水蜜桃冰室 (已結業)

今天朋友去左旺角睇戲，然後去食飯行左去女人街果邊睇下有咩食，就見到呢間冰室食d野都幾特別，所以就去試入到去雖然地方唔大，都有一排卡座，環境都很舒適檸檬薑味果酒天氣熱坐底就點左枝果酒同朋友share飲，又唔會太甜，帶點檸檬味但是飲唔到有薑的味道。餐湯首先黎左湯，點了羅素湯和磨菇忌廉湯美國黑毛牛肩胛份量都好足，可以share食，肉質都很鮮美多汁細細個爐可以自己燒黎食，無諗過冰室都有燒肉食到套餐都包左白飯、肉、廣島蠔，相當豐富！美國特級牛小排肉質鮮美，燒熟左都好冧又好juicy芝士焗西蘭花食得太多肉清清地點番個菜食，平衡一下！最後點少得甜品有好多款日本的雪葩蘋果雪葩蘋果味雪葩第一次食，好香濃的蘋果味，整得好似食緊蘋果一樣芒果雪葩好香的芒果味軟棉棉很有食緊芒果的味道

茶記、冰室喺懷舊嘅代名詞，但最近到訪嘅「水蜜桃冰室」，絕對跟個名喺兩回事，既唔喺以水蜜桃為主打食材，又唔喺玩懷舊嘅冰室裝潢，但賣嘅產品又有點特色，小弟就覺得佢喺一家幾玩味嘅港式西餐廳。位處喺「女人街」內，還好鋪面都算幾顯眼，唔難搵。踏入餐廳內，估唔到裝修幾有特色，幾有個性，一室帶少少工業風嘅水泥牆，昏黃嘅燈泡，不過，襯深啡色皮梳化，感覺有點笨重，但又真喺幾好坐喎。而裝修最吸晴喺啲花花階磚，唔止鋪晌部分牆身，仲連所有枱面都鋪埋，令整體感覺沉實而多添一點繽紛及活力。此外，牆上所掛嘅帆船模型、美國色彩甚濃嘅懷舊廣告板，都睇得出老闆確喺花咗唔少心思。翻一轉餐牌，選擇幾港式西餐格，由鐵板燒、沙律、焗飯、意粉、小食……等等，較為特別喺有一系列雪葩，以及仲提供懷舊港式特飲，如黑牛、忌廉溝鮮奶。店員就推介我哋試試一款「期間限定」嘅套餐，會定期轉款，喺韓式火山石燒靚牛肉，或可加錢轉日式壽喜鍋，依家更喺做緊「老闆瘋了」價，打個六五折，就算喺宣傳策略，睇個折實價都極之「MK」吓。蒜蓉包受人歡迎嘅餐前麵包，其實，有啲心機搽勻蒜蓉牛油，焗香佢，上枱時熱辣辣應該喺最基本，但有時有啲餐廳貪快，連基本都做唔好。「水蜜