？！個碟底一滴油都冇！黃金蝦：勁多蛋黃！仲要剝埋殼！啖啖肉！燒肉餅：皮薄餡靚！係酥皮版嘅生煎包五花腩魚唇：個魚唇好似花膠咁！有陣陣酒香嘅腩肉都好好味！蜜汁火方：火腿鹹香原來襯南瓜都OK～酸辣湯：一般，有啲酸過龍四季豆：正常！唔油～高力豆沙：唔甜～ 可以熱啲～酒釀小丸子：好香！好多小丸子

聽講浙江軒好似係私房菜，咁就約左親友去試食。 首先講下衛生，啲杯碗等用品都唔見有水漬。環境夠光亮，同企理。 咁我地睇左陣菜單，就點左醉雞、臭豆腐、甜醋松魚、生煎包。 醉雞夠雞味因為佢係新鮮雞黎，而且雞肉帶陣陣酒香，未食先醉，非常入味，食落口，啲肉夠哂滑嫩，唔洗一陣就食哂。 臭豆腐無咩特別，似係唔臭個種，或者係我平時食開臭個啲，所以唔識欣賞依種。 個甜醋魚幾爽口，唔會有魚腥味，甜醋唔會過分多而破壞左條魚，而且夠新鮮。 至於個生煎包就唔得，唔夠肉汁，唔夠香，令人失望。 五個人食左$1500+，就有啲貴。 但服務都好好，好有禮貌！ 依到同家人聚餐係ok既