安客蔥雞

營業中

休息中

最近偶然遇上西營盤呢間韓式酒吧，係一個適合同三五知己飲幾杯嘅好地方，而且佢地嘅炸雞做得好出色👍🏻尤其係芝士無骨炸雞❣️用鐵板盛載嘅芝士無骨炸雞，剛上菜時芝士仲「滾動」緊😆 其味道甜中帶少少辣，炸雞不但外脆內嫰，加上無骨所以有「啖啖肉」嘅感覺，相當滋味😋 雖然另一款甜辣醬炸雞嘅味道都調較得惹味啱啱好，但明顯俾芝士嗰盤直接比下去🤭但想提醒大家一下份量，佢地每一樣食物都比我想像中多好多😂 只係睇相片大家可能會以為我叫左兩盤炸雞，但其實我只係點左一款名為 Half+Half 嘅雙併炸雞，有啲似三至四人份🙈 所以如果只係兩個人的話，我認為只叫一份小份嘅炸雞已經好足夠🍗魷魚沙律同牛肉石鍋拌飯都相當足料，腍腍地嘅辣魷魚絲配爽口嘅粉絲，係好開胃嘅前菜；而牛肉拌飯亦唔會過於油膩👍🏻士多啤梨奶昔同柚子燒酒係解辣解渴嘅好選擇🍸 柚子燒酒嘅柚子味突出，甜甜地幾適合女士喝，但如果燒酒嘅味道再明顯啲就更好啦；士多啤梨奶昔唔會過甜，又靚又Creamy，有驚喜😋到訪當晚雖然係平日，但都客似雲來，亦有好多街坊喺散步/放狗時經過互相傾下計，氣氛好好👍🏻聖誕臨近，大家不妨同朋友到呢度聚一聚啦☺️

西環斜坡嗰幾條街，一到夜晚就好熱鬧，皆因嗰度都好多嘢食其中有一間喺高街嘅韓國餐廳，雖然非韓裔嘅外國人打理，但質素竟然有驚喜食韓國嘢嗌炸雞係例行膳事，有大細份咁嗌嗌細份for兩條友已經好多底部有芝士焦，炸雞好脆，內裡激嫩，連埋芝士焦食，不得芝了泡菜煎餅居然有芝士版，厚度比出面煎餅厚身內含豐富芝心，咬落泡菜味rich，有陣可口酸香，同拉絲芝士好夾雖然頭兩味都已經係芝士，但蛋捲有埋芝士，真係忍唔住嗌，蛋身又彈滑又堅挺，捲住綿綿芝士，味感好有層次呢間嘅Martini好特別，係expresso shot溝韓國燒酒，形成好smooth嘅泡泡，飲落啡味濃厚，不失酒香

今日嚟到好少踏足嘅西營盤，原來有間幾高質嘅韓國餐廳，野食款式都多，而且佢仲拎左首爾嘅KFC Franchise，d雞應該幾正😏✨Half-half Fried Chicken - 揀左芝士味同甜辣醬味，就算半半都好大份！芝士係用左鐵板上，熱溶芝士有拉絲效果😻味道帶點微辣，食落幾惹味😋而甜辣醬味唔會覺得辣，反而甜甜地幾易入口，同埋個雞好脆卜卜，肉質都幾嫩👍✨泡菜煎餅 - 口感幾Q軟，裡面泡菜好爽口，沾埋個汁食仲夾！✨魚糕小食串 - 好地道嘅feel，有晒腸仔、魚糕同年糕，一路咬下一路傾計好過癮😍✨芝士蛋捲 - 製作需時，食得出係即叫即整，芝味濃郁，蛋捲入面仲有洋蔥粒，口感同味道都好豐富😁✨韓式飯團 - 麻油味好香，好有韓國風味，撈埋韓國紫菜碎食又幾香口😚