鮮芋仙 (荃新天地)

營業中

休息中

Intro: 呢間一定係人都識，全港仲好多分店😝而佢嘅芋圓冰出名大份，夠哂兩個人share，絕對係消暑嘅地方！___________________🍽 芋薯圓/布丁Q麻糬牛奶冰💰58 （兩人份量）✍🏻 份量勁大，啖啖冰都充滿牛奶味✍🏻 多款芋圓、仲有啫喱紅豆，雪糕✍🏻 芋圓好煙韌，裡面仲有餡✍🏻 食到最後出哂水，會變淡左✍🏻 另外一份嘅布丁就好重藥水味，建議食番最原始嘅味道___________________🏠鮮芋仙📍荃灣楊屋道1號荃新天地一期地下G46號舖⭐️Score: 8.5/10

🔔!!!!!!!!HA醫護8折!!!!!!!!!!🔔（記得帶職員證👍🏻🤪）-《芋薯圓Q麻糬牛奶冰》$58🍧第一名：麻糬 🍧係成兜嘢最好食😭好食到會成日掛住！！煙靭程度100分！🍧第二名：冬瓜凍🍧食落有啲似愛玉，但更硬身d，有啲似啫喱糖🍧第三名：小芋圓🍧同普通芋圓差唔多只系細粒啲，感覺似食緊珍珠🤔🍧第四名：芋薯圓🍧望落去勁似咖喱魚蛋🤣中間個餡啲芋頭唔係綿滑嗰種，而係仲有d一粒粒嘅。個人來講麻麻哋🙈🍧扣分位🍧個冰太死甜，又唔係錦錦冰嗰隻🙈基本上台台都食淨個冰lollllll回頭率：🍧🍧🍧🍧/5幸福感：🍧🍧🍧🍧🍧/5飽肚感：🍧🍧🍧/5👉🏻簡而精咁形容：煙靭控表示超級無敵無敵無敵滿意🥹-《抹茶布丁》$8抹茶味好濃，又唔係好甜，超級動L！唔錯👍🏻 btw抹茶味好食過原味好多！回頭率：🍵🍵🍵🍵🍵/5幸福感：🍵🍵🍵🍵/5飽肚感：🍵/5👉🏻簡而精咁形容：值得一試🍮-Ps拎嗰陣個雪糕跌咗落個盤度，然後店員好好！即刻主動補番個雪糕俾我哋💗🥹𝕊𝕥𝕒𝕣𝕥 𝕗𝕣𝕠𝕞 𝟙𝟟/𝟘𝟜/𝟚𝟘𝟚𝟚😛

.📍鮮芋仙📍#饅頭去荃灣 #饅頭食台灣菜 #饅頭食甜品 一間難得嘅連鎖但質素唔錯嘅甜品鋪，比起一碗芋圓糖水，小編更偏愛嗌牛奶冰，大大份可以同朋友開心share😆。------------------------------芋薯圓Q麻糬牛奶冰 ($52)友人稱之為食耐咗個人會越嚟越凍嘅牛奶冰😂，大大份3個人食啱啱好，唔錯幾抵食。牛奶冰同焦糖牛奶雪糕都有奶香 ，不過冰食到落底就有水溝奶味，雪糕味道偏甜，加埋焦糖嘅關係，顯到牛奶陣味濃郁得嚟又有D假🤔，個人覺得可以再冰打碎少少。至於白麻糬口感同糯米香都冇得挑剔😋，外層有少少粉，咬落去煙韌得嚟唔會黐牙，但係黑麻糬嘅黑糖味對我嚟講太甜🤦🏻，甜到又假又漏要食冰中和翻嗰隻，點解黑麻糬同白麻糬味道可以差咁遠。迷你芋圓中規中矩，勝在唔太甜，食落去就分唔清芋圓同薯圓；反而包饀芋圓口感唔錯😍，好似食緊湯圓；芋泥饀夠粉溶，芋頭香味突出❤，甜度適中；再配埋甘香Q彈嘅寒天，口感好似食緊硬身少少嘅果凍咁，非常滿足。------------------------------整體評分：7.5/10小編回頭率：6.5/10

💛鮮芋仙分店越開越多都係第一次係香港食🥴覺得係唔錯既芋圓類糖水而且份量都幾大兜下～連鎖形式較多分店 想食甜品可以一戰❣️————————————————————————💛芋薯圓Q麻糬牛奶冰 $52😋：7/10想講佢配料同冰份量都好多下～絕對夠晒兩個人開心share!芋薯圓即係包心芋圓都幾有芋頭味而麻糬好煙韌！而且佢有兩款味原味就係甜甜地咁 黑糖個味好出下小芋圓雖然細粒但一次不一匙食都滿足而冬瓜凍幾清香雪糕係最好食😂好重奶香味又夠濃而牛奶冰底係較甜既花奶甜度好似以前飲果啲旺仔牛奶lol初初食都還好 後來越食越甜不過牛奶冰通常都係咁🤷‍♀️💛招牌仙草沙冰 $45😋：7.5/10呢個視覺上係比較失色😂料唔多種 得芋圓、冰同仙草但我覺得呢個食落冇咁甜清清地都唔錯🥴仙草幾清香 而撈埋一齊冰底都好夠味芋圓份量都ok都係大路既芋頭同番薯味但就唔算係好濃味 但唔會食唔出味不過口感都幾好 幾有咬口雖然佢都係幾大兜下但呢個相對上就冇咁抵食————————————————————————🍨🍧🍨🍧🍨鮮芋仙💸：人均～$50📍：荃灣楊屋道1號荃新天地一期地下G46號舖🔗其他分店：✔️銅鑼灣登龍街18號V Point 地

今日專程去荃灣荃新天地入面嘅鮮芋仙食番個「芋薯圓W麻糬牛奶冰」及「招牌仙草沙冰」。芋薯圓Q麻糬牛奶冰份量十足，大碗到可以2-3人share，味道濃郁。沙冰質感軟棉棉，配上雲呢拿雪糕再加上芋圓及麻糬煙煙韌韌，好有口感。招牌仙草沙冰，仙草味香濃嫩滑，加上煙煙韌韌芋圓，甜品控必食。

芋薯圓Q麻糬牛奶冰 $52牛奶冰旁邊伴著芋薯圓、小芋圓、Q麻糬、冬瓜凍😍，上面再加上一球云呢拿雪糕，就咁望到已經令人垂涎欲滴🤤~先講下牛奶冰，食之前仲有啲擔心只係係冰既頂層淋上煉奶，而下面既冰會好淡。但呢度既牛奶冰每一啖都食到淡淡牛奶味，再加上頂層淋上既黑糖醬，恰到好處、甜而不膩。不過略嫌部分冰比較大舊，不夠綿密💁‍♀️Q麻糬有原味同黑糖味，軟彈煙韌、不黏牙。黑糖味非常濃郁，而且唔會過甜👍冬瓜凍亦有驚喜！平時冬瓜茶就成日飲，但將佢變成果凍食真係第一次。冬瓜凍爽口微彈，入口后淡淡冬瓜茶味隨即而來😛而湯圓般大細既芋薯圓則係由芋頭做既皮包裹住番薯餡，一啖可以同時品嘗到芋頭番薯。兩者唔會搶左對方風頭🍽整體黎講，佢真係好大碟🙊建議起碼兩至三個朋友一齊分享，唔係會食唔晒🤣 另外，夜晚食完飯大概七點幾八點開始有好多人排隊。我地大概排左半個鐘先可入座💁‍♀️溫馨提示: 係門口點餐、俾完錢先可入座~

四個女仔食完晚飯，梗係要去食甜品啦~芋薯圓Q麻糬牛奶冰 $52 (👅 6/10)麻薯口感煙韌，整道味道還可以。不過沙冰並非牛奶冰，比較似普通沙冰，而且個人認為刨得太粗粒。完全被賣相吸引，無想像中好食。招牌仙草冰沙 $45 (👅 8/10)仙草夠滑，冰沙夠綿，芋圓夠香夠煙韌。值得食! 。。。。。。。。整體: 味道 6/10 | 抵食 8/101 - 4 分: 不好食、有進步空間、唔抵食5 - 7分: 中規中規、價錢合理8 - 10分: 有驚喜，想再幫襯Follow IG: foodiein_______

🥢 芋薯圓Q麻糬牛奶冰 $52呢個牛奶冰有齊鮮芋仙特別嘅煙韌配料：芋薯圓、Q麻糬、冬瓜凍同埋小芋圓😍 好濃嘅牛奶冰上面仲有一大球雲尼拿雪糕，再淋上煉奶+糖漿，好正👍🏼牛奶冰嘅冰粒有少少太粗，食嘅時候會咬到一粒粒，好似食得無咁爽😣 但係佢嘅配料真係好正！芋薯圓係好似湯圓咁，係蕃薯圓包住芋泥，有雙重口感～Q麻糬有2隻色，白色係牛奶味，黑色係仙草味，兩款都咁煙韌，不過個人覺得牛奶味有啲太甜，仙草味就比較香同埋無咁膩😋小芋圓就有啲太細粒，所以係好食到芋頭同蕃薯味～冬瓜凍就係硬身啲嘅冬瓜茶味啫喱，相對上light d。牛奶冰份量超多，再加埋好多款配料，真係最少2個人先食得晒🤣 •🥢 招牌仙草冰沙$45招牌仙草冰沙有芋圓、仙草同仙草冰沙，奶係另上的，可以隨個人喜好落幾多。鮮芋仙嘅芋圓真係暫時食過最好食嘅芋圓！😍口感煙韌Q彈，而且食到芋頭/蕃薯嘅粒粒，唔係其他地方食到就咁一舊有芋頭/蕃薯色嘅粉團。仙草好軟滑，仙草味濃得嚟一啲都唔苦🤩第一次食仙草冰沙，冰沙磨得夠細，所以唔會咬到一粒粒👍🏼不過以一人份嘅甜品嚟講，呢個有少少貴😣

🏹芋薯圓Q麻糬牛奶冰🏹牛奶冰既份量好大好足料, 有黑白⚫️⚪️麻糬,小芋圓,芋薯圓 ,冬瓜凍,雪糕🍨全部都勁有咬口🤣, 小編就幾鍾意食小芋圓細細粒,好煙韌,好好咬, 不過食唔出個味道😕😕冬瓜凍:冬瓜茶既味道芋薯圓:似湯圓, 內係芋頭餡 Q麻糬: 4黑4白 食落應該係黑糖同原味😄😄🍨雪糕上面放左啲煉奶, 最岩夾埋啲冰一齊食😋😋😋兩個人食都食唔晒D冰,4個人就應該差唔多😂😂😂😂

食完晚飯見唔夠飽，就諗起荃灣都開左一間鮮芋仙，想食好耐喇，所以就決定同朋友一齊黎試一試啦。 我地嗌左一份芋薯圓Q麻糬牛奶冰，諗住嗌住一份先，唔夠先再嗌其他。等左一陣就出餐了，好快手。 芋薯圓Q麻糬牛奶冰 $52 嘩，個餐既份量好大好足料，裏面有黑白麻糬，芋圓，小芋圓，冬瓜凍，雪糕。麻糬同芋薯圓煙煙韌韌，好有咬口，小芋圓就細細粒，好好食亦好有番薯味同紫薯味，冬瓜凍就冰冰涼涼咁咬落爽口。依到啲食物都唔會太甜，仲有一球雪糕，但個冰底就比較甜，所以夾埋黎食就岩岩好，而且份量都幾大，可以同朋友一齊分享就岩岩好👍🏻

#double👧🏽👧🏻吃在荃灣-【#煙韌控 🧡芋圓🤤 • 鮮芋仙】..#🥭👧🏻-🔻芋薯圓Q麻糬牛奶冰🍧 ($52)<芋薯圓+小芋圓+Q麻糬+冬瓜凍>呢個甜品好適合煙韌控😎 全部都勁有咬口🤣夏天食超正😍❄️❄️❄️👧🏻就幾鍾意小芋圓 細細粒好Q冬瓜凍 味道似冬瓜茶🙈冰底加咗啲煉奶上面放咗雲尼拿雪糕🍨芋薯圓 似大粒版芋圓 入面有芋頭餡 暖暖的幾得意麻糬有黑白兩隻色 應該係黑糖同原味🤪建議兩個人share一份🤭如果唔係會食唔曬~⭐評分：8/10－－－－－－－－－🏝環境：7/10🛋服務：7/10💲價錢：8/10💥翻兜指數：7.5/10-🍴餐廳名稱：鮮芋仙 (荃灣店)📍地址：荃灣楊屋道1號荃新天地一期地下G46號舖-🔎食物種類👉🏼#double_甜品🔎菜式類別👉🏼#double_台灣菜🔎選擇口味👉🏼#double_甜-#double_official #double_兩姐妹#🍋👧🏻#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie

不斷有人排隊 好多人揀外賣 堂食都有八成爆 坐得幾舒服 雖然好多人 不過店員都幾快手 等左5分鐘左右*第一次食 所以揀左招牌的芋薯圓Q麻糬牛奶冰$52攞左牛奶冰的第一樣要做嘅野就係打卡！🍧有煉奶同糖醬淋喺面 份量唔多 啲冰食到最底係單純的水味🍨牛奶雪糕 似雪芭 唔係雪糕咁滑嘅質地 味道似雲呢拿同牛奶味的混合味🍠芋薯圓 五粒似湯圓的波波 外表係蕃薯圓 煙韌好食 裏面係芋頭蓉 感覺好新奇🍠小芋圓 煙韌 不過太細粒 食唔出有芋圓味🍧Q麻糬 有八碌 四紫四白 食落好似係一樣味 或者係我食冰食到牙凍冰冰 食唔出分別😂🍧冬瓜凍 冬瓜茶但係係凍L版超級大份 2個大食的人share啱啱好(偷食左隔離碗仙草 好食好動L 試左粒正常size的芋圓 同迷你版唔同 食得出有味)

其實已經好少係香港食芋圓，因為次次食親都係失望。但係今次聽到唔少人都大讚呢間鮮芋仙，所以夜媽媽又餓餓地就試吓啦。店舖內雖然都有唔少嘅座位，但係都座無虛席，而且排隊嘅人龍都唔短。我地排咗差唔多十分鐘到就落到單啦。始終製作需時，叫完嘢食員工就比個咇咇機我地返位等，等佢地整好再出嚟取餐。雖然當日好凍，但都阻止唔到我地想食牛奶冰嘅決心！呢個芋薯圓Q麻糬牛奶冰有啲大粒嘅芋圓，亦都有啲細細粒嘅。另外都有啲類似椰果粒嘅粒粒，仲有啲黑色黑糖麻糬同埋白色嘅牛奶麻糬。啲冰同雪糕都有好濃嘅牛奶味，完全係真材實料嘅。Q麻糬雞蛋布甸拼盤就無咩特別，啲麻糬加咗少少粉咁樣仲乾身，不過個雞蛋布甸就好厚料，上面仲加咗啲珍珠。除非係好想食雞蛋布甸，如果唔係有其他更好嘅選擇。之後我地仲叫咗個熱芋圓4號，其實姐係熱紅豆湯，入面有紅豆、珍珠、芋頭。紅豆同珍珠都係正常發揮，而啲芋頭就好出色！芋頭好粉，食落有入口即化嘅感覺，同紅豆湯好夾！如果無咁多quota食哂咁多樣嘢，又或者係第一次嚟食嘅話，十分推介食牛奶冰！覺得連我自己以後每次嚟親都會係一樣必點嘅Item