諾亞半熟蛋糕專門店 (已結業)

鐘意試新野既媽媽生日，之前已經試過雪糕蛋糕,3D蛋糕呢D得意野，今年見屋企附近有間諾亞開左響當眼位置但又一直都無試過，所以今日就決定買個蛋糕俾媽媽當驚喜。一早12點黎到,玻璃櫃已經放滿曬不同種類既蛋糕，呢間野最出名既係半熟蛋糕，但我忍唔住被佢既溶心芝士蛋糕吸引住，芒果同士多啤梨既賣相都非常吸引，因為屋企人比較鐘意芒果，所以最後我揀左芒果溶心芝士蛋糕($138)細心既店員突然問我幾耐番到屋企，原來係佢會因應你番到屋企既時間長短而準備乾冰，呢度係一個鐘既份量。店員之後將蛋糕放上乾冰後蓋上盒子。估唔到盒上有貼心提示教你食用方法~!登登登登!番到屋企急不及侍開黎睇下有冇溶左，見到蛋糕好完整就成個人都放心曬。蛋糕一切開既時候可以見到最上層充滿芒果肉，芒果味道非常香甜，蛋糕方面，我建議大家先把蛋糕解凍，我放左半個鐘先食，有入口即溶既感覺，非常creamy, 芒果既甜味夾雜著芝士味道，十分配合而不會令人有飽滯既感覺，如果最底層既朱古力蛋糕可以變為脆脆口感應該會更加好!不過依家已經好好味!一個蛋糕足夠一家四口分享，媽媽都大讚話要encore~~~未溶曬既蛋糕，記得要解凍呀!

老婆想打邊爐見係星期日放假，我就落去九龍城買料等佢開心下。買完野之後見到侯王道有間蛋糕店好多人買，我都過去望望先。咁多人買，天氣又咁熱，買翻個翻屋企食先，睇左好耐，有好多選擇。朱古力，香蕉，芒果等等，好多都想試。最後都係買左老婆至愛，芒果溶心芝士蛋糕（$138），佢又中意芒果，又中意芝士蛋糕。Order完之後，店員會問您幾耐先翻到屋企幫您加乾冰，好細心。另外包裝都好精緻，又夠cute。味道方面，都幾特別，餅底係朱古力味海棉蛋糕，薄薄既一層，芝士味唔算好濃，邊位較硬，中間有溶心感覺。頂層既芒果都算多，而且仲好甜，全部野加起黎，無一般芝士蛋糕感覺咁肥。蛋糕唔算太大個，可以俾4至5個人分。計落都幾抵食！