SPICE Restaurant & Bar

營業中

休息中

朋友生日特別揀食印度菜，Spice Restaurant & Bar 當然係必選好地方。肚餓關係即點個 “烤羊肉串燒” ，用鐵板上碟，即聞到香味四溢，羊肉由多種印度香料 醃製再烤好，配以印度薄餅及三種醬汁，令人完全體驗印度獨有風味。加上羊肉串份量十足，又有洋蔥蔬菜墊底，即刻飽肚。另外叫咗一個12”嘅大 “意大利辣肉腸pizza”，上面配有厚厚芝士，聖馬扎諾醬及辣肉腸，層次豐富，厚度適中，加上焗得香脆，口感非常滿足。加一件芝士蛋糕就更完美，芝士味道有如慕絲幼滑，配埋雪糕球，多滿意的甜品。餐廳的燈飾佈置及印度背景音樂襯托，令人食指大動

第一次上 Spice Restaurant & Bar，覺得環境寬敞，卡位舒服，燈光柔和，絕對有印度 feel 。叫咗一份 ‘炸鷹嘴豆餅’，賣相好吸引，你會以為是朱古力曲奇餅，其實係由鷹嘴豆加什菜香草搓成的烤餅，係素食材料，煎香後配兩種醬汁一齊食，充滿印度特色又地道，香脆可口，令人食慾大增。再有一道 ‘牛油雞’，雞塊燒烤後用不同印度香料及蕃茄煮成，上碟前再加牛油，因此肉質軟滑，與別不同的味道難以抗拒，必定要點。再配一份 ‘芝士印度烤餅’ 就更加完美，淡淡芝士味融入薄餅內，不油膩，質地煙韌，將蘸滿醬汁的牛油雞加進去，提升味道之餘，更有驚喜。員工十分friendly ，服務態度好，食物幾好，係值得一試嘅印度餐廳

放工最好就係約好友食飯飲野，去左諾士佛臺先食個晚飯再去下場，揀左樓上一個東南亞菜，樓面好大空間，座位寬敞，台與台之間有空間，適合三五知己聊天。我地二人被安排坐一個小包廂，有沙發，同東南亞裝飾作陪襯，感覺舒服，可以有小小私人空間，不錯。我地二人點左一個沙律，青咖啡雞同印度薄餅，用餐仲提供左青檸薄荷汁一小杯，幫助開胃😃柚士蝦沙律賣相吸引，有鮮花作伴，有三隻蝦，肉質彈牙，柚子份量都算多，醬汁調味不錯，有乾蔥、花生等好香口。青咖哩雞有豆、瓜、紅蘿蔔伴菜，青咖哩汁做得幾好，唔辣，夠濃味，雞件算滑同入味。芝士薄餅芝士味好重，切落有芝士流出，薄餅質地軟軟煙韌的，好食。服務不錯，侍應都主動加水。最後每人$130，下次想試下其他菜式😄