廣記粥店

營業中

休息中

開心食到一間感覺街坊街里嘅好味粥店，裏面裝修好舊，可能令人感覺唔太衛生。但事實上我又見唔到枱櫈污糟，或者食具好濕有殘渣痴住嘅情況。粥店都幾多員工，各施其職，見到佢地一邊傾工作一邊開心笑，大家都無停手，對客人亦唔會怠慢，好禮貌好親切。香芋南瓜排骨粥 - 裡面有兩大舊好滑嘅芋頭、一小舊排骨肉，睇到粒粒煲到好熔嘅米粒同南瓜粒，粥底好滑。艇仔粥 - 粥底滑，仲見到米粒，有魷魚、肉碎、花生。油烤鬼、炸兩 - 炸器無得頂，唔會硬掘掘，無油益味，外脆內軟。腸粉好滑，配上甜豉油無得彈，證明新鮮製。咸肉糉 - 簡單就是美，肥豬肉、咸蛋黃、綠豆、糯米，黏性夠，糯米散發住肥豬肉同糯米嘅香，好味道。

今日比較凍，同亞媽去食下粥。一看門面就知係我亞媽個代啲童年回憶😂。装修好舊，但感覺唔係太污糟，但唔太舒服，50分。啲亞姐服務都ok，食物都好快到，70分。至愛艇仔粥$18，料足，85分。綠豆糭$18，好鞋咁，可能小小肥豬肉都無，唔好食，30分。油炸鬼$10，太硬太硬太硬，好似放左好耐，超難忍食，失敗，5分。豬膶腸粉$18，無乜料，腸粉都滑，70分。全部埋單$64，每人$32，合理既。整體50分，應該唔會再去