齊柏林熱狗店 (太安樓) (已結業)

一直都中意幫襯依間 近日先知原來近近地太安樓都有 就收工去幫襯下依間係以賣熱狗為特色 但係慚愧地冇食過依間既熱狗🌭️😂 搵次要試下講番薯條方面 依間真心係抵食 因為佢一大兜都係最平$15 而我食過芝士大薯條（$22）同埋芝士煙肉大薯條 值得推薦係芝士大薯條 面林有芝士醬 建議即食或者唔好咁耐先食😂 因為會變乾左一pack野咁😂 再配搭千島醬同茄汁 薯條唔似m記嗰啲咁又乾又瘦🙄 係大舊又粗 超抵食 食一份都飽左大半另外第二個推介既係薯格 有得簡細或者大 細既就$15 大既就$22 大既真係好抵食 不過唔記得影相 失策左😂😂最近新試既係洋蔥圈 都係有分6件（$15同9件裝（$22）配以燒烤醬 同埋都幾大舊😂 不過味道就對比有啲失色 因為食唔出洋蔥味 可能啲燒烤醬太濃 遮哂啲味😂😂

荃灣區有葵芳，港島咁係去太安樓掃街。好耐未去太安樓，今次去到地方發覺新添咗好多食店。呢間熱狗鋪頭前排先至嚮果籽睇到，聽講熱狗係本地製作，咁係要試下啦。第一次去果陣order 咗芝士大薯條，薯條好多，22HKD 但俾咗正餐咁多。芝士醬+茄汁鋪嚮薯條上邊，仲有滿瀉芝士，拉到絲，好有奶香味。第二次去太安樓都有幫襯，買咗外賣返屋企食，38HKD 芝士熱狗+22HKD 芝士大薯條。芝士真系好正，拎返屋企已經有少少凍，但都好香，熱狗包有用牛油煎過，熱狗腸有肉味。但凍咗嘅芝士同紙盒合為一體，扯下來D 紙……但整體來講味道好正，會帶屋企人再來幫襯。