北海道爐端 (已結業)

話說尋日同女友人去左荔枝角行一個新開叫D2 place既商場成個商場設計好前衛仲好多野食添啊,咁我同女友人行到攰就發現佢有間日本居酒屋咁既外表既鋪頭，我地比佢既外表吸引左入去.. 佢呢間名為北海道爐端燒佢主打係佢既燒物都好多選擇，同埋佢竟然有超濃芝士意粉食真係好正好creamy , 野食方面我地除左叫芝士意粉同一d燒物，我地仲叫做醬油燒鱈場蟹！佢隻蟹腳真係好厚肉好彈牙,我地亦叫左網燒安格斯牛扒塊扒燒得幾好，薄薄地油脂分佈幾好好好味,燒物就叫左燒牛舌，燒茄子，燒雞皮，牛油蘆筍燒同芥辣豚肉串,全部都燒得好好味火候岩岩好,之後就加左個炸甜番薯條同雞蛋卷個炸甜番薯條好正好脆口，好有甜品feel食完勁滿足，而野飲就叫左一杯白桃梳打同埋一杯柚子檸檬梳打

難得等佢放工，所以近近地喺D2 place 附近食。炸年糕入面有嘅流心芝士，面脆內軟，正呀明太子玉子燒，個蛋夠晒滑，加埋明太子餡，值得一試炸豬配埋啲沙律，真係一流。炸豬個皮薄薄地，又脆脆地，啲豬夠晒軟熟，正呀煎餃子餡多，皮薄，配埋餃子醋，好味呀芝士意大利粉加埋好大隻嘅蝦，芝士汁夠晒多，好 creamy, 份量唔會太多，唔會太膩帶子魷魚燒配埋日式醬汁，個燒面夠薄薄脆脆，正肉燥味噌飯真係夠晒特別，鐘意食濃味嘢嘅我，撈埋啲肉燥黎食，配埋日本米，正蜜瓜小丸子配埋煙韌嘅小丸子，加埋蜜瓜，同埋底嘅粟米脆片，食落真係好搭調，又唔太甜又唔太膩2人難得食餐好，$500幾咁多嘢食真係唔錯

朋友生日揀左黎依到食爐端燒。但其實我覺得比較像居酒屋～和風凱薩沙律賣相唔錯，味道正正常常咁啦。明太子雞蛋卷又鐘意明太子又鐘意日式蛋卷既我啱晒！呢個配搭係無敵精選刺身5款個木座好有型除左八抓魚全部食左1件，算新鮮。$280左右，不過不失。海膽完全唔腥，抵食醋鯖魚又係我必食之選！整得好味。醋味適中，不會太搶，份量算多。招牌炸雞，味道一般。可能用左「招牌」呢個字眼，期望太大，真係有d失望味噌蟹蓋味道不及之前食過既一間日本燒海鮮，平時我會爭住食，呢個完全冇衝動芝士意粉見到店員推架車出黎，有一個好大既芝士，放竟粉入面撈，應該好濃芝士味，但食落又唔係。。。味道是不錯，不過可以多d芝味