容龍海鮮酒家

營業中

休息中

80年是一個漫長的日子，容龍從別墅前身變成酒家，已經屹立不倒80年，早前我就有幸參與玫瑰金禧80周年盛宴。容龍酒家於1939年開業，最初是一所豪華渡假別墅，面向青山灣，四周林蔭翠綠，一望無際的海景盡入眼簾。於五六十年代，因別墅大部份以露天茶座為主，自然成為拍粵語片的熱門地點，更是明星的拍拖勝地。容龍別墅於1989年拆卸，於1993重建為容龍酒家，自此便成為海鮮專家，除了餐牌上的海鮮，客人更可以自行購買海鮮來料加工。容龍酒家開業至今已逾半個世紀，酒家仍保存原有的清幽環境，同時亦保留傳統菜式，將傳統中菜發揮至爐火純青，由2011年至今，已連續9年獲得米芝蓮推介。晚宴當日舉行祝酒儀式，簡單而隆重。大會邀請了李龍基及多位歌手獻唱，現場氣氛非常熱鬧。鴻運乳豬件全體乳豬表面泛著光澤，佈滿像芝麻的粒粒花紋，外皮燒得金黃鬆脆，入口脆卜卜，十分香口。乳豬燒得色澤均勻，証明火候控制得宜，皮下肥膏不會過厚，肥瘦勻稱，令芝麻皮更脆口之餘，也可減低油膩感。金銀蒜蒸大扇貝扇貝蒸出的汁水被粉絲充分吸收，一口吃下，先是湧出蒜香味，然後是扇貝海鮮的甜味。厚厚的帶子蒸過後，內裡仍能保持爽口嫩滑，保存鮮味。蠔皇扣南非鮮鮑新

容龍海鮮酒家歷史悠久，原來今年已經係80周年，舉行左一場好盛大既80周年玫瑰金禧晚宴大事慶祝。佈置重現左前身容龍別墅既場景，如果以前睇過粵語長片應該會覺得熟口熟面。當晚仲有李龍基同多位歌手演唱，將氣氛推到最高點。晚宴又點可以少左乳豬？！燒乳豬最緊要當然係層皮，火過猛，皮爆得唔靚，火力唔夠就起唔到芝麻皮。容龍就將火力控制得岩岩好，一睇色水就知掂，芝麻皮果然做得好鬆化。蒜蓉蒸大扇貝大大粒，好厚肉，加埋粉絲索哂扇貝鮮味同蒜蓉香味，軟身又入味。南非鮮鮑煮出黎質地軟腍，唔會太過硬身似橡膠，鮑魚汁甘香濃郁 ，吊起鮑魚本身既鮮味。所謂鮑翅，是指浸完後無散開，仍維持完整魚翅狀的魚翅，呢一窩鮑翅就正正做到，魚翅用料真係落重手。魚翅本身難入味，所以再靚既魚翅都要靠上湯，湯身微杰，足料又鮮甜。芝士焗龍蝦係容龍既招牌菜，試過之後果然覺得非同凡響。雖然出面好多地方都有芝士焗龍蝦，但容龍做法明顯有分別，唔係平時拉絲芝士果種，芝士表面係炸過既，所以脆脆地好香口，裡面龍蝦亦都好新鮮彈牙，作為招牌菜真係當之無愧。飲宴點都會有條蒸魚，象徵年年有餘嘛，咁大條蒸東星斑其實好考得起大廚掌握時間火候既功力。今次呢條就蒸得好嫩，原