白色雪花之公主 (已結業)

食飯前要食返個甜品頂頂肚先,韓國雪花冰最近開左好多間,d間裝修都幾靚入去試試,2大小叫左2個大甜品怪獸爆谷雪糕-爆谷爆得好脆粒粒都可以原粒食晒冇爭粟米粒,焦香好香好甜杯底淨返好多冇可能食得晒雪糕食,雪糕好冰又快溶食到出晒水分唔到咩味芒果雪花-雪花唔夠甜不過打得好綿好滑夠晒碎,但雪花冰有個缺點溶得好快,芒果超酸芒果漿唔夠香濃,面頭芒果雪芭好清新小店好細心咁有冰水提供可以自己去攞,不過食完個人已經凍到震鼻水都出埋,如果有杯暖水感覺仲舒服,大size分量太大可以叫一碗一齊食,第一次食叫左2個大size每樣只食到一半浪費

同Friend想稳间野吃下甜品 搜下openrice发现最近呢间野而且点图片好吸引就行佐入去 点佐个芒果雪花 结果好难吃 点芒果好似系坏嘎 隔离台点佐几样野都有芒果雪花 距地都系剩低点芒果冇吃 点绵绵冰其实就系上边淋佐少少炼奶 下面其实全部都系斋冰 一点味都冇 就系因为呢样野所以对其他野冇晒期待了 以后都唔会再来

呢個店有近期幾hit既甜品，所以去試下。不過，可能好hit，所以好多人食，要等成20分鐘。另外，佢有D侍應態度好麻麻，收銀哥哥就ok。而間店既格局真係唔店，唔店既地方係佢枱與枱之間好窄，令到大家坐得唔舒服。我地叫左「怪獸爆谷雪糕」、「芒果雪花」。「怪獸爆谷雪糕」，係雪糕上面加左爆谷咁，無咩特別，不過大家要食得快d，因為佢好快溶。而佢既「芒果雪花」就好大碗，兩個人一齊食先得。雪花上有一球芒果味雪糕，同埋有d芒果肉。雪糕同芒果都甜既，唔錯！不過，由於太大碗，好多時都係雪花，而佢既雪花無咩味！所以我極度建議大家去食隔離康景街新開既「Nun」既雪奶，好食好多，細心好多！大家可以留意我另一篇佢既食評。

呢間雪糕店自開業以來…一直都試業中…開成2點半…想lunch時間黎食都唔得…今次終於正式營業…開12點半…朋友急不及待專程過黎…門口擺哂d cake好吸引...但係就無介紹到係咩黎…連menu都無相睇…結果好隨意咁選左幾味…朋友好似係埃塞俄比亞返黎咁…兩個人都叫左好多野食…綠茶旦糕有2款…我選左卷旦…成隻手掌咁大件…旦糕鬆軟…綠茶味一般…睇落d cream好大舊…但食落又唔覺好肥滯wor…朋友選左旋風雪糕…十足十比薩斜塔咁款…證明雪糕都好實淨…唔係軟雪糕黎…入面係空心…但有成隻手掌咁高…vanilla香再加少少oreo味…唔知點解得一杯有拉花…mocha非常有coffee味…一d甜味都無…但又未至於齋啡咁苦…cappucino味道一般…不過好夠熱...呢個好大碗既…好彩係雪花黎…入口即溶…如果唔係…相信去完埃塞俄比亞返黎都食唔哂呢…但要快d食…因為好快溶…唔好諗住溶左會變奶昔…只係水黎…多士真係烘麵包黎既...特別在有夾心...半透明...煙煙韌韌...甜甜地..有d似老婆餅餡...又有d似年糕...口感都幾得意...呢度除左主打雪糕...仲有cake食...啱哂細食既甜品愛好者...

每個人心目中都有位公主,相信白雪公主都係想人留下深刻印象而改個順口名字,聽聞是韓國出名店子,來到香港就在元朗開業,主打雪花,也有多士同蛋糕雪糕,先來曲奇雪糕,好高,雪糕奶香味重,曲奇香脆可口,配搭唔錯芒果雪花,好大碗,兩個人都食唔晒,有雪糕,冰,芒果醬,芒果,甜得來帶小酸,雪糕係雲呢拿來,冰凍可口士多啤梨多士,烤得香脆,中間似有年糕,上面配雪糕球同多量士多啤梨,幾夾口味,我估小比應該會喜歡綠茶蛋糕,似有玉桂粉在面,一陣香味,綠茶味未夠濃,蛋糕鬆軟,不太甜,唔錯咖啡就兩飲都得咖啡味,但奶味不足總結有創意,味道一般,人手可能不足,服務麻麻,也沒有分享食物專用的餐具..