Burger Lab

營業中

休息中

係食完會想再番去食既burger🤩呢到既burger種類好多 除咗有牛肉之外 仲有好多唔同種類😋本身想試小龍蝦蛋漢堡🦞但去到已經賣晒🤧我哋叫咗兩個經典牛肉漢堡一個加左portobello🍄另一個加左bacon🥓同太陽蛋🍳兩個都好好味😭😭😭😍特別想讚下隻蛋😋煮得啱啱好👍🏻小店真係唔同啲 勁細心有手套唔怕整污糟隻手🙌🏻 咁既價錢食到咁正既burger一定會再食!!😇.i’ve had this place bookmarked for a while & i finally got the chance to try out their burgers🤩 great menu with an excellent selections of toppings👍🏻 both burgers were delicious, super satisfying! please do yourself a favour & add a sunny side up egg 🍳 and thank me later🤓 this is definitely my go-to place for burger

呢晚放左工, 因為有d野要去國貨公司買, 所以去左佐敦~買完野,  要食晚飯~男朋友話想食Burger,但我唔想去頹頹快餐店呀.....上openrice search, 見到呢間:  Burger Lab,決定就食佢!店面細細, 但睇得出花心思佈置過!牆上除左貼左店內d漢堡嘅相外, 仲掛左d以黃色為主調嘅風格畫。簡潔得來又有歐陸情調~坐低左之後, 睇下有咩食先!漢堡包, 有10款~計埋小店試管漢堡, total有11款~另外仲有小食~有雞翼、薯條~另外仲可以加$轉combo, 可以配著條同飲品~我地中意食菠羅同鵝肝,所以叫左烤豬頸肉漢堡同鵝肝牛肉漢堡~2個都加$轉combo, 要芝士蕃薯薯條同芝士薯格~另外我地再叫多個蜜糖蒜香雞翼來試下~叫完餐, 就可以坐低等店員拎食物來喇~等緊嗰陣, 我睇到牆上有篇報道~原來呢間店之所以叫burger lab,係因為2位老闆會試驗唔同醬料同配料mix and match,令每款漢堡包都別有一番風味~而每個月佢地都會推出一款試管漢堡,每個月都唔同嫁!天呀! 我太幸運了, 食到鵝肝漢堡店員好快就拎左汽水畀我地先~仲好貼心地為每位客人都送上一套用餐用品:

地鐵站一上嚟，行多幾步就到咗同朋友約好嘅burger店，坐位唔算多，都幾多外國人外賣拎走，睇嚟味道有保證。今日嘅目標係目到有菠蘿夾係中間嘅烤豬頸肉漢堡，新鮮菠蘿，每啖都有酸酸甜甜嘅菠蘿汁，本身嘅烤豬頸肉都已經好香，夾埋一齊有加分！墨魚漢堡相對就失色咗啲，不過味道都唔差㗎，芥末醬有cover度塊墨魚餅，黑魚餅本身唔係薄身，少少厚度，有彈牙口感！同朋友一樣簡咗富咗富士蘋士汁，唔會一味死甜，有好清新嘅蘋果味，佢仲有好多唔同嘅冷壓果汁可以揀，仲可以再加錢加份細薯條～我地今次單點咗份大嘅薯格，極多芝士醬，好rich，同burger一樣即叫即做，絕對係熱辣辣脆卜卜，好正！

唔想喺尖沙咀咁多人，佐敦都有好多唔同嘅選擇🤤，鐘意食burger嘅豬太郎，今次係同事介紹嚟咗呢間小店試下，舖入面有8個位，全部都靠牆嘅高櫈，如果係要傾計嘅就有少少麻煩。**全部即叫即整，所以啲burger真係一個一個咁出，價錢好抵食，值得等！#芥末墨魚漢堡 $78朋友揀咗墨魚漢堡，加咗芥未有少少香辣，仲有勁多菜，每啖都可以咬到肉同蔬菜，墨魚餅唔係薄薄一片，食落好有存在感～朋友話個包夠晒飽肚🤤🤣#小龍蝦蛋漢堡 $78豬套郎就揀咗小龍蝦蛋堡～一壓落個包，啲蛋汁就流晒出嚟！勁正啊，小龍蝦密鋪係burger入面，超建議要大大啖咬落去，太細啖會食唔晒啲料㗎🤭🤭#Bless冷壓果汗 $28豬太郎同朋友一人各揀富士蘋果同西柚果汁，好清甜，食完burger唔想咁肥仔飲汽水，果汁都係一個唔錯嘅選擇！#芝士薯格 $32店只話跟果汁嘅份量係細啲啲，所以為食嘅我地嗌咗邪惡芝士薯格，芝士勁多，每塊薯格都沾滿👍🏻👍🏻👍🏻咁先食得夠滿足！店舖仲有提供手套同濕紙巾添！