SMILEY CAFE with eGG (已結業)

係呢個商場行完街又到開餐時間, 被呢個黃色笑哈哈燈吸引住(事實上都有唔少人係到同佢影相)周圍都充滿住笑哈哈嘅蹤影, 真係未食都感受到開心氣氛, 隔離係眼鏡店, 食完飯仲可以過去睇下眼鏡餐具都係佢嘅"嘜頭", 鍾意佢既FANS應該相當滿足, 而餐牌用上電子屏幕, 方便隨時更新菜式有抵食套餐當然亦有散叫, 食物選擇唔係話太多, 但作為一間CAFE絶對合晒格呢客烤雞肉雜菜沙律 ($48), 份量唔少夠2人分享, 可選配千島醬/日式芝麻醬鷄肉調味得唔錯, 肉質嫩滑, 連埋爽口沙律菜一齊食, 有肉有菜好健康呀!!小食點埋呢客一口牛柳粒配日式燒汁 ($68), 一口SIZE唔駛再用刀切夠晒方便點少少日式燒汁好惹味, 牛柳粒四邊再煎香過, 咬落肉汁仍有, 質感帶少少嚼勁, 肉味唔算太濃, 作為小食都唔錯!以麵包作器皿嘅包鍋西班牙海鮮飯 ($98), 挖空麵包包芯, 內藏西班牙海鮮飯, 創意無限飯中嘅海鮮材料包括蝦, 魷魚, 蜆肉及魚柳, 再配上甜紅椒增加鮮甜味; 醬汁creamy, 每粒飯都沾滿醬汁, 食落香滑, 好味道!食晒個海鮮飯, 仲可以食埋個香脆包, 另外有個醬汁比你點飽食, 咁就唔怕乾爭爭

朗豪坊呢個住置開左間新嘅主題餐廳，今次主角係smiley，店鋪位於眼鏡店旁邊，行過路過一定見到，因為黃咁咁，太搶眼餐廳明顯落足心機喺裝潢上，每個角落都見到「哈哈笑」嘅蹤影，適合鐘意打卡、影相嘅朋友，眼見在場都有唔少人影過不停呢度位置唔算多，有室內，亦有餐廳外圍，即係商場範圍嘅位置。如果鐘意坐裡面，最好就預約。始終係主題餐廳，點都會有一班擁躉。我地週日光顧，下午一點鐘，都有數張枱被預約了。以主題餐廳而言，消費唔算太高，平日仲會有午市套餐。但因為係假日，就一律單點。餐牌供應沙律、小食（例如薯條、雞翼等）、主菜（例如意粉、全日早餐、意大利飯、扒類、豬肋排等）、甜品（雪糕杯、芭菲、布丁、奶凍等）、飲品（咖啡、雲朵系列、茶、梳打、沙冰等）。主菜定價7、80蚊左右，有平有貴啦。芝士煙肉炸薯條 $48薯條份量多，都幾熱辣辣，用上粗薯，面頭加左啲芝士、煙肉，兩個人食都夠哂，有多。芝士味道唔算好濃，但都做到拉絲效果。煙肉可能較細碎，味道唔明顯。薯條比較腍身，如果香脆啲一定更好食，口感冇咁粉。一口牛柳粒配日式燒汁 $68伴有沙律菜，牛柳粒size偏大，份量唔多，每日三至四件，都煎得幾香，微焦。食落都香口，