漢城美食

營業中

休息中

小韓國街上門口不大，入到去好寬敞，仲有2張坐到12人嘅大枱，真係冇乜邊間韓國餐廳有咁大張枱。就算一家大細，三代同堂食飯都唔使分枱坐👍🏻。原來2001年開業至今，可以話係尖沙咀嘅老店，而且價錢實惠。當然韓國人主理都好重要，夠地道。🥢前菜：泡菜，蕃茄香腸片，煎餅泡菜真係間間唔同味，呢間咸啲，冇咁辣，啱我口味。少見有煎餅，蕃茄香腸片，唔錯。🍙牛肉紫菜包飯 $84好香麻油飯包住牛肉同醃菜，就係簡單好味，經典之選。🍗蜜糖牛油雞翼(4隻) $58平時都係食炸雞半隻，今次唔想食咁多，叫左4隻雞翼，炸得香脆，蜜糖牛油好香，仲有炸年糕，香脆軟糯。🍜炸醬麵 $89麵好食，煙韌有咬口，似手工麵。炸醬甜甜地，醬中有細細粒白蘿蔔，清甜，解到炸醬嘅膩。🍲芝士炒年糕 $95唔食得太辣嘅朋友可以叫小辣，以為炒年糕好乾身，原來都好多汁，真係好鐘意芝士配年糕呢個組合。

放假陪好姊妹到尖沙咀金巴利道試婚紗, 順道係附近食少少野醫肚, 呢條街有唔少韓國料理小店, 其中「漢城美食」可說是全區開業最悠久嘅韓食小店, 仲係韓國人主理, 菜式選擇多。餐廳裝修簡約, 地方整潔, 入座隨即送上三碟韓式前菜, 點餐後食物上檯快。【蜜糖牛油雞翼(4件)】HK$58雞翼非常香脆, 表面灑上了蜜糖牛油粉, 甜甜地又滲出淡淡牛油香, 伴有四條煙韌韓國年糕過下口癮。【吞拿魚紫菜飯卷】HK$84飯卷非常足料, 食材比例比飯多, 卷住了吞拿魚肉、菠菜、紅、黃蘿蔔等...口感層次好豐富。【芝士炒年糕】HK$95煙韌韓國年糕配上一片芝士、甜辣醬汁, 辣得有如泡菜般香辣, 好惹味, 仲配有大量盡吸了醬汁嘅椰菜絲。【炸醬麵】HK$89麵質彈牙, 炸醬汁撈起好漿口, 配有青瓜絲、荷包蛋、有些少碎豬肉同埋唔少好林嘅洋葱, 大大碗同朋友share都好夠食。

漢城美食話到明俾你知係美食，聽到都要黎試下啦！三個女仔食韓國野飲下燒酒，咁樣又一晚啦～餐廳以紅白色為主調，座位闊落四四方方，不足之處就係離地鐵站有啲遠我哋嗌咗個泡菜炒飯、泡菜餅、芝士炒年糕、香辣海鮮湯麵同埋菠蘿燒酒🥗一開始上左幾碟泡菜，有朋友覺得唔夠鹹同唔夠辣🍛泡菜炒飯飯粒分明，泡菜分量足夠唔會得幾塊，整穿太陽蛋個蛋黃再撈飯就更加好食！不過真係好普通冇其他餸🍕泡菜餅略嫌太厚，應該再整薄個餅，咁會更加香脆。同時間個餅太厚，令到個味都唔足夠，分唔均。同埋有啲位都煎得太焦🍲芝士炒年糕嘅年糕夠晒煙韌，芝士作為呢樣餸嘅名，份量可以再多啲。個味道夠辣夠味，什至攞嚟撈泡菜飯都得🥘香辣海鮮湯麵個湯都好鍾意，比芝士炒年糕個湯更辣！裏面啲海鮮就好普通，完全冇鮮味，麵質亦可以更加煙韌，但都好掛湯，條條都吸晒湯嘅味🍍菠蘿燒酒都甜甜地，不過酒味都幾重，唔可以當一般果酒黎飲，入面配有幾個菠蘿，每塊菠蘿都吸晒啲酒味好特別韓國食物來講係比較普通，味道唔出色，似係平時係屋企用即食包裝都煮到既，唔會推薦比大家食～