8鍋臭臭鍋 (謝斐道) (已結業)

尖沙咀分店就已經試過喇，不過銅鑼灣分店就真係第一次試～呢度嘅環境都幾舒服，我哋6:00嚟到坐梳化位，坐得相當舒適😆呢度採取QR code落單，所以喺手機好清楚睇到有咩食物種類，都寫埋鍋裏面有啲咩食材～佢都有好多配料可以俾你追加，啱晒啲想食多幾樣配料嘅客人😎我就叫咗個臺式麻辣鍋配肥牛片同粉絲 ($119)，中辣對於我嚟講啱啱好，有麻香，亦都唔會過鹹～入面嘅配料都非常之豐富，我自己最鍾意就係甜不辣😆本身甜甜地配返個辣嘅湯底好平衡～另外佢嘅牛肉片我覺得都唔差，份量多，亦都好有牛味🤭我叫咗一杯葡萄柚綠茶加彩虹寒天 ($39)～解辣之餘，亦都算幾開胃👍🏻男朋友就叫咗芝士牛奶鍋 ($119)，再追加左一份豚肉 ($20)添😆呢個鍋嘅牛奶味超重，令到裏面嘅配料都好滑好creamy～配料同我嗰個好多都唔同㗎，丸類比較多，但係都好食嘅～男朋友叫咗王子麵 ($10)，加落湯底食係最正嘅😋呢個一人一鍋嘅性價比好高，加上配料種類都好多，好多食材都可以試吓，值得一試～

香港食打邊爐基本都無分咩季節, 只要想食就要食, 當然有時候一個人想食時, 唔係個個地方都適合, 呢間係我其中一間選擇。今次就拉埋朋友仔去食, 一人一鍋唔洗爭。 我就例牌叫我最喜歡既芝士牛奶鍋, 而朋友仔就叫咗臺式麻辣鍋, 另外再加追咗$20臭豆腐鴨血及百香果紅茶。喜歡食芝士既真係要試一試芝士牛奶鍋, 奶香又滑, 加埋芝士既香濃味, 真係絕配。臺式麻辣鍋個配搭都幾得意, 有細細個公仔麵及油炸鬼, 因為之前未試過, 所以就叫咗個小辣, 我覺得唔辣, 如果食得下辣既要考慮下辣度。 另外個套餐有白飯或粉絲選擇, 本身個鍋都幾大份, 而鍋內都有一D麵食提供, 所以自己就要衡量下啦! 至於另加既臭豆腐鴨血, 本身我都好鍾意食香港既炸臭豆腐, 好坦白真係好臭, 我食咗一啖就頂唔住。可能我唔識欣賞, 不過整體上我都覺得平平地不錯既選擇。

星期六中午去咗銅鑼灣食「8鍋臭臭鍋」，真係好耐無食過，原來中午($88) 比起夜晚($115) 抵食好多，77折就可以食到，仲有飲品贈送臭臭鍋的靈魂應該是「臭豆腐、大腸」；另外，每個鍋都加上各種不同的食材，搭配而成一鍋又香又美味的火鍋。最終我哋揀咗 2 個套餐，每個套餐包括(鍋 + 飯 或 粉絲 + 凍泡沫紅茶/茉香綠茶 $88)1️⃣ 招牌臭臭鍋2️⃣ 臺式麻辣鍋 價格💰：$194 ($88 + $88 + 加一服務費$18)味道😋：OK

好少行來呢條街，計上次食完鰻魚飯之後都冇來過。呢度門面唔太起眼，人客都唔多，如果冇人介紹都未必會來。我本身唔係大食，冇諗過要食火鍋放題，呢d咁樣一人鍋就啱哂我啦！多人黎食都可以跟據自己口味，滿足各人嘅喜好。每個鍋都係HKD115，可以跟飯/粉絲，今次我叫左個臺式麻辣鍋，麻辣湯好香辣，味道似足台灣食嗰d，餸方面都有起碼10款，當中都包括飽肚d嘅肉類，牛肉片，福州魚蛋等等，整體而言味道價錢都唔錯，CP值高！另外叫左香蒜牛肉鍋同金桔檸檬梳打，同樣好足料好好味😋8鍋臭臭鍋地址📍: 銅鑼灣謝斐道440號駱克大廈A座地下E舖.............................. 味道😋: ⭐️⭐️⭐️⭐️ 環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

上次吃已是半年前，今天偶然路過銅鑼灣，又好久沒去台灣，所以又再次光臨這家台式火鍋店。環境方面，也許是非繁忙時間，店裡人並不是很多，墻上的圖案設計，和照片都非常有台灣的風格，位置寬闊，雖然是火鍋店卻還是保持清新的空氣，想必在抽風系統上下了功夫。坐下來後就直接點了一個台式麻辣鍋。不超過十分鐘，一鍋熱辣辣的台式麻辣火鍋已經呈上。金黃色的科學面躺在沸騰的紅油湯裡，令人食慾大開。小心翼翼地喝了一口熱湯，瞬間打開了五臟六腑，仿佛來到了全新的世界。大腸是我喜歡的質感，入口即化。福州魚蛋仿佛令我去了福州一樣。牛肉不柴，有牛味。湯底麻中帶辣，辣中帶麻。服務方面，店員都非常禮貌，雖然不及台灣，但是也保持著台灣的感覺。

見到臭臭鍋呢個店名，一直諗緊點為之臭臭，個味究竟會點，所以就黎左銅鑼灣去食台式火鍋😆/總共有9款default口味任君選擇，我就一定叫招牌臭臭鍋，而我朋友叫臺式麻辣鍋😱🌶招牌臭臭鍋嘅材料有白豚肉、臭豆腐、米血糕、蕃茄、金針菇。每鍋份量好多，好吸引，臭臭鍋嘅意思係指鍋中有臭豆腐嘅火鍋。先試左白豚肉，大大塊，肉地嫩滑，配上醬料一流。每張枱都會有醬料同豉油比你自由發揮調配。第一次試臭豆腐同米血糕🤤米血糕好煙un,係我中意嘅味🙈😂本人中意食內臟🙈豆腐又唔會話臭，我覺得好香口同埋質地唔係果啲一整就散果種。最特別係個火鍋會到時間就自動識左，唔需要分散注意力去睇火。我朋友嘅臺式麻辣鍋，佢嘅甜不辣幾特別，圓扁條狀，炸魚醬嘅野，食落少少辣。/佢每個鍋可以配飯或者粉絲，好飽肚😆我地最後叫左個盆栽奶茶，朱古力同華田加奶茶嘅混合體，又係好正正😍

今日笑容燦爛🤗嘅工程界小花👧🏻帶左我嚟呢度食臭臭鍋，由銅鑼灣崇光百貨出發，行左三分鐘左右🕗就到，店舖嘅位置就係喺謝斐道一蘭拉麵🍜隔離。餐廳晩巿主要有9款鍋物🍲🍲供應，主打一人一鍋🍲🍲，每一款材料都非常豐富，其中三款鍋物仲可以選唔同嘅辣度🌶。另小食、加點食材及飲品都頗多選擇。一入店內，服務員💁🏻就即刻為我哋安排座位，並介紹店內嘅人氣✨食品。餐廳嘅佈置亦挺有特色，以泥水牆及橙色為主調，另以「記憶牆」展示臺灣嘅分店。聽完介紹，我跟工程界小花👧🏻就點了招牌臭臭鍋🍲及臺式麻辣鍋🍲，而飲品就選了兩杯茉香奶綠（其中一杯加寒天），兩款鍋及飲品都係店內超人氣之選。✨招牌臭臭鍋(不辣)鍋物嘅材料有娃娃菜、白豚肉、台式貢丸、米血糕、大腸、豬紅、沙白、鵪鶉蛋🥚、蕃茄、炸菜絲、韮菜、金菇、鳴門卷、炸枝竹、粉絲及臭豆腐！✨由於想體驗原裝臭臭嘅味道，選了唔辣，鍋物🍲一上枱，已經隱若聞到陣陣嘅豆腐發酵味，味道愈滾愈濃烈，聞到都覺得惹味。最喜歡💕有台灣特式嘅米血糕及臭豆腐，另娃娃菜、金菇、炸枝竹同粉絲吸哂湯底嘅精華，食落真係好滋味！😋臺式麻辣鍋(少辣🌶）鍋物嘅材料有娃娃菜、羊肉片、麻辣餃、甜不辣、福州魚蛋、豬紅、沙白、

尖沙咀既臭臭鍋就食過好多次，因為我同男朋友都好鐘意尖沙咀果間，間唔中就會想去食下。今次係openrice見到原來銅鑼灣都有間分店，見近我公司好多，即刻搵左日同男朋友收工去食😍銅鑼灣分店少人過尖沙咀，一入到去見到都有一半既空位，所以唔洗等位，即刻有位，唔同之前去尖沙咀分店次次都要等位😂我叫左臺式麻辣鍋（小辣）+粉絲，男朋友就叫左個藥膳羊肉鍋+飯，另外例牌咁叫左個麻辣鴨血同一杯冬瓜茶臺式麻辣鍋入面好多料，有牛肉、豬紅、豬肚、豆角等等，唔好見套餐既粉絲好似得少少咁，因為本身個鍋入面有啲公仔麵，加上鍋入面滿滿都係料，所以都係超飽肚！而牛肉黎講，呢個價位黎講都算係咁上下。我叫左小辣，但係我覺得唔算好辣，麻既感覺都唔係好重，食得辣既話，建議可以放心叫中辣或者甚至更辣！另外個藥膳羊肉鍋個湯底都好香，藥材味聞落好香，同樣，呢個價位黎講，個羊肉都算唔錯！想進補下既，推薦揀呢個鍋😆除左令我地有少少失望既係麻辣鴨血冇以前係尖沙咀食既咁入味之外，其他整體上都同尖沙咀分店差唔多，都係正既，都會想再黎食！🤤

天氣涼左少少，就想打邊爐啦！咁岩俾我發現臭臭鍋開左係銅鑼灣，即刻約埋朋友一齊黎食！環境都好寬敞，抽風系統都好好，唔會好大陣味👍🏻呢道有9款鍋揀，有辣有唔辣任君選擇！一個鍋再加一個飯/粉絲都係112蚊！好抵食👍🏻芝士牛奶鍋有娃娃菜、白豚肉、日本南瓜、魚豆腐、台灣貢丸、麻吉燒、沙白、香菇、蟹柳、金針菇、炸枝竹、嗚門卷、雞蛋、烏冬、芝士、蛋餃牛奶鍋口味獨特，奶味適中，d湯好甜好滑，不過芝士味就比較少。台式麻辣鍋有娃娃菜、牛肉片、麻辣餃、甜不辣、福州魚蛋、豬紅、沙白、米血糕、大腸、魷魚圏、凍豆腐、金針菇、炸枝竹、泡麵、嗚門卷、青豆角麻辣鍋我地叫左小辣，如果食得辣既可以叫中辣呀😋d餸索哂d湯，好夠味，特別係凍豆腐同粉絲😋唔洗再點其他調味料食！我地仲驚唔夠飽，叫多一個小食 - 鹽酥雞炸得好香脆，細細粒又易入口！👍🏻飲品方面，我地叫左奶蓋綠茶🍵、奶蓋烏龍茶奶泡幼滑，帶有小小奶香，配上茶一齊飲味道好夾👍🏻👍🏻

平時好少出港島區, 做開野就要係附近搵食, 係附近做野嘅朋友知我鍾意食台臺式麻辣鍋, 就介紹我去呢度😆餐廳位於銅鑼灣中心, 灣仔消防局附近, 所以好方便。入到去睇 Menu, 原來係一人一鍋, 咁就好啦唔洗爭~而且平日仲會有午市套餐!餐牌除左傳統麻辣鍋之外, 仲有咖哩, 芝士味之類, 唔怕食臭豆腐仲可以嗌招牌臭臭鍋餐廳掛左好多分店相, 令我愈黎愈期待啊❤鍋本身包左一杯飲品, 而我地特別加錢飲特飲, 一杯香芋奶茶, 唔會太甜, 仲有淡淡嘅芋香味盆栽奶茶有驚喜, 唔單止茶味濃, 又唔太甜, 配面頭朱古力碎剛好👍首先黎左酸辣羊肉鍋, 叫左中辣~除左有好多羊肉之外, 仲有好多配菜, 配菜吸晒 D 湯, 酸辣度剛剛好辣得好過癮😆之後黎埋臺式麻辣鍋, 叫左小辣~當我以為配菜佔多時, 估唔到有咁多片牛肉😍😍而裡面仲有鴨血, 臺式魚蛋, 水餃, 豬腸等等...材料真係好豐富😊而且湯底都好濃啊~米血糕都係我最愛❤而每個套餐都可以揀飯/粉絲, 當然要食粉絲放落去吸 D 湯底黎食啦最後我地叫左個小食鹽酥雞~同出面食嘅好唔同, 唔單止炸皮薄, 而且淡淡鹹味好好食啊！總結: 2個人我地一人一個鍋 total 食

在台灣早有10多年的歷史🧐，早年進軍香港📍，一直也沒有機會嚐過😢，這晚跟老公🍋又台灣癮起😅，想也不用想就決定了晚餐了🔥。裝潢精緻型格😎，比起火鍋店🍲，看來更像文青咖啡店🔖。店內提供9種不同的湯底😲，除了著名的香蒜及養生外🤔，更有麻辣🌶、牛奶🍼、咖哩💛等。一人鍋份量足夠😌，可選擇配飯🍚或粉絲🥢。酸辣羊肉鍋🐑：鍋中的配料非常豐富🤩，除了羊肉外😋，更有麻吉燒🔥、台灣貢丸🍄、甜不辣🌶、鴨血糕🦆等；湯底酸辣開胃🤤，加入了沙白🌊，入口更為清甜😍；粉絲吸盡了湯汁😳，入口爽滑💘。臺式麻辣鍋🌶：味道香濃😋，雖然不會像中菜般辣😊，但卻依然惹味😌；配料同樣豐富🤩，分別有大白菜🥦、豬肉片🐽、台灣貢丸🍄、豬紅❤️等；把湯汁倒入白飯中🍚，以湯飯形式吃下🥢，老公🍋馬上迅雷不及掩耳的速度完成了⚡️。鹽酥雞🐣：台灣風味怎能少了它😁？椒鹽的味道濃郁😍、酥脆的外層口感極好👍🏽，啖啖都是無窮的滋味🤤。百香果綠茶🍵：百香果香味濃郁😋，加上綠茶的甘香😌，解辣解膩一流💝。盆栽奶茶🌳：朱古力奶茶🥤加上了朱古力餅碎🍫，不算太甜😊，口感層次感十足👍🏽。總結：不須要請假去台灣🏝，在香港下班也能嚐到台灣風味😍，的確是不錯呀💘。

近排都好中意食一人一鍋嘅火鍋原本已經中意食臭臭鍋嘅我帶左細佬去左銅鑼灣新開嘅8鍋臭臭鍋細佬叫左個招牌臭臭鍋 ($112)呢個臭臭鍋特別之處當然係有臭豆腐係當中而我就叫左臺式麻辣鍋 ($112)小辣對我黎講都唔算太辣 而特別之處就係有個泡麵係鍋裡面 索哂啲辣湯 好正🌶之後細佬叫多左個炸花枝丸 ($38)外脆內軟嘅花枝丸 口感不錯🙈而2杯飲品分別係招牌奶茶($28) 可以加珍珠的🙆🏻‍♀️同芒果鮮奶冰沙 ($35)_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂