鮮芋仙 (V Point )

營業中

休息中

台式甜品唔係間間有保證好食。鮮芋仙就做得好出色。手工芋圓和經典豆花係鮮芋仙嘅招牌甜品之一。我哋揀咗冰芋圓4號和經典熱豆漿豆花1號加配料芋頭。冰芋圓4號(＄52) 除咗有芋圓同刨冰外，仲有芋頭，紅豆和珍珠。芋圓煙靭軟糯，有咬口又唔黏牙。 芋頭大大件，口感綿密，有少少芋泥嘅感覺，一啖 芋頭，一啖棉花冰，好配襯。 紅豆粒粒飽滿，煮得好腍不太甜，珍珠煙韌彈牙和芋頭紅豆口感上有強烈嘅對比。 一碗手工芋圓， 份量十足，兩個人一碗share分享， 綽綽有餘。 豆漿豆花1號($48＋$8)材料包括白玉湯圓和薏仁。 由於芋頭好好食，所以加一份芋頭配料。 豆漿不太甜，豆花 嫰滑，两者都有濃郁嘅豆味。 加埋白肉湯圓， 芋頭和 薏仁一齊食， 多重層次，口感豐富， 好好味。

依間芋圓甜品店間間分店成日都要排隊，要食就要早啲排。- 迷你白玉芒果冰 一年四季都要食冰 !!   叫咗個迷你版，已經好大碗，一個人食曬有啲難度。超多芒果，小丸子；沙冰就有芒果醬，煉奶，甜度都 ok。- 芋圓4號 ( 熱 )推介產品，有芋圓，芋頭，紅豆，珍珠，熱食就係紅豆湯。個人覺得芋圓係熱食會比較煙韌，同埋食到原本既味道。兩款甜品，一冷一熱，食得超滿足。

🧊招牌仙草冰沙 $48芋圓 仙草凍 仙草冰沙仙草凍份量多多 質地滑漏雖然帶微微藥材味但都係甜味為主下面就係冰沙 原本以為係碎冰加黑糖 因為食嗰時都無咩特別味道睇翻餐牌先知係仙草沙冰～雖然齋食無咩味道但撈埋其他配料依然好好味芋圓有大概20粒 每粒都煙煙韌韌絕不欺場女仔食哂一碗應該都頂到一餐🤣作為芋泥控仲加購咗份芋泥球芋泥綿密毫無顆粒感 甜度同芋味恰到好處唔會話甜度太高蓋過芋香味🍠芋圓4號 $48芋頭 紅豆 珍珠芋頭有兩大舊 口感鬆化綿密帶點軟糯 完全唔會硬邦邦紅豆唔係軟爛派 反而比較粒粒分明連皮熬所以香軟得嚟保留咬口芋圓同珍珠幾乎1:1比例超級有咬口 不停嚼嚼嚼包裝花奶可以按自己喜好添加加完味道無咩大變化 口感亦好似差唔多不過顏色就會唔同好多 可以自行決定😅🧋仙草4號 $48芋頭 紅豆 珍珠呢款同上面芋圓4號材料大概一樣唯獨係芋圓變咗仙草

一間Chill媽好鍾意食嘅台式甜品成日都好想帶小朋友去試吓今日就順晒路啦！就係「鮮芋仙」佢哋嘅甜品超級大碗🌟 芋圓4號 $48有芋頭、紅豆🫘、珍珠、芋圓配上冰底芋頭夠淋，紅豆甜甜哋，珍珠、芋圓煙煙韌韌，甜度適中👍🏻🌟 招牌仙草冰沙 $48 + $4珍珠有仙草、芋圓配仙草冰沙，冰沙是比較綿綿的，鍾意食仙草嘅仔仔好鍾意呢款👍🏻食完透心涼

午飯時間經過鮮芋仙，見到不用等位，就提議內進吃份甜品，消消暑氣。難得的不用排隊候位，所以這也是我第一次嚐鮮芋仙！毫無疑惑的選手工芋圓，總共有6款，每一款都有珍珠，決定從推介的3款之中揀選，最終選了芋圓4號。另外兩款配料是芋頭及紅豆，凍食的基底為刨冰。雙色芋圓及珍珠的份量充足，兩者都好煙韌，珍珠的甜度恰好，芋圓帶淡淡芋頭香氣。紅豆不夠綿密。芋頭有兩大件，軟糯微甜。刨冰也有澆上糖漿，整體味道不會太甜，質感比起冰沙稍微硬些。招牌仙草冰沙，最底層是仙草冰沙，鋪上仙草凍，面層有十多粒雙色芋圓。仙草凍加上仙草冰沙，味道十足！冰沙質感容易入口，仙草凍夠滑溜～～兩款甜品的味道不錯！惟店內冷氣幾大，吃完冰品後就更覺凍，即使沒什麼客人在內，也沒多逗留了！

铜锣湾店一直都很虚冚，每次经过时都见到门外的人在轮候，试过几次都吃不成。中午十二点多路过时店内外都没有，趁机进去吃糖水。客人是逐渐地增加，幸好找座位没有什么大难度。可以在收银处拿到餐牌，研究过后才去落单。付款完后稍等几分钟就可以拿了。点的是芋圆4号，除了招牌的芋圆，还有红豆和芋头，冻食加了冰沙，这款是菜单上有推荐的，看来卖相相当不错。个人认为几款材料中的芋头最好吃，芋头很粉很香，吃完还有点意猶未尽。吃到最后时溶化的冰会变成糖水，跟红荳一起吃会更好吃。离开时已经开始有人在等座位，下次还是早点来。

今日突然心血來潮好想食芋圓😜⋯⋯咁都聽過呢間話幾出名⋯不過要排隊⋯排左20分鐘啦我諗⋯⋯好多款式揀⋯好多款都好吸引⋯每款都有芋圓⋯⋯我見到佢有個麻薯個個好似好正咁⋯不過太大碟所以都係叫一人一款可以試多個口味⋯⋯佢地係自助形式⋯即自己叫自己拎⋯芋圓4號⋯⋯我諗係最出名⋯叫凍就會係咁沙冰⋯應該係黑糖沙冰😍 初初一見到以為點解咁乾嘅⋯不過後尾佢啲冰溶溶地就愈後愈正⋯😋😋 只係舊芋頭大粒左啲囉⋯如果佢地砌佢成一口咁就應該好好多⋯⋯（成日都覺得餐廳只係做多少少就加好多分）⋯朋友叫左招牌豆漿豆花⋯豆味非常重！而且唔算甜⋯鍾意豆花嘅人會好推介⋯豆花都滑🤩

之前在深圳吃過後一直未有機會再去，香港開了幾間分店，本來以為隔了一段時間不用等這麼久，結果到現時晚上10 點後排隊起碼等40分鐘～芋圓4號 $49這麼多款芋圓配搭我最喜歡還是4號（後來發現我每次都是叫4號）。這款的所有食材都是我喜歡的，有芋頭、紅豆和珍珠，糖水底偏甜，和彈牙軟糯的芋圓一起吃剛剛好，芋頭很實在而且不會太甜，我反而覺得紅豆實在太多，而且碎冰不要融這麼快會更好。招牌仙草冰沙 $45朋友只喜歡吃芋圓，所以選擇了沒有其他配料的仙草沙冰，所謂招牌仙草的確是爽甜，冰冰的感覺很下火，最大特點就是可以感受到這裡的芋圓是何等地大！

之前已經嚟試過一次，覺得幾好食所以一直都想再試😆不過每次經過都見有好多人排隊所以放棄咗😖今日經過嘅時候都見有人排隊，原本諗住都放棄，但突然見到有幾枱同時食完出咗嚟，所以即刻衝咗去排隊，等咗幾分鐘已經入得🤪• • • • •🧚🏻‍♀️招牌仙草沙冰🧚🏻 [$45]食之前可以落埋附上嘅奶油球先，可以令到仙草食落更加香滑😌招牌手工芋圓真係幾好食，食落煙韌又彈牙🤓中間係一層滑嫩嘅仙草😜最底層仲有仙草冰，有淡淡嘅仙草味，幾特別❄️成碗加埋都幾有層次感😉.🧚🏻‍♀️芋圓4號🧚🏻 [$45]如果叫凍嘅話基底會係刨冰，熱嘅話湯底會係紅豆湯，因為已經叫咗個招牌仙草沙冰，為咗養生啲唔食太多凍嘢，專登叫咗個熱嘅芋圓4號嚟中和返🤣佢嘅紅豆湯甜度啱啱好，仲要冇陳皮味，所以如果平時食紅豆沙唔鍾意陳皮味嘅人應該會幾鍾意佢嘅紅豆湯🤣佢入面有兩大塊芋頭，口感綿密😛仲要有好多紅豆/珍珠/芋圓，好足料👍🏻.🧚🏻‍♀️花生麻糬🧚🏻 [$8/1]本身諗住叫哂芝麻麻糬同花生麻糬，但芝麻麻糬已經賣哂，所以唯有試咗花生麻糬先🙈花生麻糬好好食！😋麻糬嘅外皮雖然厚厚地，但食落好煙韌🤓入面嘅餡食落好滑，好似花生醬咁嘅味🥜成粒一齊食好夾🤤• • •

每次食完飯唔食返個糖水硬係覺得爭啲嘢😙😙😙，雖然喺銅鑼灣選擇有好多😌但要數食芋圓，一定諗到鮮芋鮮🥄平時大排長龍👥👥👥👥嘅鮮芋鮮，最近人流都冇少到，隔枱嘅措施坐得疏落啲，可能要排耐少少，但坐落感覺舒服過以前😊🥄招牌鮮草沙冰 $45🥄冰芋圓4號 $45兩款都係鮮芋鮮招牌糖水🌟，芋圓煙韌有咬口，真係食唔停口😋😋好鍾意芋頭嘅朋友（我🙋🏻‍♀️），必點冰芋圓4號🥄，有齊芋頭同芋圓，配料有紅豆同珍珠，但美中不足今日嘅芋頭唔夠腍好生咁。而另一款招牌鮮草沙冰🥄，岩哂想健康啲朋友，女仔始終唔好食咁多凍嘢嘛，仙草凍係基底，配料都有芋圓同仙草沙冰😋

台灣人氣連鎖芋圓甜品店 - 鮮芋仙芋圓4號 - 芋頭、紅豆、珍珠揀咗熱食外賣，芋圓嘅芋味唔算重，煙韌有咬口，反而地瓜圓好香、味濃，仲有兩大件芋頭，粉香鬆化，芋味濃厚。最鍾意佢個紅豆湯底甜度適中，微微起沙，好吃、好吃！份量好足，兩人share食就啱啱好呢度標榜招牌全手工製造芋圓，用料天然、新鮮，不添加色素、香精與防腐劑；網上資料介紹「芋圓、鮮草汁和冬瓜茶等配料從台灣做好後，再急凍運到港店。芋圓煮好後只放一小時，用不完要全掉，確保出品全部煙韌好咬！」冰芋圓系列︰基底為刨冰熱芋圓系列︰湯底為紅豆湯

朋友一早話想試銅鑼灣新開既芋圓店，聽聞佢地既芋圓是由台灣中央工場手搓制作，然後直送香港鋪即整，呢個噱頭吸引我們特意前來。由於我們不熟呢間鋪既位置，都行左好多冤枉路，建議想試新野既朋友最好做定功課，不要像我們這樣即興🙈。最終，我們發現原來位於登龍街18號upoint 地下。當時，店舖内人流幾乎95%滿，可能又剛巧放工時間，特別多人。幸好，我們都揾到坐位坐下，再慢慢㨂食物，再到櫃枱點餐，自己攞餐。食物方面，我們點了芋圓4號（無記錯的話，因為太耐之前😂），佢芋頭、紅豆、珍珠和芋圓，食落口好有口感，好嚼口，但有少許林林地，和有點膩；另外可以加八蚊換粒甜品，我地換左花生麻糬和芝麻麻糬各一粒，試試咪，我比較仲意芝麻味😍；本身綠茶控的我，試左珍珠鮮奶綠茶（$32），奶咪好重，但飲唔到綠茶味🍵，失望😞！現場環境有個大電視，我以為播放其他節目供客人消磨時間，原來係不斷重播鮮芋店的芋圓由台灣手工制作，再真送香港既賣點呢！最好，我地因為share食的關係，埋單不用200元

行下街想食糖水，想到附近有一間台式甜品店，名叫「鮮芋鮮」，地點：銅鑼灣登龍街18 號。來自台灣的連鎖店「鮮芋仙」聽説十分出名，在台灣當地十分有人氣，在銅鑼灣開香港首間分店便引起一陣熱潮，日日排長龍，當時我也到訪嘗鮮排了半左右小時。主打招牌全手工製造的手工芋圓、仙草和麻糬等甜品，近日更在荃灣和屯門各開分店。堅持採用天然食材現煮現賣。我食了3次，今次是第四次了，由芋圓1號、2號、3號、到今日是4號材料有芋頭，芋圓、紅豆和珍珠非常豐富。芋頭仍然好好食入口軟糯，口感綿密、香濃不愧是招牌，芋圓沒有了先前食到的煙韌Q彈有咬勁，變得好一般軟身無味，有點失望。紅豆湯煮得夠爛喝起來感覺沙沙的，糯糯的，甜甜的好好喝。

這間芋圓甜品店在國內是非常有人氣的，在香港第一間分店，當然要來潮聖星期五晚上，來潮聖的人多得很，店內要自己找位置，人迫人，有些有枱沒有椅子，環境十分混亂。幾經辛苦終於找到位置，但要和陌生人拼枱我和朋友剛吃完晚飯，而且這裡的芋圓份量多，所以我們只點了一個熱的芋圓4號。芋圓4號有芋頭，芋圓，珍珠的紅豆湯芋頭是很粉，也很有芋頭味。招牌芋圓亦不過不失，都很有口感。但珍珠便煮得過頭，偏腍價錢差不多是國內的兩倍。味道是不錯的，但環境真是太迫，未必想再來

今日跟朋友到銅鑼灣吃甜品，來到登龍街，見到排晒長龍，原來有一間台灣好出名的甜品店，「鮮芋仙」，這間鋪最出名就係芋圓。店內位置空間寬闊，等了大概10分鐘，終於有位了。我叫了一碗芋圓4號，分量充足，大大碗的，裏面有芋頭，紅豆和珍珠，其實中間是沙冰為主，沙冰裏面放了一種蜜糖醬，美味可口，夏天吃一碗沙冰真的很爽。雖然是一碗冰凍的沙冰，但是芋頭放在上面是熱的，感覺非常驚喜，芋頭給我的感覺新鮮，應該是剛剛蒸好出來的。我個人十分喜歡吃紅豆，所以一看到紅豆我就不斷吃不斷吃。而珍珠是用台灣用來做珍珠奶茶的那種珍珠，細細粒的。總括來講，份量十分足夠，我認為可以兩個人分享一起吃，這餐十分滿意！