麥當勞

營業中

休息中

首先，新一年祝大家新年快樂！大年初二，係沒太多選擇下，我去咗食McDonald’s揀咗個芝士安格斯配薯條餐，而呢個餐係可以配McCafe新出嘅蜜糖玫瑰latte 或者朱古力，都只係$43.5，對於本身想試呢個新latte嘅我，呢個配搭的確係唔錯！一般而言，其實預期都唔會好高，但既然我可以為呢個餐出一篇文，當然係有佢嘅價值，或者你哋睇圖應該可以feel到。呢杯蜜糖玫瑰latte確實可以媲美出面嘅cafe，甚至係性價比及用料上更勝一籌，就連外賣嘅玫瑰花都毫不手軟，有顏值。加上啲薯條終於唔係黑色、腍曬或者翻炸，而且安格斯水準繼續處於中上，整體而言，令我對食麥當勞產生左另一個新感受——原來，食麥當勞都可以好幸福、好premium!只要薯條炸好啲，飽整好啲，其實就可以完全提升到食麥當勞嘅幸福感同改變固有觀感，而McCafe嘅存在同近年嘅創新不就是這樣？新一年，大家不妨去感受一下呢一份幸福感！This is not a sponsored post.

一向都幾支持麥當勞嘅安格斯系列，相比起平日食到嘅漢堡嘅都有肉味同口感，見佢個芝士安格斯漢堡套餐有特價，專登支持下。相比起其他安格斯漢堡，芝士安格斯稍為失色，牛肉同同系列漢堡一樣，所以唔會太差，但係配菜略少，除左上下一塊芝士就得茄汁同洋蔥，缺乏同系列漢堡味覺上豐富嘅層次感，反而似落重料嘅漢堡包，但係。。漢堡包配菜好似都多佢少少