犀牛犀牛 (沙田廣場) (已結業)

難度指數5**題目🍞：#餐蛋治 同 #肉鬆芋泥吐司 擺喺你面前，你會擇邊樣？🔹芋泥肉鬆蛋吐司🔹$40以靠樣搵食嘅吐司店嚟講，可以再組裝得好啲，個賣相唔係好凸出到佢餡料迫爆嘅視覺效果的確好足料，不論係肉鬆定芋泥都多到灑晒出嚟，咇到食張紙都係，進食過程中 現場畫面一遍狼藉🦧可惜佢個質素唔得🤥 芋泥芋頭香好很淡，連香精味都冇。冇顆粒感，偏向似醬嘅質地肉鬆就正正常常，冇特別鬆脆香口或肉味濃郁蛋其實可以唔存在，宜家有格格不入嘅感覺🧐

住喺沙田嘅Ball成日都覺得食來食去都係個幾間，毫無新意。不過最近沙田廣場裝修完成，有好多外賣食店都進駐左喺個到。咁岩又睇到IG Post介紹其中一間，所以就專登去個到睇下有咩野好食。.今次要介紹嘅係一間台式吐司、捲餅專門店——犀牛犀牛。舖頭以黃色作主調，配搭木製家具，營造一種柔和、舒服嘅氣氛。店內最大特色係運用仿青花瓷圖案嘅瓷磚牆，牆上掛上舖頭名稱，突顯舖頭次餘，仲十分吸睛。.作為一間台式吐司、捲餅專門店咁梗係要試吓佢地嘅吐司啦！所以，Ball就試左佢地嘅芋泥肉鬆蛋吐司。吐司採用湯種麵包，口感比普通麵包鬆軟、綿密。香口肉鬆加上幼滑芋泥，不但食到肉鬆嘅鹹香味，又可以食到芋泥嘅香甜味，簡直係絕配。再加上香濃蛋香，令味道都昇華。不過，如果芋泥再多番少少，咁就有多啲滿足感。.不過提提大家，因為吐司貼捲餅都係即叫即整，所以等候時間會比較耐。同埋朋友都話捲餅都好好食，大家不妨可以上網搵下邊間分店近自己，然後去試吓。

睇個名真係唔知係賣咩，其實佢主打台式輕食，即係蛋餅、吐司等，當然唔少得台式飲品啦！🌖J3 芋泥肉鬆蛋吐司🍞 $35擁有多重口感及味道，可以encore❗️芋泥香甜軟滑；肉鬆鹹中帶甜，唔會有太多結塊吸乾口腔水份，與芋泥緊密連結；雞蛋為吐司加入咬口，同時減輕芋泥甜膩嘅感覺；吐司上嘅醬汁唔會太突出太刺激，完美將食材合為一體🤩。🌖凍伯爵歐蕾 Combo set +$20Combo set 可配$30以下飲品，由明治4.3鮮奶製成，口感順滑。🌖S3 鮪魚生菜沙律、F4 香脆薯波 Mega Combo Set +$18Mega Combo Set 嘅沙律🥗份量真係唔野少，唔係剩係得個盒，除左生菜仲有好大球吞拿魚、車厘茄🍅同粟米粒🌽。沙律以外仲有份細嘅香口小食，呢$18 都算幾抵👍🏻。

呢間小店都開咗一段時間，終於有機會試試佢🤣今次美食平台叫外賣🤤首先叫咗我最愛嘅芋泥肉鬆蛋吐司($42)🍞呢一個芋泥比較淋身，芋味唔夠濃，我就覺得唔夠香～加上我覺得個多士好似冇乜烘過，比較軟，爭少少口感～不過滿滿嘅肉鬆同埋塊蛋又幫佢加返少少分🤣拉返勻就一般般啦～男朋友叫咗起司薯餅蛋餅 ($38)🥚蛋餅整得好香，入面啲芝士都幾多～薯餅雖然包喺入面，但都仲保留到香脆感☺️所有嘢夾埋一齊食都幾爽🤣另外叫咗杯黑珍珠岩鹽厚鮮奶 ($43)🧋睇個名覺得會好甜😂所以叫咗微甜～飲落覺得好有驚喜！😳奶味好香，飲得出唔係奶精，而係濃厚嘅奶～珍珠煮得好煙韌，好好咬～岩鹽味好出，成杯嘢飲係鹹鹹哋嘅🤣雖然好飲，但飲完一大半開始有啲滯，兩個人share飲啱啱好👍🏻價錢合理，地點方便～必飲嘅就係杯嘢飲喇🤣*以上係美食平台價錢☺️