After You Dessert Café (已結業)

一去到登龍街 已經有人龍排Afteryou條隊唔算好長 同埋不停有人食完出嚟 所以條人龍都去得幾快我哋等咗差唔多15分鐘就有位入到去落單之後 收銀同我哋講要等大約20分鐘食物泰式奶茶刨冰 $138我哋等咗冇幾耐之後個泰式奶茶刨冰就上regular size兩個人 share 啱啱好面頭鋪咗一浸Yogurt味嘅cream 下面係好綿密嘅刨冰 每一啖都係濃濃嘅泰式奶茶當我地越𢳂越入嘅時候 就發現入邊有啲不知名配料 食落係好似浸林咗嘅麵包粒咁 係平時方包切粒嘅感覺 咬落去微酸微鹹另外仲有涼粉喺度 個人口味兩種配料似乎都唔係好夾個甜嘅刨冰芒果糯米飯吐司 $128就係普通係吐司上面既芒果糯米飯 加兩球芒果&椰子雪糕有一點令我食落唔太舒服就係 佢個兩層吐司中間夾住鹹既牛油同其他甜既食物(芒果糯米飯&雪糕)都唔太夾而且食落好膩唔知呢種鹹甜配搭係咪泰國特色呢? 唔係太啱我口味下次可以encore刨冰既服務店員有禮貌

呢間過江龍After You Dessert Cafe 之前每次經過都排超級多人，但今日經過竟然無人排，老婆又話好想試，咁唔係唔食丫?之前一直好鍾意飲泰式奶茶，係呢竟然變成左刨冰，仲要係店舖最人氣最勁嘅食品之一，咁當然要試下啦！一拎到黎，個賣相真係好靚嘅啱哂打卡用，但可能變左冷就淡左好似，所以佢有一兜奶茶俾你淋返落去，個賣相當堂靚仔哂！另外仲叫左另一款人氣產品芒果糯米飯吐司，咁樣配搭真係又新奇又好味又吸晴，又係打咭一流！食完我好掛住泰國丫！

之前成日見到呢間新開甜品店排長龍，今日排左大概5分鐘就有位，時間為星期日下午兩點。走既時候3點幾就超長龍。原來呢間係泰式甜品cafe，餐牌有多士，刨冰，飲品同其他甜品。自己去收銀落單比錢，講低枱面號碼牌就會有專人送上甜品。呢度有自助清茶可以清清味蕾，不過隻紙杯可唔可以大隻d？唔方便。芒果糯米飯吐司 $128呢個芒果糯米飯吐司係Seasonal，上枱已經聞到牛油香。吐司盒一大件，已經稍稍切開咗9份，入面係薄薄一層牛油，上面有一層糯米飯，再加上鮮芒果粒，仲有一球椰子雪糕，同一球芒果雪糕係底，另外配一細兜芝士忌廉。吐司都有脆皮，質素可以，芒果糯米飯都係正常質素。兩球雪糕質素都幾好。喜出望外係芝士忌廉既質素，又滑溜又鹹鹹地，可以平衡甜品既甜味。總括而言呢個甜品唔錯，味道口感豐富，而芒果糯米飯主題都做到。士多啤梨芝士蛋糕刨冰 $138餐牌話士多啤梨芝士蛋糕刨冰係Must-try，刨冰份量細細碗，看似好綿密，上面加上4片士多啤梨同香甜士多啤梨醬，另上一細兜士多啤梨醬，唔夠再加。食落刨冰帶淡淡奶味，加左士多啤梨醬味道就好好食，係非常綿。冰入面有crunchy芝士蛋糕同忌廉，味道都幾好，好特別，令個甜

經過呢度見到竟然好少人排隊，所以我就試吓，等咗5分鐘就已經可以入去（平常見親條龍都好長，所以入黎試下😋入到黎去Counter 先買左食物， 然後坐低等送上食物🥰餐廳有部機自助凍茶， 可自己去斟茶😋 飲一杯凍冰冰幾舒服☺️我叫咗呢度嘅人氣甜品 🥭🧋泰式奶茶唔會好甜，但茶味好濃😋😋🍞芒果糯米飯吐司兩個雪糕球(Mango & Coconut 🥥)食哂好滿足，再加上香甜嘅芒果、糯米飯，吐司， 這個組合冇得輸，真係好正😋😋呢度個《芒果糯米飯刨冰》都係人氣之一，下次再試🥰Waitress服務好， 收錢既哥哥醒目又健談👍🏻👍🏻，臨走Waitress 姐姐溫馨提示要拎傘， Sweet 💕