小茶堂 (已結業)

成日覺得旺角太多台式飲品店，要突圍而出一啲都唔容易，好多質素非常參差，成日中伏！呢排見到好多人都都post小茶堂（唔知係咪廣告🤔），係時候throw back返之成半年前飲咗、又覺得唔錯嘅飲品！(非廣告！）芝士奶蓋鮮鳳梨綠既奶蓋幾出色，有微微嘅鹹香，不過同底部嘅飲品其實唔係好撈得埋，少杰～至於鳳梨綠就係冇果肉齋菠蘿汁加綠茶，冇咬口但衰鬼又幾夾喎（利申：超鍾意菠蘿🤤🍍）至於黑糖珍珠鮮奶紋路就好靚啦，飲落黑糖味重得來唔會過甜。珍珠都有黑糖味，軟硬適中，上下搖10下飲落都唔錯，中上，呢個價錢算係咁上下🤘🏻BY THE WAY，個陣等左十幾分鐘先有得拎，旺角街頭算好慢🧐～-芝士奶蓋鮮鳳梨綠 | $33黑糖珍珠鮮奶 | $27-

噚晚系旺角買完水餃外賣食, 之後去咗附近一間台式飲品店"TeaDays"小茶堂買咗一杯叫做"芝士奶蓋鮮鳳梨綠"攞嚟送我d水餃同煎餃食😎睇相見到有層厚厚嘅芝士泡沫系面頭, 最鐘意食芝士同飲鮮奶嘅我當然唔會客氣喇, 加上個名有皇冠係店舖推介仲有鳳梨同綠茶我一定唔會錯過喇！所以最鐘意試新嘢嘅我要第一時間急不及待上前比錢買返嚟試一下睇下啱唔啱我口味...雖然等候嘅人並唔多, 但大約都要等咗十零分鐘先至有得攞！攞上手見到杯綠茶上半截係芝士奶同冰而下半截係菠蘿碎同綠茶。第一啖就係試下d泡沫芝士我用支飲筒飲咗一啖, d芝士溝埋d奶原來可以咁好味道, 果然好有濃郁嘅芝士味, 而第二啖我就試埋d綠茶同菠蘿, d菠蘿同綠茶溝埋原來可以有咁嘅口感。整體嚟講依杯"芝士奶蓋鳳梨綠"我會比95分, 而果5分去咗邊, 就係我對綠茶係麻麻地鐘意, 依杯綠茶對我而言係A-！