和氣食堂 (河畔花園)

營業中

休息中

評分：🐷🐷🐷🐷（5🐷滿分）要係沙田食餐日本菜真係唔簡單啊，咁岩個日唔想出街，就去左河畔嘅和氣食堂，由於太即興，walkin等左40分鐘先有得食😐所以朋友仔想去就預先睇下有冇得book定啊整體上食物質素都算中上~蟹子青瓜沙津份量超大，食極都食唔完😂好滿足啊❤️芝士厚燒玉子好厚身又嫩滑🤤豚肉丼燒得好香，肉下面有炒過既洋蔥，心思滿分💯牛舌都厚身👍🏻如果係沙田，中價位黎講都算係唔錯既選擇啊

早放工有樣嘢好就係唔使等位啦😎😎今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！建議大家早啲嚟，我哋食到一半七點未夠已經坐滿人。Menu有超多選擇，刺身、刺身丼壽司、咖喱烏冬、飯、小食、串燒等等！選擇多到我都影唔晒😂首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋⭐️⭐️⭐️⭐️⭐️超級推薦嘅芝士厚燒玉子！上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。我同我朋友都覺得超好食呀🤤🤤明太子醬天婦羅炸蝦，有四隻🍤炸漿厚度適中，好鬆脆，入面隻蝦都新鮮嘅，好爽口。天婦羅配明太子醬都係第一次食，平時通常係好普通點天婦羅汁，所以都覺得幾特別。👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！登登！當然要叫返個主食啦！大盛刺身丼！賣相超

朋友吃過一次後念念不忘，是晚我就一探盧山真面目。熟食和刺身都選擇多多，更有不少新穎或有特色的菜式。我們一共選了六道菜：1. 鐵板煎鬆軟牛舌上菜時還在出煙，真的有鐵板的火候，牛舌燒得非常出色，滲透醬汁的香味，亦名如其實的鬆軟。 2. 櫻花蝦鯛魚湯泡飯石鍋飯賣相吸引，大蝦非常吸晴，鯛魚湯貼心地用茶壺另上，還可加入玄米脆脆及蔥。食用前店員才將半壺熱湯倒倒進熱騰騰的石鍋中，瞬間沸騰滿溢，冒出氣霧，隔壁桌的都定睛觀看。餘下的熱湯可隔個人喜好自行加到自己碗中。 魚湯濃郁又鮮甜，蝦亦有驚喜，蝦頭竟然帶有膏，蝦肉入味又爽口，口感豐富，令人非常滿足！ 3. 芝士厚燒玉子有水準，滑滑的玉子和半溶的芝士，經典的美味。4. 千迴火鳥即是燒雞翼，從menu得知，千迴火鳥採用來自日本的阿波酢橘雞，少脂肪，而且養育期間不使用抗生素和抗菌劑，可以安心食用。一嘗之下果然與眾不同，燒得剛剛好，皮薄香脆，內裡嫩滑而沒有脂肪，微辣，加上檸檬汁很可口。5. 五味三文魚五種不同口味的三文魚，有海膽、牛油果、咖喱鹽、芝士，三文魚肥美肉厚，入口嫩滑，還有不得不提的是海膽真的很鮮甜！6. 牛油果炸蝦卷清新的配搭，牛油果恰恰好中和炸蝦

每次夜晚經過沙田河畔都會想試一試呢間日整野 但因為次次都好多人既關係 所以卻左步 但今晚難得地可以等左15分鐘就入到去 所以其實都幾期待睇個menu其實都好多選擇 但女朋友今晚唔太舒服 所以就同生冷野無緣啦 不過唔緊要 仲有好多吸引既野食order 第一道order既野食就係芝士厚燒玉子（$42）市燴d計就差唔多係10$ 一舊 但係我都覺得性價比唔錯 因為塊芝士燒熔左落去舊玉子到 食落好creamy 好滑 而且玉子整得唔老 岩岩好第二道菜就係千迴火鳥三隻 （$38） 火候唔錯 雞亦都外焦內嫰 仲辣辣地 跟住就係石鍋鏝魚炒飯（$108） 塊鏝魚幾大塊 同埋每一啖飯都炒得好均混 兜到個飯成個都有濃香既鏝魚汁味成餐飯最正既都係呢道芝士軟殻蟹卷（$58）個人認為係必食 軟殻蟹新鮮炸出黎 超香口 同時配塔埋沙律醬同埋蟹籽黎食好夾 個口感好rich最後2個人食左350$ 食到好飽 結果要打包走 剩左半個飯 所以下次黎會叫少一樣野食 呢間野真係大件夾抵食！

身住沙田區既小妹，當然要發掘下沙田區既隱世美食，朋友三番四次推介和氣食堂，因為朋友不段話抵食夾大件，質素高，今晚終於去見識下。開頭仲擔心該店地理位置欠佳，但原來都很容易搵。 小店雖然好多食客，但剛好有一張2人枱，所以好快就被安排入坐。黑松露左口魚牛油果沙律第一次食呢個配搭，出乎意外咁夾，火灸燒既左口魚不會太熟，仍然是鮮嫩，配合黑松露，新鮮蔬菜，牛油果，好開胃厚燒芝士玉子正， 熱燙燙上枱，甜甜既玉子，配合玉子中豐厚既溶岩般芝，絕對係美味。帆立貝海膽迷必須要試啊！二樣刺身都非常新鮮， 加埋飯卷， 口感豐富滿足，感受到呢間小店對食物既創意 +誠意。朋友不斷堆介，終於一試， 第一啖吃在口中， 小妹心心眼了再次感受到廚師既對食物既要求和熱誠，茄子燒得剛好，不會太軟身，又不太生。 麵豉香濃，同茄子又是絕配組合。呢個海鮮丼， 絕對可以用完美黎形容，海膽 、三文魚 、toro蓉、 牡丹蝦 、油甘魚 ，全部都新鮮，各自鮮味都好突出 perfect~朋友仔都有推介雞翼，小妹當然要食下呢度既雞翼~ 雞全翼燒得剛剛好，皮脆肉嫩， 有咬口，熱燙燙有肉汁途中店員都不斷為我地添茶水，好貼心啊！今晚小妹同大豬食得飽飽

呢間係一間人氣人店黎，7點鐘去到都差唔多滿座。侍應十分友善同helpful!必叫1: 三色花戀 $88有3款，一舊係芒果好fresh, 一舊有海膽同牡丹蝦，一舊係爆滿既蟹子，材料好新鮮，飯唔多，唔會好漏，覺得係真材實料必叫2: 黑松露鵝肝帆立貝卷 $65加黑松露落壽司卷嘅感覺好特別，味道好豐富，同帆立貝好夾味，仲有甜甜既饅魚汁！必叫3: 芝士厚燒玉子 $42超級濃嘅芝士味，一入口感覺有d似芝士蛋糕D芝士好creamy的感覺，大愛！另外仲叫咗電擊雞翼，聽個名就覺得好特別。呢款雞翼係凍嘅，有少少辣，可以當前菜咁食，個汁好特別，我朋友讚不絕口！白咖喱烏冬配炸雞都係聞所未聞嘅特別菜式，啲白咖喱好滑同creamy！田樂麵鼓燒日本米茄子，估唔到有咁多舊，可以用來送飯滿足嘅一餐

沙田區食肆林立，晚餐要選一間真的很難，那天跟朋友去宜家傢俬購物然後就順便在附近的河畔花園吃飯。看到網友說這間日本料理不錯就試試看。每款壽司都很新鮮，三文魚帆立貝軟嫩彈牙，蟹膏有質感，飯煮得剛好，入口即化。個人勁愛火炙壽司，火炙鵝肝3點是我的首選！芝士控必點芝士厚燒玉子，口感juicy有層次！鐵板煎鬆軟牛舌上菜時還在出煙，可想而知香氣濃郁，鐵板上的洋蔥和醬汁深透牛舌裡面，吃出鬆軟新國度～七味河豚干，普普通通這樣子。

環境嚟到沙田圍搵野食🤤見到和氣食堂出面排晒隊，就襯墟排埋一份，等咗一陣就入得去，入面都好多位下！食物食物同飲品嘅選擇都非常多，Menu厚厚一本！最後都叫咗唔少野食😋芝士厚燒玉子 - 厚厚嘅4舊玉子！煮得剛剛好，蛋一啲都唔老，甜甜地加上芝士👍🏻扺食👍🏻好食！電擊雞翼 - 見到個名咁得意就叫咗，原來係凍食嘅辣雞翼，開胃又好味！三文魚牛油果沙律 - 食日本野一定要試吓啲三文魚，呢度嘅三文魚非常新鮮，加上好多牛油果同沙律醋，非常開胃！軍艦5點 - 非常抵食之選，5件軍艦有海膽、帶子、甜蝦、蟹膏、三文魚子同埋拖羅！全部都好鮮😋大盛刺身丼 - 超足料嘅丼飯！百零蚊嘅丼飯有三文魚、吞拿魚、海膽、帶子、玉子、大蝦同拖羅🤤🤤🤤

今日同朋友嚟到沙田圍食晚餐，嚟到呢間和氣食堂食日本料理，到嘅時候七點半，已經滿座，外面仲有好多食客喺度等緊，可見呢間餐廳風評唔錯。白咖喱鳥冬配炸雞（$88）上層有打發起泡嘅cream，食嘅時候將佢同底下嘅咖喱烏冬撈勻，咖喱當中嘅椰汁味好突出，配埋cream做到香濃柔滑嘅口感，而讚岐烏冬，食落彈牙，同湯底非常配搭！至於炸雞，有三隻雞鎚，外皮酥脆，內裏仲保留到肉汁，雞肉嫩滑～5色海鮮丼（三文魚、鰻魚、帆立貝、拖羅、三文魚籽）（$128）除咗以上海鮮之外，仲配有玉子同青瓜。當中嘅三文魚切得非常之厚身，啖啖肉，而三文魚籽一d都唔腥，至於玉子食落去甜甜地，口感結實，非常好食～燒日本鄖島蠔2隻（蒜、燒芝士味各一）（$48）蠔最怕腥味，但呢間整嘅燒蠔一啲都唔腥，而且蠔大大隻，夠肥美😋，有兩種口味，配蔥蒜同芝士都好夾～芝士厚燒玉子（$42）食落去甜甜地，食落一啲都唔乾身，層層蛋之中仲保留到湯汁，玉子亦唔會煮得太老，好嫩口～溫泉玉子牛油果凱撒沙律（$58）第一次試溫泉蛋配沙律，估唔到溫泉蛋同沙律嘅配搭好夾，溫泉蛋可以調和蔬菜嘅草青味，配埋沙律醬、牛油果同多士粒，整體唔錯。

和氣食堂，每一碟餸菜，都能煮出一種鮮味，係對食物一種尊重，勁勁勁勁好食麻辣火鍋 128hkd (京蔥,豆腐,白菜,芋頭,粟米,牛肉,豬肉,雞肉,福袋,芋絲,白蘿蔔,金針菇)火鍋底有大概 15 種嘅材料, 火鍋嘅底以泡菜湯做湯底， 白菜都煮到好入味，又用慢火唔係用石油氣去 控制火既大細，石油綿慢慢去加熱， 坳出嚟嘅湯，同食物，會更加帶大出鮮甜味道。黑豚腩燒丼72hkd黑豚，白飯配泡菜，三種味道加埋一齊絕配甜蝦,山虎蝦,牡丹蝦刺身壽司58hkd唔立口，爽滑，新鮮，正雙重芝士鰻魚卷42hkd挺身嘅鰻魚，加上面頭四方方溶溶狀態嘅芝士，青瓜，yummy， 珍珠米粒粒 分明，有口感。芝士厚燒玉子4件 42hkd一層層嘅玉子，咬落去有好香嘅芝士味道，一夾起仲見到好多煙，好夠熱田樂麵豉燒日本紅茄子42hkd麵豉醬配茄子，味道獨特， 鍾意 麵豉湯嘅話都一定好鍾意呢碟小菜。一到7:30pm. 即滿座， 餐廳可以容納三十人左右，樓面亦有五個夥記招呼，招呼周到。

星期六晚嘅七點鐘門口已經排曬長龍， 我哋攞咗張飛等咗一陣就入得非常好彩！食物嘅選擇非常豐富， 唔同嘅卷物似乎係呢間餐廳嘅特色。芝士軟殼蟹卷， 蟹籽好多淋喺面， 芝士用火槍燒過， 食落好香， 軟殼蟹好脆身， 卷物份量都好大件， 略嫌啲飯有啲散散地唔係好夠實。芝士厚燒玉子， 初時以為仲會有啲醬汁喺面， 嗰款應該係汁燒玉子。 芝士同玉子本身唔算好夾， 而且玉子入面好乾， 係有好濃嘅蛋味但係真係好乾同好實， 點咗豉油都彌補唔到， 個人有啲失望。大阪豬扒丼， 同佢餐牌張相一樣咁大碗！ 吉列豬扒上面有厚厚嘅椰菜絲同木魚絲， 豬扒底下嘅飯有啲似滑蛋飯， 豬扒脆身唔漏，麵粉亦唔厚，非常好食！配埋滑蛋飯完全加分！

去到河畔，有好多食肆，但係未夠六點鐘，鋪頭都未開門，就已經有幾個食客喺外面等，相信必定係好嘢，所以決定今晚喺呢度開餐。首先，食過松葉蟹柳蟹子沙律，份量好大，有不少好長嘅蟹柳，蟹子數量亦好多，三個人好似食極都食唔哂。另外，叫咗兩款小食，就係牛油燒粟米同埋一口番薯。粟米燒過，所以好香，牛油好薄所以，有少少牛油味，又唔怕肥膩。一口番薯，燒到有少少脆卜卜，仲有少少蕉味，喺其他地方食過，都冇呢一種嘅口感，好好味。跟住食個雙重芝士鰻魚卷，鰻魚嘅上邊有層薄薄嘅芝士，卷裏面又有一舊厚厚地嘅芝士，有被芝士上下夾攻既感覺，鍾意食芝士嘅一定唔可以放過。我又叫咗一個刺身盛，包括有三文魚、甜蝦同赤貝。三文魚好肥美，甜蝦好大隻，唔係一般嘅甜蝦，赤貝都好鮮甜。至於芝士厚燒玉子，除咗有芝士味之外，就係有非常非常厚嘅玉子，超過一吋厚，如果鍾意食玉子嘅話，一定唔可以錯過。濃湯番茄烏冬，湯底有濃濃嘅蕃茄味，牛肉未至於入口即溶，但係都好鬆化，烏冬都係好彈牙，可能係稻庭烏冬卦。叫咗兩款嘢飲，一款係巨峰梳打，另一款係草莓番石榴熱情果梳打。巨峰梳打味都同其他地方飲到嘅差唔多，冇咩特別。反而另一款就混合左幾種生果嘅味道，所以比較夜惹

今日去左沙田圍河畔附近探朋友， 順便食埋飯， 呢度附近開左好多唔同餐廳， 有台灣 越南 泰國 西餐 雞煲， 乜都有。今日就試呢間日本野， 門口有Food Gulu app可以拎定飛，不過我地早，6:30去到，唔洗點等位。入到去都坐滿左大半， 本menu 好厚， 好多選擇， 有沙律，有丼飯， 有壽司， 有刺身，有串燒。呢個茄子好特別， 加左麵豉去燒， 好香， 本身茄子冇乜味， 所以好吸味， 好香口， 可以食幾舊。個沙律叫沖繩風， 上面加左啲海葡萄， 第一次試海葡萄，冇乜味， 好似海帶咁， 配埋啲生菜， 感覺好新奇。呢個天婦羅盛合， 份量都幾多， 3隻蝦 再加幾舊蔬菜， 有南瓜， 有茄子等等， 炸得幾好， 夠香口。個黑豚飯幾好味，啲汁好濃， 啲肉吸曬， 啲肉夠淋， 配飯好好。 好開胃。 仲有啲配菜泡菜跟埋。芝士玉子燒夠厚， 入口啖啖肉， 唔會太甜。 偏實。唔會散。三文魚5味， 一款係正常乜都冇加，一款加左牛油果， 一款加左海膽， 一款加左咖哩鹽再燒，一款加左芝士再燒。 全部都好特別， 有新意。

老公同呀仔同我提前幾日慶祝母親節，我選擇食日本料理，沙田圍有兩間日式餐廳，徳美已食過，今次試和氣啦。^_^閒日星期二晚上八点半不用等位，雖然店子小小，但也坐得舒服。

話說前日去朋友屋企傾下仍WEDDING既野,仲要上淘寶係咁幫佢淘呢樣淘個樣.....真係眼又朦頭又痛...但無法啦,鬼叫係朋友咩...所以佢都知辛苦我,就帶我落去佢樓下食飯。唔係佢同我講,我都唔知呢度原來開左間日本野我地都已經係7點幾落黎諗住未會好多人,但竟然都爆場MENU都好吸引,款式都好多溫泉玉子牛油果凱撒沙律溫泉蛋一篤落去就流到山洪爆發咁睇到都超爽,牛油果超新鮮三色花戀(芒果,海膽拖羅蝦,蟹籽)花之戀見得多,但竟然仲有咁多花款....仲要咁大舊海膽4點刺身盛A有三文魚3塊,溥切8塊,廣島蠔2隻,甜蝦3隻。全部刺身乾淨新鮮,三文魚廣島蠔超級肥美芝士厚燒玉子超夠甜,黎左10分鐘左右我地先食,入面都仲有煙...芝士味聞好香但食落只有少少味,我反而覺我咁樣BALANCE D,因為舊玉子本身已經好夠甜,再重芝士味的話就太膩了韓式泡菜豚肉豆腐鍋湯頭超夠味,應該係深色D個隻味噌,配埋泡菜味有少少辣,非常開胃,而且飲完完全唔口渴我辛辛苦苦幫我朋友搞WEDDING,呢餐當然唔使我俾啦,但原來呢度有間咁高質既日本菜,下次請媽媽黎食先