甜家

營業中

休息中

同朋友港島遊中發現呢間小店，有驚喜👍🏻甜品種類都幾多，揀咗2個嚟試下，分別係芋圓仙草凍同楊枝甘露，2碗糖水都裝得好滿。芋圓仙草凍啲芋圓粒粒都好有咬口好好食，咬真啲仲有啲芋頭粒係入面，紅豆配仙草都好夾，同朋友都好鐘意！另外就係楊枝甘露，芒果都比得不少，每啖都有芒果粒食到，芒果幾甜唔會好酸，配埋啲汁同西米一齊食簡直👍🏻👍🏻👍🏻。食緊途中仲聞到間鋪足滿椰子嘅味道，原來係隔離枱嗌咗啲椰皇類甜品，好香好吸引，朋友都話想下次嚟試埋其他甜品！

成日去西營盤，但唔係朋友講都唔知電車路旁有呢間糖水舖小店，一直冇為意添😲今日路過，就入去試吓啦🤗店內裝潢簡潔，燈光明亮，枱櫈擺設唔算好逼，老闆娘態度nice；叫咗一碗芋圓仙草凍，上枱望到三款芋圓嘅顏色，就諗起N年前喺某糖水食過，難食程度印象深刻，呢隻相信來貨屬同一牌子，入口果然估中咗😅質地欠缺芋圓應有嘅煙靭口感，味道亦非常的淡，下次去試其他糖水可能好啲？🤔勝在份量大碗、足料、價位合理，住附近嘅街坊不妨一試。