泰小子 (已結業)

泰國嘅煎薄餅好出名，好多時去泰國餐廳都必點，🈶️餡嘅當係甜品或者小食，🈚️餡嘅用嚟點咖喱好正😋位於屯門嘅泰小子香蕉煎餅專門店喺泰式煎餅上做咗不同嘅變化，都幾特別。不過今次我哋就試咗最簡單但係店家推介嘅芝士榴連煎餅😋2⃣️面煎🉐️香脆嘅煎餅包住香滑嘅榴槤肉同芝士，煎餅上又加左煉奶，食落甜絲絲🥰真係有皮薄餡靚嘅效果👍🏼店家仲要好細心咁切成小塊，食嘅時候好方便。我哋跟餐叫咗杯芒椰奶西，香滑嘅椰汁配上煙韌嘅西米同香甜嘅芒果沙冰，清新又解渴。原來而家除咗煎餅，仲有髒髒鮮奶麻糬系列😍大甲芋泥鮮奶麻糬賣相唔錯，🈶️一大球芋泥，好似雪糕咁😆芋泥香滑，鮮奶麻糬夠Q奶味又夠香濃😌

每次去泰國都會係市集食香蕉煎餅嘅小食，咁耐無得去旅行，好彩而家香港都有得食到啦😎呢間位於屯門置樂，位置算唔係好就腳🤣不過吸引嘅係有10款口味嘅香蕉煎餅，配返野飲好夏日呀～🔸煎餅套餐（HK$53）🔸Nutella 榛子醬香蕉煎餅🍌雖然有好多口味，不過都係揀左最傳統嘅榛子醬味🤪新鮮即製攞上手仲熱辣辣，好多榛子醬以及煉奶淋面，賣相好吸引🤩煎餅嘅口感都幾酥脆，香蕉味都好突出，外脆內軟又唔會太甜🤗🔸芒果椰奶西🥭特飲就揀左呢杯，都算大大杯，入面有好多西米🤩芒果唔會太酸，好解渴呀

置樂最近開左一間好吸引既泰式香蕉煎餅店😍所以就決定食完晚飯黎叫個甜品番屋企啦😎估唔到佢夜晚都有源源不絕既人流，最後小編都等左15分鐘左右先拎到😝🥞 Nutella榛子醬香蕉煎餅 $35超級大份😱 放入口唔算超級熱，但仲係超脆😋其實呢個配搭都冇得輸架啦🤪本身都好驚會超甜，但食下食下唔小心又食左半份🤣榛子醬同香蕉冇搶到大家既風頭，個味放埋一齊係超夾呀😍🍹 芒椰奶西 $28等到好熱既時候，飲番一杯芒椰奶西真係超爽😎佢西米既份量都幾多，飲到最後都仲係啖啖西米😝我本身以為呢杯野係似芒果椰汁西米露咁，但原來都有沙冰打成，令杯飲品可以保持佢既冰度👍🏼如果可以加啲芒果肉一齊食就好啦😝有機會再去試下其他味先😍佢既芒果糯米飯都好似好吸引！