粒粒果甜品 (已結業)

雖然呢間甜品舖出名用生果肉整嘅水晶球, 但小妹今次俾呢個芒果芭菲吸引左, 因為小妹係超級芒果控😛 幫襯果陣已經唔係芒果旺季, 但係呢個芭菲嘅芒果肉依然好甜好新鮮, 再加埋一大球芒果雪糕, 椰果, 透明嘅丸子同粟米片, 煙韌得嚟又有脆脆地嘅口感👍重點係難得地有齊哂小妹最鍾意食嘅配料, 事關平時要特登揀"自選配料系列"嘅甜品先食到, 仲要有時連自選都無想要嘅option🤣 呢間甜品舖仲有好多唔同款式嘅甜品, 有機會要再去試, 尤其係佢嘅招牌"水果星球"😋

記得呢個位前身係間唔起眼既糖水舖，呢日經過見到光猛左好多，店內轉哂小清新風，先知原來轉左第間餐牌上有唔少新式甜品，難怪咁多後生仔女幫襯。正如店名粒粒果，大部分既甜品都加左新鮮水果芒果又熟又淋甜，配埋同口味既雪糕，好芒果～芭菲仲加左椰果、粟米片同奶凍，食落層次豐富啲，無咁寡。賣相好得意既牛奶小方，入口奶香濃郁，滑得黎又有啲Q彈，味道岩岩好唔會太甜每次去食糖水總會嗌份窩夫，每客送兩球雪糕，兩者一齊食絕配窩夫烘得好鬆軟，紅豆足料蜜甜，如果綠茶雪糕再濃啲甘啲就更正隨窩夫仲送earl grey解膩，好貼心見舖面貼左唔少雜誌剪報推介呢款水果星球，味道果然唔錯波波好爽滑，一咬落去食到鮮甜多汁既水果，同椰果涼粉一齊食清涼解渴，夏天必點呀仲有中式既養身糖水糖水落足冰糖，加埋紅棗一齊煲，甜到入心。仲有豐富既雪耳同桃膠，口感帶少少漿漿地，飲落都feel到膠原滿滿呀

一行7個人 3個叫咗水晶星球1個叫咗湯圓桂花湯 2個叫咗芒果芭菲1個叫咗榴槤甘露榴槤甘露好大陣味 我估鍾意食榴槤嘅人應該好啱食芒果芭菲幾好食 酸酸甜甜有好多玉米片 好似好健康咁哈哈椰果同雪糕同底層mousse幾夾唔錯 可以試下水晶星球冇咩特別都係雜果加西米底咁只係汁底可以揀返椰汁/芒汁因為咁啱西瓜汁底賣晒桂花湯湯圓上嗰陣大家以為係水嚟 因為個湯好清食落都有桂花味嘅湯圓都幾好食 但冇咩特別7樣甜品2百幾蚊唔係特別貴 算可以接受味道都唔差 可以試下嘅舖頭比較細 所以有啲逼啊但等位就等得有啲耐都有20-25分鐘 仲愈嚟愈多人排隊