鮮茶 (已結業)

今日經過深水埗見到黃金電腦商場對面開咗間新嘅飲品店，見個門面幾靚，又行到熱辣辣，一於試下。店員好有耐性咁介紹唔同飲品俾我哋，見佢有鮮果茶、芝士奶蓋、珍珠奶茶、沙冰、蘇打，同朋友一共叫咗三杯野飲：芒果乳酪沙冰、柚子蘇打同古早味鳳梨四季春，全部都叫咗半糖。芒果乳酪沙冰🥭推介推介👍🏻👍🏻👍🏻 今日超級熱，出街行兩步已經成身汗🥵 咁熱嘅天氣最適合飲沙冰，呢個芒果乳酪沙冰好濃芒果味，每啖都食到一粒粒嘅芒果肉，以$36呢個價錢好抵飲，消暑一流，爽！柚子蘇打超級解暑，完全係透心涼，飲落唔覺得甜。柚子味好香，感覺清新。另外，杯底有柚子粒，增加口感同香味。飲之前將整杯搖匀，果肉配合強烈嘅梳打汽泡，加上本身又唔算好甜，令人係炎炎夏日，好想飲多杯！古早味鳳梨四季春🍍飲得出係用新鮮菠蘿整，茶底濃郁，甜酸度同茶味配搭得宜，配合幾片薄荷葉，飲完杯野仲有超多菠蘿肉喺底😌雖然附近有好多類似飲品店，但感覺呢間小店用心製作，亦真材實料，實在驚喜，如果經過深水埗不妨一試！😋

好熱好熱 呢排日日都係30幾度 ！🥵就黎熱死🥵我啦  行過深水埗果陣熱到小妹個背脊出晒汗啦 ！💦突然見到前面新開咗間新嘅茶飲店 叫做 Simply Tea ！見個鋪面同設計都幾得意吓 所以就行入去睇吓見到Menu 咁靚 即刻睇下有咩好飲 ！呢間茶飲間平價格都係20 幾 30 蚊 ！絕對係平民價添啊！😋再睇吓啲沙冰！ 竟然有我最鍾意嘅芒果🥭乳酪🧀️沙冰🧊 緊係即刻Try Try 佢啦 都只不過係36蚊！🤑俾完錢後，店員都好快手咁沖完俾到我 （大約都只不過係3分鐘，都算快手啊！）一放支飲管落去！再一吸 ！嘩 ～～ 果種 冰涼嘅感覺即刻湧曬上嚟啊！而啲芒果味都幾濃！鍾意芒果嘅我勁鍾意啊！😽同埋佢啲果肉都好多！好有咬感！而成杯沙冰嘅比例都啱啱好 ！ 甜度都啱啱好 ！唔會太甜！唔會太會淡！呢杯芒果乳酪沙冰 我覺得可以俾到8.9 高分俾佢 ！🤗首先價錢平民 ！味道一流 ！再埋最緊要係佢出餐速度快 ！呢排咁熱 大家知去到SSP 可以叫咩飲啦！