Kozy Okonomi-yaki Teppan-yaki

營業中

休息中

餐廳位於銅鑼灣，位置非常方便，喺地鐵站行幾分鐘就到。餐廳係由日本廚師打理，可以睇到廚師煮嘢技術好純熟，煮嘢亦都好專心同用心。餐單有好多唔同嘢食可以叫，全部都係即叫即整，如果預先預約可以坐bar臺，望住廚師預備食物。芝士蛋奄列廚師將蛋煮得啱啱好，食嗰陣時熱辣辣仲有蛋汁，入邊嘅芝士溶化之後可以拉絲，係必食之選。華味鳥雞扒廚師將雞扒煎得好香脆，調味恰到好處大阪燒可以自行選擇加配料入大阪燒入邊。我哋選擇咗加牛筋入去。日式炒烏冬炒烏冬大大份，加埋新鮮蔬菜，烏冬煮得好煙韌，啲蔬菜又炒得好爽脆，好滿足。

黎到呢間日式鐵板燒 我覺得好吸引呢間餐廳一定要事前book位啦 最好就早啲book佢地啲服務都幾好 我黎到呢間餐廳真係好日本佢地既廚師都係日本人 同埋呢間店時待應都識講日文 因為有好多客都係日本人 好多日本人黎食既佢地啲員工幾好服務嫁 一入到去環境又乾淨我就坐bar台 因為覺得見到啲廚師燒野食好吸引我就叫左芝士奄列先啦 佢果種拉絲既芝士真係好正 呢個豚肉薄燒 我覺得真係幾好食 薄薄地 同埋我好仲意食佢啲醬呢個就係豚肉大板燒 好仲意佢多燒汁同沙拉醬仲有木魚同埋海苔粉 真係好入味 炒麵奄列 加左芝士10蚊佢同大阪燒一樣既 不過佢入面就係有炒麵大致上係甘 整體都覺得好好味 可以試下 平均都係百幾一個人

呢間位於銅鑼灣商業大廈樓上既日本大阪燒專門店，但係人流一樣咁多，呢間餐廳既格局好日本，廚師都係日本人講d我聽唔明既日文，好好彩我地驚無位我個fd去之前bk咗位，誤打誤撞bk咗bar台坐，記住要bk定bar台啊!!!點解我咁強調要坐bar台呢？因為坐bar台先可以近距離睇住師傅係你面前既鐵板整大阪燒或者其他燒，睇住師傅係你面前為你準備食物之後推都埋你面前比你享用感覺好開心，師傅手法熟練真系好好欣賞，食物方面食咗芝士奄列同豬肉大阪燒加麵，芝士奄列好cheese，拉出條條芝士絲，好抵食，好好味，芝士迷最愛，豬肉大阪燒大大份，仲好細心我地兩個人食切好一半先推埋嚟比我地一人一份，但係就唔係好食得出麵味，其實一路睇住師傅整d蔬菜燒鐵板炒麵燒蝦燒牛舌都好想食，值得帶多d朋友一齊上嚟坐bar台分多d小食一路傾計一路食👍