黑丸嫩仙草 (已結業)

有一次心血來潮見到instagram 有人食芋圓，就決定走去太子個間人人都話都好正既黑丸嫩仙草！ 講下環境先啦，開放式廚房再加裝修夠哂特別，加埋有幾張枱同埋櫈櫈，環境都算幾舒服，夏天呢時間行到熱熱地個陣入去食下芋圓嘆埋冷氣真係一流！ 今次就叫左個芋圓嫩仙草試下，其實之前都係荃灣食過一次芋圓，都大約知道咩係芋圓。可能見到個個人都話好好味，對於呢個芋圓嫩仙草有極大既期待！好！我唔客氣啦！食左先講！呢個芋圓都算過得去，不過就有小小失望，芋圓唔算彈牙，仙草幾好食，加埋啲小丸子丶綠豆同埋其他材料，食落幾新鮮口感幾特別。不過最可惜既係佢唔夠凍，食落去會有小小失望，唔知點咁！我只能可以講話，未必會有下一次。

夜晚8點半去到 唔算多人 舖頭真係好細 而且d style都幾台灣feel d凳擺得唔整齊咁啦 喺收銀台叫左一個黑丸嫩仙草 一個寒天嫩仙草首先黎左一碗...然後就開始食 食到一半 第二碗都未黎 於是催一催佢 同時發現原來第一碗係芋圓嫩仙草 碗身有label 姐係落錯單 不過冇所謂啦 都食左... 差唔多材料姐其實...發現第一碗既表面有條眼睫毛咁既野...於是就咁挑左出黎... 食到一半發現有一條短頭髮 有個店員係短頭髮...感覺好無奈== 有d反胃... 於是飽飽地就費事食...味道唔錯 喺香港食到其實還可以 食木子既話 下面全部都係冰 如果換仙草會好好多！一般般 唔算差唔算好啦！ 睇你接唔接受到！

在好媽媽吃飽後，我們再到附近一間店食甜品，因為今晚是台味夜 XD，所以甜品就當然是台灣獨有的仙草﹑芋圓~場內有少少位置供堂食，估不到夜晚8點幾只有兩個客人，我們隨便選擇櫃台前的位置作安頓，用的是酒吧椅，坐上去較吃力。店內只有一位年青女生，收銀﹑弄食物都是一人處理，期後見到有位男士回來再入廚房煮食物，可能就是老闆吧﹖每款甜品的材料介紹都好詳盡，主要看自己想吃什麼配搭。除了甜品外，還有沙冰﹑刨冰﹑台式飲品提供，價錢都是十幾元到三十元，都算抵食。我吃的是芋圓嫩仙草$28，入面有大芋圓﹑地瓜圓﹑綠豆﹑珍珠﹑嫩仙草及奶油球，哇~原來份量都不細呢，在飽飯後再鯨吞此碗其實我都覺有點吃力...兩款圓都QQ的，芋頭及地瓜味道都吃得出來，綠豆煲到起沙，好味，而我超愛的嫩仙草是此款主食所以佔最多，我鐘意啜住黎食，甜度亦不會太重，整體都貼近台灣吃到的風味。食友要了黑丸Q嫩雙寶$30，入面有芋Q金薯﹑芋圓地瓜圓﹑紅豆﹑嫩仙草﹑愛玉及奶油球，有幸試了部份愛玉，好淡口，不夠在台灣吃到的那麼酸。每款甜品基本都配有圓子，食足一碗分分鐘可以當食了一餐飯呢。

每次到台灣都必定吃仙草，LULU完全被其獨特味道吸引住！近日黑丸嫩仙草登陸太子，即與朋友捧場試試！芋圓嫩仙草，大大碗，料多實在！當中包括鮮草、芋圓、地瓜圓、綠豆及珍珠！先加一顆奶球，拌勻配料食用！仙草吃起來Q嫩滑順，地瓜圓軟綿綿，越吃越散發地瓜香味～綠豆冰冰涼涼，感覺非常清新！