Siam Noodle Co.

營業中

休息中

兩個人星期日在銅鑼灣的下午茶船麵有辣度選擇，我地選擇了中辣，本人覺得辣味蓋過了船麵本身的濃郁味道，有D食唔到船麵既味道，不過，好足料有和牛有豬腩片有牛丸豬肉丸，不過河粉就有D硬。整體來講都好食，夠熱！ 泰式金邊粉味道好味，不過D金邊粉就碎左D。春卷就普通咗D不過都夠脆。必食推介，椰子雪糕，裡面有花生，椰子肉，烤粟米，真係好好味 $48 好抵食！環境舒服，星期日下午仲要無人，D嘢食主要好夠熱，但甜品是主角！

講起船麵，我通常會諗起灣仔石水渠街的Samsen，很有名，亦好味，但那邊不十分就腳，所以很久沒去幫襯。早幾個月在銅鑼灣利園二期地庫發現了這一間 Siam Noodle Co, 先是被其價錢吸引的。$128有前菜及一碗船麵及飲品，加$25有甜品，在銅鑼灣頂級商場來說，這是超值了。試過之後，加入考慮價格、就腳，以及味道，這裡已經成為了我每星期起碼去兩次的餐廳。餐牌選擇不算多，但那個$153套餐($128+$25)真是太合口胃了。船麵可以揀牛肉或豬腩肉配牛肉丸或豬肉丸，生麵、米粉或河粉，小辣、中辣或大辣；除了船麵，還有多一個選擇：泰式椰子雞湯河粉(香辣酸甜湯底，由椰奶、青檬汁、蔥和檸檬草製成)，亦相當不錯。前菜都有幾款，我就主力推介泰式雲吞，次選炸春卷。甜品方面，椰子雪糕是必選，非常地道泰國風味，跟西式或港式椰子雪糕完全不一樣。另外的甜品選擇芒果糯米飯就不需要試。套餐包含的飲料，我會提議你點那些泰式奶茶(正常不錯的)或咖啡，因為如果你對茶包稍為有些少要求，千萬不要揀他們的茶包(English Breakfast、綠茶等)，茶包水準極低，味道比清水更淡(唔明點解可以做得到🤔😅)。另外，如果喜歡